EZRA 9:12 - Sumi Naga CL (Re-edited) Bible (BSI)

¹² Tighenguno nongu ngaqo pesü pano puqo tsü kevi, momu pano ngaqo pesü nopuqo tsü kevilo, eno khilemu pano lokughuno momu küakini phu kevilo, tishianguno nongu ye mtotoi luno ayeghi lo akivi chulu nani eno pülhapuju no tianuli ghenguno amheghi lakhi shi qhitsülu nani.’

BAIBEL (BSI)

¹² Ningu ngaqo pe pano nuqo kilo puwo kevilo momu panonga pe ningu nuqo pelo lupe kevilo eno kiu laghilo nomu pano shiyeh kuphu kevilo ipike. Nino titoi pelu aye ninguye kinikulu shiyeh shinani eno alhokuthu ajekipi ahukulu shi peithano ati anu kutolo amheghi pekishe nani ipi pitsuke.

EZRA 9:12 Referans Kwoze

ZAKINIU 7:3

Panongu sasü külakupu shimoni; nonga pesü pano nuli tsümoni eno pano nga sawo no nuli tsümoni,

ZAKINIU 23:6

Nongu ye alholo panow külakishi momu kinikülü phumoni.

AHOLE 13:22

Timi kivimi ye pa tianuli tianuli kutolo amheghi qhitsü cheni, ikemu axinemi küakini ye amikuchomi sala qhivetsü cheni.

ISAIAH 1:19

Nongu no pulo eno agholu aye ayeghi lo thime kivi chulu nani;

AHOLE 20:7

Amikuchomi khuu no akikhishi xücheni keno pa tianuli pa thiu chekemi ye akümghapue!

EZRA 9:2

Kughengu panongu no tipaqo nga khami pesü anipu shiniye eno panopu nipu shitsü niye luvae, tishikeu lono akimthe shiaye ye aghakhu lo ashiayeqo sasü kitekungovae. Eno pükhükümla hipau lo hiyampemi ngo sakiphemiu no atou shi anie.”

IPEKULU 23:32

Nongu ye panongu eno pano lhouqo sasü puloshoqhi shimoni.

YEKIKITHI AKINIU 19:2

Ikemu Hanani nu tungkupu Jehu no akükau sasü kushoni ye ighi no pi, “No ye kixikilami kuphu eno Ampeu mithi chekemi kimiye masave keshea? Hi ghenguno Ampeu loghu o shou ighivae.

ZAKINIU 23:7

“Edommi jumithi moni, kughengu panongu ye nongu thiküzümi ke. Egyptmi jumithi moni, kughengu ghuthu lakhi lo nongu ye pano yeghi lo kachenami shi acheke.

YEKIKITHI ATUGHIU 28:8

Tighenguno itehi Israelmi, Alhouw timi Ampeu zülo kumqope akeqo, Ampeu nongu Lhou zakütsü kümtsü papelu kepushi phulo, tishianguno nongu no alhokupuju ghenguno ayeghi kivi hipau pükhape athiu no tianuliqo lau amheghi shi qhitsülu nani.