FILIPIAMI 1:27 - Sumi Naga CL (Re-edited) Bible (BSI)

²⁷ Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

BAIBEL (BSI)

²⁷ Akhotono nongu kuxu gholalo Khristo tsakiviu ghenguno kiu akuzupu keno tipau shilo, tishianguno ino ighino nongu sasu kusholuna kushomla namu, nonguye amlo lakhi shipe puthugho akeu, eno atsakiviu kupulu ghenguno akukumsu lakhi shino pukaputsa akeu ipelo chilupelo.

Sümi Tiqhelimi Bible

²⁷ Kiu-kiu shive namu, nongu likhi nongu pesü Khristo tsakiviu lo kiu aküzüpu keno tipau shilo. Tishianguno I no ighino nongu sasü kusholu na, I küküha lo nongu no kíshi ani keno tipau ghili likhi chilu namu, nongu no amlo lakhi shi no puthugho akeu, eno atsakiviu küpülü ghenguno akükümsü lakhi shi no pükapütsa akeu I pelo chilu pelo.

FILIPIAMI 1:27 Referans Kwoze

Ephesiami 4:1

Ikehu ni, Ampeu ghenguno akughumi, huno nongu ghutu ani, khipa lalo cheche penike Alhou no nongu kuluve akeno nongu ye aküzüpu shi chechelo,

1 Kor. 1:10

Athiküzümiqo, ni Mpeu Jisü Khristo je lono I no nongu qhüiniju anike nongu kümtsü no pulo küqhalulo, nongu gholo kijethakile kevi, ikemu akükümsü lo eno küghakütha lo küqhakulu shilo.

2 Peter 3:14

Tighenguno kimiye chekeqo, nongu ye hitoi keu tüqhüdo khe ani kehu, tukutiye kühano aloinoqhiyi ithulu penike azükini shi alo.

Kolosiami 1:10

tishikeu lono nongu pelo qhoi Ampeu lopushi ameküapu küxü xülu: akümla kivi kümtsü lo athi pithilu eno Alhou kighithi ikowolu peni;

Jude 1:3

Kimiye chekeqo, ninguw aqü xakulupu akeu vehu yenishi kütü akemu Alhou no aküpülü khikhi ghuthu khavino küpülümi kümtsü lau tsü keno, tiu süsho penike ni ye nongu ghutu ghi ye masave.

1 Thes. 4:1

Ashekha shi athiküzümiqo, Ampeu Jisü je lono nino nongu qhüiniju eno hakite ani, nongu no ni launo kishi Alhou lopu shi xükepu keno ithuluve ketoi, ti ye nongu no itehi xüake toi, itaghi tinguno alau shi xülo.

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

FILIPIAMI 3:18

Kughengu ni ye azüu ghi anguno pivae eno itehi ghi anhezü piji ghi pi anike timi kutomo no Khristow kros ghümi shi acheni.

2 Kor. 13:11

Ashekhashi, athiküzü achelimiqo, alovilo. Kupukülai luni keu mijilo, lakhino lakhi lokughuno tsülo, lakhino lakhi sasü pulo küqhalo, külakishi lono xülo; kikimiye ngo aloino keu Lhou no nongu gholo anani.

Apostolmi 4:32

Küpülümi kümtsü no amlo akükümsü lakhi shi, eno khunomu pa no kiu akeno ti ye paw ke ipimoe, ikemu panongu ye thokha kümtsü aqü shike.

LESHELE 133:1

Julo, kughou athiküzümi no küqhakulu lono xüni keno, ti ye kiutoi jukighilepu eno akivi kelae!

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

2 Peter 3:11

Thokha kümtsü hitoi pühaveni keu shiani aye, nongu ye kiu toi akimthe eno Alhou ithitoi shimasa keno ithilo,

1 Kor. 15:58

Tighenguno, I qhuu I thiküzümiqo, mtotoi puthugholo, itha kevilo, alhokuthu Ampeu kümla pekho tsüalo, kughengu Ampeu lau mlaitha akeu ye adou shivemo nanie pi nongu no ithi anie.

Rommi 1:16

Ikehu ni ye atsakiviu ghenguno kujove chemoe, kughengu ti ye pülülu kemi kümtsü, atüghüshi Jewmi eno tithiu no Greekmi ghi, xalu nike ghenguno Alhou küka ke.

James 3:18

Alashi chekemi no alakishi lono apiti yisü keu lono amikucho ghile hucheni.

Philemon 1:5

kughengu nono Ampeu Jisü lau eno küpülümi lau ow kikimiye eno aküpülü akeu I no chilue.

Titus 2:10

küzükugho shimono aküpülü kivi piyelu masae, tishianguno panongu no thokha lo Alhou ni Xakuluu külütsa jukighilepu shitsü nani.

2 Tim. 4:7

Ni ye aghükishi kivi shivae, ni ye akupo lo ashe tovae, ni ye aküpülü pewo tovae.

