EZEKEL 8:6 - Sumi Naga CL (Re-edited) Bible (BSI)

⁶ Eno Pa no I vilo pi, “Timi nu, panongu no kiu shi ani keno no ye ithulu anima, ti ye aphikümqhüpu kije Israel laghami no hile mlano I kimthe chineki lono putou I hapuwuve akeu no ye ithulu anima? Ikemu itaghi aphikümqhüpu alau nono ithulu nani.”

BAIBEL (BSI)

⁶ Alhou no ivilo pi, “Thinikuau timio, kiu shiani keno noye ithulu anima? Israil lo akemino hilau kuchhube kutsula kiu shiani keno julo, ikimthe-a lono putosu kithe ihapheve anike. Hinguno alau kujomzakepu thime nono ithulu nani.”

EZEKEL 8:6 Referans Kwoze

EZEKEL 5:11

Tighenguno Ampeu no asheshu, I no xü aketoi, nonguw aphikümqhüpu eno kuchhube kütsüla kümla vecheo nongu no I chineki shikitiqevae, tighenguno Ni ye Iw kikimiye ikhichile luveni eno amloighi nongu jumo momu akipimi qhitsümo nani.

EZEKEL 10:19

Cherubim no yewu chekelo panoqo chishibo xakho no, kuluhoqo no panongu shelo shipüzü I nhethe lono ayeghi lono kunguu yeikuve. Eno panongu no kipelau khagho Ampeu ki kulaghi lo puthugho luve, eno Israel Lhou juküvü no panoqo shou ikughive.

EZEKEL 8:9

Pa no I vilo pi, “Alou ilolo, eno panongu no hile aphikümqhüpu kümla shi akeu julo.”

EZEKEL 11:22

Tithiu cherubim no panoqo chishibo süqhe luve, kuluho no panoqo shelo shi, eno Israel Lhou juküvü no panoqo shou auve.

EZEKEL 8:14

Tithiu Pa no Ampeu kilo khagho ahuu akulaghi akeu lo I sailoghi, eno julo, tilehi topumiqo iqa no Tammuz ghenguno mloqa aghi.

JEREMIYA 32:34

Panongu no I je lono ku keu ki shikitiqe nike aphikümqhüpu julho ghopeqhi.

JEREMIYA 26:6

I no akibo hipau pesü Shiloh toi shitsüni, eno mishighüna hipau pe ayeghi lo shiye kümtsü ghenguno ghukusho shivetsü nani.’”

JEREMIYA 23:11

“Tungkupmi ngo achinemi ye Alhou kümthami; I kilou ghi Ni ye panongu lhoksa ithulu püani, ipi Ampeu no asheshu.

JEREMIYA 7:30

“Judah nuliqo no I zülo alhoksa kümla shivae, Ampeu no asheshu. Panongu no I je lono kukeu ki shipixive tsünike kuchhube keu thimeqo ghope qhie.

JEREMIYA 7:17

No ye panongu no Judah mishighünaqo lo eno Jerusalem laghila lo kiu shi ani keno ithulu anima?

JEREMIYA 3:6

Akükau Josiah no ayepe akelo Ampeu no I vilo pi: “Israel aküpülü kükühau no kiu mlave akeno, li no kishi ato kiqhe kümtsü lo ikuno asüminipho qholono kütüqha keno no ye ithulu kema?

AHOLE 5:14

Ni ye aqoaho zülono qhoi kütsa pinyiveni keu lo auvae.”

LESHELE 78:60

Pa no Shiloh lo Pa kungo-a qhive, Pa ye tile Paw timiqo gholo acheke,

JEREMIYA 11:18

Ampeu no I piye eno I no tipau ithive; tishino panongu kümla I piye.

EZEKEL 8:7

Pa no achebo kulaghi lo I sailo, eno kughou I no jupuwo keno, julo, atupikiye lo akighipe lakhi aghi.

EZEKEL 14:6

“Tighenguno Israel laghami vilo pilo, Ampeu Alhou no ishi piani: Xaidelo eno now asü-atu julhoqo launo tsüghüve lo, eno now aphikümqhüpu kümtsü launo agi kughove lo.

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 47:6

Pa no I vilo pi, “Timi nu, no ye hipau ithuluve akema?” Tishino pa no aghoki xüsa lo I sachile ipeghive.

HOSIYA 5:6

Panongu no pano mbeloji ngo amishi loji sasü Ampeu phuniye wu nani, ikemu panongu no phumla nani; Pa ye panoqo launo tsüghüvae.

YEKIKITHI AKINIU 29:5

eno panoqo vilo pi, “Levimiqo, I tsa inilo! Nongu kishekimthe lo, Ampeu nongu puasü Lhou ki ghi shikimthe lo, eno Akimthe-a lono kitiqeve keu jeli kümtsü ikhive lo.

EZEKEL 8:13

Pa no I vilo hi ghi pi, “Itaghi panongu no aphikümqhüpu mla akeu hinguno akijeu nono ithulu nani.”

EZEKEL 10:18

Tithiu Ampeu juküvü ye achineki hukikha lono wuve no cherubim shou ngoluve.

EZEKEL 11:23

Ampeu juküvü no mishighüna lono ikuve no kipelau naghuto akeu lo ngoluve.

EZEKEL 43:8

Kükami no achineki kisheqho ngo ahukikha tsükucho shipe qhike, ikemu Ni eno nongu dolo akuptu likhi ani. Panongu no kuchhube kütsüla kümla shikeu lono I je kimthe shipixi kehu I no I loghu lono panoqo kütsave ke.