EZRA 8:18 - Sumi Naga CL (Re-edited) Bible (BSI)

¹⁸ Eno Alhou u no ningu gholo ake ghenguno panongu no Israel nu Levi lagha lo Mahli limi thai kemi lakhi Sherebiah, eno pa nuli ngo abolomi pano 18 ningu lau saighi;

BAIBEL (BSI)

¹⁸ Alhou no tucho kivi qholono panonguno timi thaikemi lakhi Sherebia ngo panuliqo eno pa thikuzumi chighi tache puwutsu. Sherebia ye Mahli laghami Levimi lakhike.

EZRA 8:18 Referans Kwoze

JEREMIYA 3:15

“‘I no I mlokuchuu ambekhemi nongu tsüni, panongu no akighithi eno vethakulu pesü nongu loji nani.

NEHEMIA 2:8

eno akükau ghasü kheu Asaph lau ghi yetsülo, tishianguno pa no achineki hukikha khagho, aphughi kupuwu, eno I no ngokepu ki ghenguno akika shikulupu sü I tsüpenie.” Akükau no I no khukeqo pulove tsü, kughengu Alhou u no I shou ake.

EZRA 7:28

Pa no akükau eno paw lapiyemi ngo akükauw hiyampemi akughushumi kümtsü zülono Paw iqemokeu kikimiye I lau piye ke. I no amlo mtolu, kughengu Ampeu I Lhou u ye I gholo ae, eno I no Israelmi sakiphemi I gholo iqho penike hekütsü.

DANIEL 1:20

Eno akükau no panoqo vilo alokütsü eno vethakulu vehu ighiju ke kümtsü lo panoqou no kükaqha lo küdüumi eno shiküghüzü chekeqo nguno ghuthu chighi akiviu shi pa no ithulu.

EZRA 8:22

Ningu no akükau vilo, “Ni Lhou u ye Pa phuighi kemi kümtsü shou acheni, ikemu Pa pheve kemi shou Pa loghu küka acheni,” ipive kehu ni ghüzüla lo aghümi launo süshotsü penike pa vilo ghüshimi loji eno khurshimi tsülopi khuni keu ni ye kujove.

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

YEKIKITHI ATUGHIU 6:19

Merari nuliqo: Mahli ngo Mushi. Levi lagha lo pütüta li kiqi lono ikowo keqo:

1 Kor. 14:20

Athiküzümiqo, nongu kükümsü lo itimi toi kevilo. Alhoksa loye itimi toilo ikemu akükümsü loye tekhoi lo.

AHOLE 24:3

Akibo ye alokütsü lono shiqhe cheni eno vethakulu pesü puthuphelu cheni,

AHOLE 3:6

Nono mlaitha keu kümtsü lo Ampeu kümsülu lo, eno Pa no o laghi kümtsü shikümzü tsü nani.

NEHEMIA 12:24

Levimi shou atomi: Hashabiah, Sherebiah, eno Kadmiel nu Jeshua, eno panongu thiküzümi, Alhou timi David zakütsü kiqi lono, pano ghüngüu puthughope kivetsüghü shekiqhe eno shikimthikütsü le pheche.

NEHEMIA 10:12

Zaccur, Sherebiah, Shebaniah,

NEHEMIA 8:7

Levi laghami hipaqo ghi timiqo lau Ayezah hepho piyekeu lo kuphutsü, Jeshua, Bani, Sherebiah, Jamin, Akkub, Shabbethai, Hodiah, Maaseiah, Kelita, Azariah, Jozabad, Hanan, eno Pelaiah.

EZRA 8:24

Tithiu I no achinemi sakiphemi chighikini: Sherebiah, Hashabiah, eno pama limi chighi kishe kütüta shive.

EZRA 8:16

Tithiu I no sakiphemi Eliezer, Ariel, Shemaiah, Elnathan, Jarib, Elnathan, Nathan, Zechariah, eno Meshullam kupuwu, eno Joiarib ngo Elnathan, khuu pama alokütsümi keno pama ghi ku,

AKIKIHI 3:20

Merari nu kini: Mahli ngo Mushi. Levi kughuko lo alagha kiqi lono timi hipaqo je yekütsü lue.

YEKIKITHI AKINIU 30:22

Levimi no shitsa shi Ampeu huthuke ghenguno Hezekiah no panoqo shikumto tsü. Panongu no atsala tsüni aghulhu shi, külakishi kümllagho tsü eno Ampeu pano puasü Lhou shikimthi tsüe.

EZRA 8:19

eno Hashabiah, pa gholo Merari laghami Jeshaiah, pa limi eno anuli 20;

YEKIKITHI ATUGHIU 6:1

Levi nuliqo: Gershon, Kohath, eno Merari.

YEKIKITHI ATUGHIU 6:4

Eleazar nu Phinehas, Phinehas nu Abishua,

EZRA 7:9

Aqhi atüghüu, atsala atüghüu lo pa no Babylon lono chethu, eno aqhi apunguu atsala atüghüu lono pa ye Jerusalem lo ighilu, kughengu Ampeu u akivi no pa gholo ake.