1 Tim. 1:19

aküpülü tsüqüpe eno akükümsü mtsümishei peniye ke. Timi khami ye hipaqo milive keu lono pano küpülü shipüsavae.

1 Tim. 1:11

ti ye akümghapu Lhou juküvü lono Atsakiviu khikhi I lau pichebe püani keno, tipau kiqi lono ke.

Apostolmi 2:46

Tsala kipetsü achineki lo kümtsa wu, eno panongu ki lono kümtsa alokiqi eno qhaqhilei shi chuqu-kusho shiche,

MATTHEW 12:25

Jisü no panoqo kükümsü ithi akehu panoqo vilo pi, “Kükaqha lakhi dolono kijethave keu ye kütsave nani, eno aphughi na akibo namu pano dolono kijethave keu ye puthugho lumoae.

AHOLE 22:23

kughengu Ampeu no panongu she petsüni aphi eno pano pükaqhi püakemi küxü luve tsüni aphike.

1 Thes. 3:6

Ikemu itehi Timothy no nongu küpülü eno kikimiye sütsa kivi pesü ni lau ideighi no nongu ye alhokuthu ningu kimiyeqhiyi kümsü acheni, eno nino nongu ithuluni shi aketoi nongu ghi ningu ithuluni shi anie pi ni vilo pike.

Kolosiami 1:4

kughengu nongu küpülü Khristo Jisü lau akeu, eno küpülümi kümtsü ghenguno kikimiye akeu ningu no chiluvae,

FILIPIAMI 2:24

eno ni ampi ghi kighithe ighive nani kepi I no Ampeu lau pükhübe ani.

Ephesiami 1:15

Nongu küpülü Ampeu Jisü lau akeu eno nonguw kikimiye küpülümi kümtsü lau akeu I no chiluve akehu hipau kimji ghenguno,

Ephesiami 1:13

Kughou nongu no nongu xakulupu tsakiviu kuchou tsape chilu püzü Khristo lau pülübelu keno, Paw shilu keu michishi piqhi püakeu Ghungu Kimthe pesü nongu shou puku tsüe.

Galatiami 1:7

Kütau tsakiviu anike kumoe, ikemu timi khami no aküpüna nongu tsüno Khristo tsakiviu tuchighive tsünishi ani.

2 Kor. 9:13

Akümla hipau vecheo nongu no Khristo tsakiviu ikhilu no aghokulu shikeu lono Alhou juküvü shitsü eno puloniqhiyi timi kutomo sasü küsaje ke ghenguno kütami no Alhou sheqhe nani.

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

Rommi 15:29

Kughou I no nongu lau ighini keno ni ye Khristow kükümgha nibonilei shi nongu sasü küsajelu nani kepi ithi ani.

Rommi 15:16

Alhou tsakiviu kümlapu lo achinemi lakhi shi Jewkumomi lau Khristo Jisü tsapeu shi peniye ke, tishianguno panongu ghi Aghungu Kimthe vecheo shikimtheve no akümllagho toi ikhikulupu shi peniye ke.

Rommi 10:8

Ikemu hi ye kiu piani kea? “Atsa huye o phivilo ani, o kichi lo eno o mlo lo ani” (ti ye ningu no sheshu chekeu aküpülü tsa piani ke);

Rommi 1:9

Kughengu I nguagha kümtsü pesü Anu tsakiviu sheshu keu vecheo Alhou khuu I no huthu acheni keno, Pa no Iw thopike ni ye tamono nongu jeku

Rommi 1:5

Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,

Apostolmi 24:24

Atsala hami thiu Felix ngo pa nipu Drusilla, khuu Jewmi keno, pama no Paul kusaghipe, eno pa no Jisü Khristo lau aküpülü akeu ghili pikeu ini.

LESHELE 122:3

Jerusalem ye mishighüna lakhi shi shiqhevae kümtsa mtotoi tsügha kime püani,

FILIPIAMI 1:5

kughengu atsakiviu kümlapu huthuke tsala lono ishi kutolo nongu no atüna kivishi kutupo tsüke.

FILIPIAMI 3:20

Ikemu ningu ye kungugha ghakütsami, eno ningu ye Xakuluu, Ampeu Jisü Khristo tilauno ighini keu huqhe cheni,

FILIPIAMI 4:1

Tighenguno I thiküzümi khunoqo I no kimiye eno sasü kusho lunishi cheni keno, I lopivi eno I kijivile tsü chekeqo, Ampeu lau mtotoi puthugho lo, I no qhuivü chekeqo.

YEKIKITHI ATUGHIU 19:12

Pa no Abishai vilo pi, “Tsala Syriami no I nguno akumtou shive aye, nongu no ighi no I kuphuni, ikemu tsala Ammonmi no nongu nguno akumtou shive aye I no nongu kuphuni.