EZEKEL 46:18 - Sumi Naga CL (Re-edited) Bible (BSI)

¹⁸ Kükapuu ye timiqo mheghi kiumu lumoni, panoqo mheghi lono pano kopheve moni. Pa ye pa mheghi lono pa nuliqo saje tsüni, tishikeu lono Iw timiqo ye pano mheghi lono apanaghave monani.”

BAIBEL (BSI)

¹⁸ Ayehpe akeu kukapuuye timiqo wu aki alu ikhiluve tsumoni. Ayeghi khipau pano pa nuliqo tsuni keno tiye ayeghi pa saje shitsukeu lono tsumasake, tishianguno paye iwu timiqo yeghi luvetsu puzu panoqo nedaqoda pemoniyeke.”

EZEKEL 46:18 Referans Kwoze

EZEKEL 45:8

Hi no Israel lo kükapuu mheghi shini. Iw kükapumi ye Iw timiqo qodaqhi kithe moae, ikemu panongu no Israel laghami pelo ashiaye kiqi lono ayeghi alupe nani.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

KUKAMI ATUGHIU 21:19

Pa vilo pilo, ‘Ampeu no ishi piani, “No ye timi pithive no pa mheghi süxaluve ani keshea?”’ Eno highi pilo, ‘Ampeu no ishi piani: “Atsüqo no Naboth ji mineke-a lono o ji ghi mine nani.”’”

Ephesiami 4:8

Ikehu ishi picheni, “Kughou Pa no kunguu iku keno Pa no akughumi kütsasa sawu, eno agho pesü timiqo tsüe.”

John 10:28

I no lhokta küxü panongu tsüe, panongu ye khilemu pühave monani, eno khunomu I u lono panoqo süxaluve mlae.

EZEKEL 34:21

Kughengu panoqo no inaghau apanagha wuve moke kutolo nongu no nongu kibo pesü miqemlei kemi kümtsü shoqhi eno tuha no qodaqhi kehu,

LESHELE 78:72

Amlo müzüchoi shino pa no panoqo khekuto eno shitsashi panoqo sapheke.

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

SAMUEL ATUGHIU 8:14

Pa no nongu luzaqo, atsailu, olive ghutu akiviu luve tsüno tipaqo pesü pa qemi tsüve nani.

KUKAMI ATUGHIU 21:3

Ikemu Naboth no pi, “I no I puasü mheghi o tsüveni keu ye Ampeu pulou kumoe.”