EZEKEL 7:22 - Sumi Naga CL (Re-edited) Bible (BSI)

²² I no panoqo launo I gi kughove nani, eno panongu no I chineki shikitiqe nani. Küpkami no tipau lo iloghi no shikitiqe nani.

BAIBEL (BSI)

²² Kughou ichineki amekusho jeli achekeu shipixi akelo niye panoqo launo igi kungusu wuve nani; kupkamino hepho ilo puzu tipau shipixi nani.

EZEKEL 7:22 Referans Kwoze

JEREMIYA 18:17

Kipela mülhü toi I no aghümi zülono panoqo kuthole nani. Pano haküsapu tsala lo I no I gi kumono I zübo panoqo piyeni.”

LESHELE 35:22

O Ampeu; Nono ithuluvae, inaqhoive kevilo! O Ampeu, I launo putosü kevilo!

LESHELE 10:11

Pa mlo lono picheni, “Alhou ye kümsümavae, Pa ye Pa gi küsüvae, eno khilemu ithulu moae.”

JEREMIYA 19:4

Kughengu timiqo no I pheve no panongu eno pano puasüqo momu Judah kükami nomu mtha keu kütami lhou lau akümllagho tsüwuve keu lono a-a hipau shipixivae; eno pimihami ji pele keu pesü a-a hipau chhitoivae,

JEREMIYA 19:13

Jerusalem ngo Judah kükami kiboqo eno aki khijeno akütsüqa lono akümllagho pe aqhi ayepu mllauve, eno atsaiji kümllagho pesü kütau lhouqo lau lephetsü keno, kümtsü Topheth toi kitiqevae.’”

EZEKEL 24:21

‘Israel laghami vilo pilo, Ampeu Alhou no ishi piani: Julo, I no I kimthe chineki shikitiqeve nani, nongu qheküzapu küka, nongu nhethi lo ikighi, nongu ngulho no khelho chekeu, nongu pu-anga khunoqo nongu no Jerusalem lo qhive keno panongu ye azütakikihi lono ikiqive nani.