FILIPIAMI 1:20 - Sumi Naga CL (Re-edited) Bible (BSI)

²⁰ kughengu I mlo alouno laju achekeu ghi ni ye kiu lonomu kujovemo nani, ikemu thosülo toi itehimu akumto shino xüna thinamu, Khristo pesü I phimpi lono agigihupu shitsü niye ke.

BAIBEL (BSI)

²⁰ Kughengu ino khekulhoshi kumsupu eno laju achekeu ye ino shikepushi akeu tomoveno kujovemo niyeke, ikemu pulhapuju shicheketoi, eno akhotoshi itehighi niye amlo kumtono chhitoi shino, thikepu shina xukepu shinamu iphimpi hipau lono Khristo jekipipu shitsu nani.

Sümi Tiqhelimi Bible

²⁰ I no khekulhoshi laju eno huqhe akeu ye ni ye khilemu kujovemo nani, ikemu pülhapuju shiche ketoi eno itehi ghí amlo kumto no chhitoi shi ani, tishianguno, xü kepu shina thikepu shi namu I phimpi lono Khristo süqhelu pe nani.

FILIPIAMI 1:20 Referans Kwoze

1 Peter 4:16

Tishi namu, khuana no Khristomi lakhike ghenguno ime aghi aye, pa ye kujomza kevilo, ikemu tipau jelono Alhou shikimthi lo.

1 Kor. 6:20

kughengu nongu ye ame no qhüluvae. Tighenguno nongu phimpi lono Alhou juküvüpu shilo.

ISAIAH 54:4

“Msa kevilo, kughengu no ye kujove monani; avehu izü kevilo, kughengu o juaje shipüsamo nani; no ye o lhothe lo akukujo shikeu kümsümave nani, eno nono chimemi shiche kelo o thaigha keu kümsümave nani.

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

1 John 2:28

Tishiaye atianuliqo, Pa lau kimepe achelo, tishianguno kughou Pa no ipeghini keno ningu ye akukujo lono itshü ilomo nani, ikemu Pa ikighi lo amlo kumto shilu nani

FILIPIAMI 2:17

Tsala I küxü ji huno atsaizü kümllagho toi nongu küpülü ghakishi kümllagho shou lepuku kepu shive namu, ni ye amloqi nani eno nongu gholo alovi küqha nani.

Rommi 8:19

Kughengu pulhoküsü kümtsü no khekulhoshi Alhou nuliqo pephe niye akeu huqhe ani.

2 Kor. 10:8

Kughengu nongu kütsave penike kumono shiqhe puku penike Ampeu no kükagha ningu tsükeu pesü kitila qhezalove aghi namu ni ye kujovemo nani.

2 Kor. 4:10

alhokuthu ni phimpi lo Jisü kithi xapu acheni, tishianguno Jisü küxü ghi ni phimpi lo ithulu peniye ke.

1 Kor. 7:34

eno pa kükümsü ye kijeve cheni. Külaumo kemi totimi momu ililhothe ye kishi aphimpi ngo aghungu lo akimthe shimasa keno Ampeu kümlapu lo kütakihi cheni. Ikemu külauve kemi totimi ye kishi li kimi pulou shitsüni keno ayeghi lo vehu ghenguno kütakihi cheni.

ISAIAH 50:7

Ikemu Ampeu no I kuphu cheni, tigheno ni ye kujove moe; I no atuitu toi I gi teqhitelei ke, I no ithi anike I shikujo monani.

LESHELE 119:116

Ow tushokiqhi kiqi lono I sünhelu tsülo, tishiaye ni ye xülu nani, eno I no laju akelo I pelo kujovepe kevilo!

Rommi 5:5

eno lajupu hipau ye ni lokümthsüve tsü chemoe, kughengu Aghungu Kimthe ningu lau puwutsü keu huno Alhouw kikimiye pesü ni lolo sütsüke.

ISAIAH 45:17

Ikemu Israel ye Ampeu no shekhaha xakulu pesü xalue; nongu ye lhokta kutolo khilemu kujo mzave pemo nani.

