EZRA 8:22 - Sumi Naga CL (Re-edited) Bible (BSI)

²² Ningu no akükau vilo, “Ni Lhou u ye Pa phuighi kemi kümtsü shou acheni, ikemu Pa pheve kemi shou Pa loghu küka acheni,” ipive kehu ni ghüzüla lo aghümi launo süshotsü penike pa vilo ghüshimi loji eno khurshimi tsülopi khuni keu ni ye kujove.

BAIBEL (BSI)

²² Ino akukau vilo pikeuno khunono niLhou mlla chenikeno ni Lhou no pa susho cheni eno shiluksa aghimeye pa mthave kemi lau ighi cheni ipi pipua kehu akukau vilo ni ghuzulalo aghumi launo ni khe sasu wupenikemi ghushimi eno khurshi ghushimi akukau vilo khunike kujove.

EZRA 8:22 Referans Kwoze

1 Peter 3:12

Kughengu Ampeu nhethi ye amikuchomi shou acheni, eno Pa kini kughope pano kighini initsü cheni. Ikemu Ampeu ye alhoksa shiche kemi mjochile cheni.”

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

AKUMLO 3:25

Ampeu ye khunono Pa pükhü, eno Pa phucheni keno tipaqo ju alo cheni.

YEKIKITHI AKINIU 15:2

eno pa no Asa sasü kusholu nike wuno pi, “Asa, eno nongu Judah ngo Benjamin lo küami kümtsü I tsa inilo: Ampeu ye nongu no Pa gholo ake tivilo nongu gholo ani. Nongu no Pa phu aye phulu nani, ikemu nongu no Pa pheve aye, Pa no nongu pheve nani.

LESHELE 34:22

Ampeu no Pa qemi küxü qhüchile luve nani; Pa lau sükusho luche kemi khumu kileve monani.

Rommi 8:28

Eno nino ithi akeu no Alhou kimiye chekemi khunoqo Pa kimji kupulo kiqi lono kuluve akeno, panongu ghengu ye thokha kümtsü Alhou no akivipu ghenguno mla küqhatsü cheni.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

IBRIMI 10:38

ikemu Iw amikuchomi ye aküpülü lono xülu nani, eno pa no athiu idewove aye ni ye pa shou I lokiqi kühave nani.”

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

EZRA 7:28

Pa no akükau eno paw lapiyemi ngo akükauw hiyampemi akughushumi kümtsü zülono Paw iqemokeu kikimiye I lau piye ke. I no amlo mtolu, kughengu Ampeu I Lhou u ye I gholo ae, eno I no Israelmi sakiphemi I gholo iqho penike hekütsü.

JOSHUA 23:16

tsala nongu no kütau lhouqo lau wuve no tipaqo qeuve eno pishiqhope tipaqo mllauve no Ampeu nongu Lhou sasü puloshoqhi shikeu hebideve aye, Ampeu loghu no nongu shou ikughi nani eno nongu ye Pa no ayeghi kivi nongu tsükeu lono paikhavi no püghave nani.”

EZRA 7:9

Aqhi atüghüu, atsala atüghüu lo pa no Babylon lono chethu, eno aqhi apunguu atsala atüghüu lono pa ye Jerusalem lo ighilu, kughengu Ampeu u akivi no pa gholo ake.

2 Kor. 7:14

I no pa vilo nongu ghili I qheküzapu shi pinamu I shikujove moe. Ikemu nino nongu vilo pikeu kümtsü kuchou ketoi, Titus zülo ni qheküzapu shi pikeu kümtsü kuchou shi aghive ke.

1 Kor. 9:15

Ikemu ni ye achipiu hipaqo peitha jumphie, tike kumono ni ye ithulu küzüpu hipaqo pükha niye anike kumoe. Kughengu ni ye thive keumu pavi thono khuu pelomu I kijivilelu chekeu hipau I launo süwuve tsüpemo nani.

LESHELE 90:11

Khuu no O mlo kighide küka ithi ani kea? Kughengu O loghu ye O sümsa masa kepu qhemi ke.

JOSHUA 22:16

“Ampeu qoaho kümtsü no ishi pi ani, ‘Hi aküpülü hephove akeu kümla ye kiu kiqi kea eno kushiye Ampeu hebide ghi nongu sala akiptia mlakeu vecheo Israel Lhou launo tsüghüsü wuve no Pa pape move ani kea?

EZRA 8:31

Tithiu ningu ye aqhi atüghüu atsala chighiakiniu lono Jerusalem lo wuniye Ahava ghoki qhive. Ningu Lhou u no ni gholo ae, eno Pa no aghümi ngo ghüthemi u lono ningu xaphetsü.

NEHEMIA 2:9

Akükau no ghüshimi kijemi khami gholono khurshimi aqo lakhi I gholo puwu. Eno I no akükauw yesü pesü Aghoki Kukuu ghakhuqo lo angh akeqo tsüe.

LESHELE 20:8

Tipaqo ye veqhive eno ikiqive, ikemu ningu ye ithughi no mtotoi puthugho luve nani.