EZEKEL 6:6 - Sumi Naga CL (Re-edited) Bible (BSI)

⁶ Nongu no khile khilemu küghüna keu mishighünaqo ye shipüsave nani eno qhemghaike-aqo ye kütsave nani, ikehu nongu kümlla khacheqo ye shipüsa eno kütsave nani, no julhoqo ye kubove eno kütsave nani, now axokütsüngü kiptia hephove nani eno nongu kümlaqo shipühave nani.

BAIBEL (BSI)

⁶ Israil lo aphughi kumtsu kutsaleve nani ikehu panoqo kumlla kiptia ngo asu-atu julhoqoye hepho kighiniyive tsu nani, panoqo wu tsungqui keu kipti-a hepholeve tsu nani eno panonguno mlakeu jeli kumtsu haukhave nani.

EZEKEL 6:6 Referans Kwoze

ZEKHARIA 13:2

“Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

MICAH 1:7

Li julho shisü keu kümtsü hephopinyive tsü nani, li jume kümtsü ami lono pitive tsü nani, eno li julho kümtsü I no kütsaleve tsü nani, kughengu li no kütüqha keu jume kütsüpe qhi kehu, li ye kütüqha keu jume lau idewove nani.

EZEKEL 5:14

Tinguno alau I no nongu pesü küghüküghaleive tsü nani eno nongu homxape akeu shiyeqo ngo nongu hechewu kemi kümtsü zülo aphikümqhüpu shivetsü nani.

ISAIAH 6:11

I no pi, “Khitohi kea, O Ampeu?” Pa no pi, “Aphughi lo eno aki lo küxümi kühano kümsa ixapinyi eno ayeghi no yenguyive moke kuto,

EZEKEL 6:4

Nonguw akiptia ye küghüküghaleive nani eno axokütsüngü kiptia ye kubove nani, I no nonguw ajulhoqo zülono nongu ghiqhi nani.

ACHINE 26:30

I no now qhemghaike-a kütsave tsünani, tsüngqüi keu kiptia hephove tsü nani, ajulho iluqi akeu shou nongu sükumo qhepuku nani, eno nongu milive nani.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

HABAKUK 2:18

“Ayi julho kiyiqiu no akoghe mlaphe keu, pishikiqhi shika chekeu huye kiu ala ani kea? Kughengu atsa pikümla julho mla kelo akümlau ye pa no mlaphe keu pükhübe cheni!

MICAH 5:13

nonguw asü-atu julho ngo atsükuchoqo I no kütsave tsü nani eno nongu ye nongu u no mlakeu julho lau itsaqimo nani;

MICAH 3:12

Ikehu nongu ghenguno Zion ye aluza toi hokideve nani; Jerusalem ye xine-xigha pekilepu-a shive nani, eno achineki toghi no aghasü ilhouve nani.

HOSIYA 10:8

Aven lo akuchuqu-a, Israel xinepu hu ye kütsaleve nani. Asahu ngo koghesahubo no akiptiaqo lono ipeghive nani, panongu no naghuto vilo, “Ni küghütshülo,” eno atoghi vilo, “Ni nhaluvelo!” ipi nani.

HOSIYA 10:2

Panongu mlo ye kichile ke; itehi panongu ye pano kipimi makho xapu masae. Ampeu no pano kiptia kubovetsü eno akümlla tsükuchoqo kütsave tsü nani.

EZEKEL 30:13

“Ampeu Alhou no ishi piani: “I no ajulhoqo kütsave nani eno Memphis julhoqo kishekhave tsü nani; Egypt yeghi lo kükapuu kühave nani; ikehu I no Egypt yeghi lo akümsa süve tsü nani.

EZEKEL 16:39

I no o pesü panoqo u lo phesüve tsü nani, eno panongu no ow nhasü keu chebo tukulove tsü nani eno ow qhemghaike-aqo kuboleve tsü nani. Panongu no o phimini xaleve tsü nani, ow jukivi chiku-chilaqo ikhiluve tsü nani eno no ye aphimini pepumo no aphikümsa shive nani.