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

FILIPIAMI 1:14

Eno I no akughu shikeu lono athiküzümi kutomo no Ampeu lau pükhübe luve kehu itehi ye msa mono Atsa pikülha nike alau mto kithe ani.

2 Kor. 7:14

I no pa vilo nongu ghili I qheküzapu shi pinamu I shikujove moe. Ikemu nino nongu vilo pikeu kümtsü kuchou ketoi, Titus zülo ni qheküzapu shi pikeu kümtsü kuchou shi aghive ke.

2 Kor. 5:15

Pa no kümtsü ghenguno thive, ikehu khunoqo xüani keno panongu ye pütüta ghenguno kumono Khuu panongu ghenguno thive no xüputhuve keno Pa ghenguno xü peniye ke.

1 Kor. 15:31

Athiküzümiqo, ni Mpeu Jisü Khristo gholono I no nongu jupe qheza chekeu huno I pelo hipau shuphelu ani peke, ni ye tsalakipetsü thive acheni!

Rommi 9:33

ti ye ishi yepüake toi, “Julo, I no Zion lo apukhu küpsüpu, küpxa kepu tuqu sho püani; ikemu khukhumu Pa pülübe keu ye shikukujo monani.”

Rommi 6:19

Nonguw vethakulu no mikhelo kehu ni ye tipau gholau no pi anike. Ghuthu lakhi lo nongu no niqhinilai keu eno Ayezah kiphikumo küdau nongu phiau pesü aqüaxemi shi tsükelo tiuno alau Ayezah kiphikumo lo sailove cheke toi, itehi ye nongu phiau shikimthe pe akimthepu lo peithalu kepushi Alhou chipiu qüaxemi shi ikhiphe tsülo.

Rommi 6:13

Nongu phiau pesü axine lo tsüve ghi amikuchokumo ghenguno peitha kevilo, ikemu akithi lono aküxü lo süghive kemi toi Alhou lau nongu küxü ikhiphe tsülo, eno nongu phiau pesü amikucho ghenguno peitha penike tsülo.

Apostolmi 21:13

Paul no khochile, “Nongu ye kushiye mloqa no I mlo shikighime tsü ani kea? Kughengu ni ye Ampeu Jisü je ghenguno akughu shinike likhi kumono Jerusalem lono thiveni keu ghi kutope anie.”

Apostolmi 20:24

I kimjiu ye Alhouw küpükini tsakiviu sheshu peni keu kümlapu saje khikhi Ampeu Jisü no I tsü keno ti shikupu luni malapi ani thono ni ye I küxü pesü ameküapu momu akughupu shi chemoe.

John 21:19

(Pa no hipau pikeu ye Peter ye kiu gholau no Alhou juküvüpu kithi shinani keno pitsüe.) Ti pive kethiu, Jisü no pa vilo pi, “I papelo.”

AHOLE 23:18

Mtsüqheino hithiu akivi ani eno ow lajupu ye hauvemo nani.

AHOLE 10:28

Amikuchomiw lajupu ye alokivipu süghitsü cheni, ikemu kixikilami no laju chekeu ye hauve nani.

LESHELE 119:80

I mlo pelo O zakütsüqo lo tukutiye küha pelo, tishiaye ni ye akukujo lo ilovemo nani!

LESHELE 62:5

O I ngulho, iqüghai Alhou likhi ngokhe lo, kughengu I küpkhü ye Pa lau ani.

LESHELE 25:2

O I Lhou, I no O pükhübe ani; I pelo akukujo lo ilovepe kevilo; I ghümi pelo I shou tolupe kevilo.

Apostolmi 4:31

Panongu no inikhuve kethiu, panongu no kuho akeu-a süküthü, eno Aghungu Kimthe no panongu kümtsü shepichhive no amlo kumto lono Alhou tsa pikibe ae.

2 Kor. 3:12

Ningu ye lajupu hitoi keu anike ghenguno amlo mtotoi acheni.

2 Kor. 7:4

Ni ye shoboi shi nongu vilo pi ani; ni ye nongu jupe shishe akijivile acheni; ni ye alokughuno shi anie. Aveküsa kümtsü lo ni ye alokivi no qochili acheni.