EZRA 7:9 - Sumi Naga CL (Re-edited) Bible (BSI)

⁹ Aqhi atüghüu, atsala atüghüu lo pa no Babylon lono chethu, eno aqhi apunguu atsala atüghüu lono pa ye Jerusalem lo ighilu, kughengu Ampeu u akivi no pa gholo ake.

BAIBEL (BSI)

⁹ Alhou kukuphu vechewo panonguno aqhi atughiulo atsala atughunino Babilon lono chesu wuveno aqhi apunguulo atsala atughuniye Jerusalem toluve.

EZRA 7:9 Referans Kwoze

EZRA 7:6

Ezra hipau ye Babylon lono iqhoghi. Pa ye Ampeu, Israel Lhou no tsükeu Moses Yezah kighithimi lakhi, eno pa no khukeu kümtsü akükau no pulotsüe, kughengu Ampeu pa Lhou u no pa gholo ake.

NEHEMIA 2:8

eno akükau ghasü kheu Asaph lau ghi yetsülo, tishianguno pa no achineki hukikha khagho, aphughi kupuwu, eno I no ngokepu ki ghenguno akika shikulupu sü I tsüpenie.” Akükau no I no khukeqo pulove tsü, kughengu Alhou u no I shou ake.

NEHEMIA 2:18

Akivipu ghenguno Alhou no kishi I gholo ani, I kuphu eno akükau no I vilo kiu pi keno, I no panoqo vilo pi. Ikelo panongu no pi, “Ningu ithu no shiqhe pukuni.” Ikehu panongu no pano u shikumto no akümla kivi shinike huthuve.

EZRA 7:8

Ezra ye aqhi apunguu lono Jerusalem lo ighi, ti ye akükau mpe akütsüniu shi ae.

EZRA 8:22

Ningu no akükau vilo, “Ni Lhou u ye Pa phuighi kemi kümtsü shou acheni, ikemu Pa pheve kemi shou Pa loghu küka acheni,” ipive kehu ni ghüzüla lo aghümi launo süshotsü penike pa vilo ghüshimi loji eno khurshimi tsülopi khuni keu ni ye kujove.

EZRA 8:31

Tithiu ningu ye aqhi atüghüu atsala chighiakiniu lono Jerusalem lo wuniye Ahava ghoki qhive. Ningu Lhou u no ni gholo ae, eno Pa no aghümi ngo ghüthemi u lono ningu xaphetsü.

ISAIAH 66:14

Nongu no hipaqo ithulu nani eno nongu mlo no alovi nani; nongu phi lo aghiqo no atsüni toi thuwu nani; tileno Ampeu küka ghili Pa qemiqo no ithive nani, eno Ampeu no Pa ghümi shou Pa mlokiqi kumo puku nani.

EZRA 7:28

Pa no akükau eno paw lapiyemi ngo akükauw hiyampemi akughushumi kümtsü zülono Paw iqemokeu kikimiye I lau piye ke. I no amlo mtolu, kughengu Ampeu I Lhou u ye I gholo ae, eno I no Israelmi sakiphemi I gholo iqho penike hekütsü.

EZRA 8:18

Eno Alhou u no ningu gholo ake ghenguno panongu no Israel nu Levi lagha lo Mahli limi thai kemi lakhi Sherebiah, eno pa nuli ngo abolomi pano 18 ningu lau saighi;

EZRA 8:32

Ningu no Jerusalem lo ighi, eno tile atsala küthü ngove.

LESHELE 80:18

Tileno ningu ye O launo tsüghüve monani; ningu püxü tsülo, eno ningu no O je sheqheni!