JEREMIYA 34:22

Julo, Ampeu no sheshu, I no azah tsüno panongu sasü mishighüna hipau lo ighi nani. Panongu no mishighüna sasü aghüshi nani eno ami no pitive tsü nani. I no Judah mishighünaqo pighive tsüno timi küghüna movepe nani.”

JEREMIYA 17:3

Aghakhu lo naghuto, qhemghai ke-a eno küakini ngo akini khuki kümtsü nongu xine ghenguno le ighi kemi lau agho lakhi shi tsüpuwuve nani.

JEREMIYA 10:22

Asütsa lakhi ighi ani! Julo, ti ye cheni! Ahuu ghakhu lono Judah phughiqo kütsave tsüno aghalo tsü kungo-a shive tsünike akümsapu kije cheni.

JEREMIYA 9:19

Zion lono akumlo sütsa chilue: Ningu ye kishi pighive akelae! Ningu ye shishe kujovae, kughengu ningu ye ayeghi qhivae, panongu no ni kungo-a xaleqhive tsüae.”

JEREMIYA 9:11

Jerusalem ye I no atachu shi kütsaleve nani, tüngtügha kungo-a shinani, Judah lo mishighünaqo ye pighive no küghüve nani.”

JEREMIYA 2:15

Abongshuu no igha pa kichi; panongu no ighono ighae. Panongu no pa yeghi pighive tsüe; pa phughiqo ye ixapinyi, küghünani kemi kühae.

ISAIAH 64:10

O kimthe phughiqo ye timi asayeqha toivae; Zion ye timi asayeqha toivae, Jerusalem ye küghüküghaleivae.

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

ISAIAH 2:20

Tipani timiqo no pano sala mlakeu ghükayi ngo ameshoyi julho kümllaqo ikhipe jichukili ngo ashuqhaqo kungo-a lo peve nani,

ISAIAH 2:18

Ajulho kümtsü kishekhave nani.

ISAIAH 1:31

Akumtomi no asükügha toi, pa kümla no aghijini toi, khunomu ghapinhemla no kinikujo piti küqhave nani.

LESHELE 115:8

Khunono tipaqo mla cheni keno pano ghi tipaqo toive cheni; tihutoi tipaqo pükhü chekemi ghi tishive cheni.

ACHINE 26:31

I no no phughiqo xaleve tsünani, akümlla-a kütsaleve tsüno nongu ghakishi xo ikhilu tsümo nani.

SAMUEL ATUGHIU 5:4

Ikemu tishiwo thoghiu inaqhe kughou panongu no ithughi keno, julo, Dagon ye agi no ayeghi lo pishiqhope Ampeuw Puloshoqhi Bohu zülo ikiqipe aghi, eno Dagon kütsü ngo au kinikujo akulaghi lo ita kütüta shive no aghi. Aphimpi likhi pa alo aghive.

EZEKEL 6:7

Ghiqhive kemi no nongu dolo ikiqi nani, eno nongu no Ni ye Ampeu kepi ithi nani.

EZEKEL 12:19

Ayeghi hipau lo timiqo vilo pilo, Ampeu no Israel yeghi lo Jerusalem lo küxümi vilo ishi piani: Panongu no kütakihi panow sho chunani, eno aghüthisü azü yenani. Hipa ghola lono li yeghi lo akeu thime kümtsü xaleve tsü nani, ti ye hipau lo küxümiqo no heqhi buqhi keu ghenguno ke.

EZEKEL 35:4

I no ow mishighünaqo kütsave tsü nani, no ye pighive nani, eno Ni ye Ampeu kepi nono ithi nani.

KUKAMI ATUGHIU 14:23

Panongu no pano ghenguno atoghi eno asübo kümtsü lo qhemghai ke-a, atsükucho, eno Asherim mlape qhi,

JEREMIYA 9:10

“I no naghutoqo ghenguno mloqani cheni, eno yenguyi ke-a lo atsüni ghenguno mloni cheni, kughengu tipaqo ye kümsa shive no khunomu katha movae, amishi loji no mzachu keu sütsa chimlavae; atsütsü lo aghau eno tüghashiqo ghi tileno wuvae.

JEREMIYA 51:18

Tipaqo ye ame küha eno atichepu kümlae; pano ghimeke ghuloki lo panongu ye pühave nani.