EZEKEL 43:7 - Sumi Naga CL (Re-edited) Bible (BSI)

⁷ Pa no pi, “Timi nu, hi ye I kükalakhü-a eno I pukhu kinepu-a, hileno I no Israelmi gholo alhokupuju ache nani. Eno Israel kibolomi ye panongu na pano kükami namu panow kütüqha keu ngo qhemghaike-a lo panow kükami sükumo vecheo I je kimthe shikitiqe kithe moae.

BAIBEL (BSI)

⁷ “Thinikuau timio, ikuka lakhu hile ani. Niye hile Israilmi gholo acheuve nani eno alhokupuju panoqo shou ayehpe nani. Israil lo akemiqo pina momu pano kukamiqo namu kutau lhouqo mlla puzu momu hipa-alo pano kukami sukumo qhokeu lono itaghi ije kimthe shipixi kithemove nani.

EZEKEL 43:7 Referans Kwoze

EZEKEL 43:9

Itehi ye panoqo pelo panow kütüqha keu ngo panow kükami sükumo I launo putou peve pelo, eno I no panoqo gholo alhokupuju acheuve nani.

LESHELE 47:8

Alhou no shiyeqo shou ayepe cheni; Alhou ye Pa kimthe kükalakhü lo iqa ani.

ACHINE 26:30

I no now qhemghaike-a kütsave tsünani, tsüngqüi keu kiptia hephove tsü nani, ajulho iluqi akeu shou nongu sükumo qhepuku nani, eno nongu milive nani.

Piyeküsü 22:3

Itehi ye müsüini keu jeli kiumu shimoae, ikemu Alhou eno Ambeti kükalakhü no aphughi lo anani eno Pa qemiqo no Pa mlla nani.

EZEKEL 20:39

“O Israel kibolomi, nongu ghenguno Ampeu Alhou no ishi piani: Tsala nongu no itehi eno ishi nguno alau I tsa inimo aye, wulo eno nongu lakhikhi no pütüta sü-atu julho qelo; ikemu now agho ngo nongu sü-atu julho vecheo I je kimthe shipünha monani.

EZEKEL 1:26

Tipaqo kütsü shou aliho lo kükalakhü toike lakhi ae, tipau ye sapphire tu mihi; eno kükalakhü toike shou timi jukimihi toike lakhi no iqa ae.

LESHELE 99:1

Ampeu no ayepe ani; timi kümtsü no khokhoshilo! Pa ye cherubim shou iqa ani; ayeghi pelo itha pelo!

YEKIKITHI ATUGHIU 28:2

Pa no puthugho no pi: “I thiküzümi eno Iw timiqo, I tsa inilo. Ni Lhou pukhu kinepu-a eno Ampeuw Puloshoqhi Bohu kiqhipu-a ghenguno ni ye aki lakhi mlanie pi I mlo lo ache, eno tighenguno thokha kutope qhie.

2 Kor. 6:16

Alhou chineki ye ajulho sasü kiu lono pulokilelu kepu ani kea? Kughengu ningu ye aküxüpu Lhou chineki ke, ti ye Alhou no ishi pi ketoi, “I no panoqo gholo I kungoa shino pano gholo anani, I no panoqo Lhou shi nani, eno panongu no Iw timi shinani.

John 14:23

Jisü no pa khochile, “Khunono I kimiye keno, pa no I tsa pelu nani eno I Pu no pa kimiye nani, nikujo no pa lau ighi no pa sasü xünani.

John 1:14

Atsa huno ashi shive no ningu gholo xü, eno ningu no Pa juküvü ithuluvae, ti ye Apu gholo Anu lakhi likhi akeu, küpükini ngo kuchou no chhitoi keu juküvü ke.

MATTHEW 28:20

eno I no azah nongu tsükeu kümtsü pelu penike panoqo shikalo. Eno julo, tiqheli shekha kutolo ni ye alhokuthu nongu gholo anani.”

ZEKHARIA 13:2

“Tipa tsalani, aqokitikhi Mpeu no pi, I no ayeghi lono ajulho jeqo xavetsü nani, tishianguno tipaqo ye kümsüchile move nani. I no ayeghi lono tungkupmi eno mithekumo ghungu ghi ikhive tsü nani.

JOYIL 3:17

“Tileno nongu no Ni ye Ampeu no Lhou, I kimthe toghi Zion lo achekeu pi ithi nani. Jerusalem ye akimthe shinani, eno inaghami ye khilemu itaghi tipau le kithemo nani.

HOSIYA 14:8

O Ephraim, Ni ye ajulho pesü kiu shive tsüni kea? O khochile eno o jukuto chekeu ye I no ke. Ni ye xüthilei keu cypressbo toi ke; I launo o xathi ithulu cheni.

EZEKEL 48:35

Mishighüna kubohu kimghi ye kilometer 9 anani. Eno tipa tsalani no mishighüna je ye, Ampeu ye tile ani, ipi kuve nani.”

EZEKEL 39:7

“I je kimthe pesü Iw timi Israelmi pelo ithipe nani, eno Ni ye I je kimthe pesü shikitiqe kithe pemo nani. Shiyeqo no Ni ye Ampeu, Israel lo Akimtheu kepi ithi nani.

EZEKEL 10:1

Tithiu I no jukelo cherubim kütsüqa shou aliho akeu lo thime lakhi sapphire toikeu ipeghi, kükalakhü lakhi jukimihi shi ipeghi.

JEREMIYA 17:12

Ajekipi kükalakhü abothu lono qhemghai süqhe püakeu ye ni chineki ke.

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

JEREMIYA 14:21

O je ghenguno ningu thaigha tsü kevilo; O jekipipu kükalakhü shipünha kevilo; ni sasü puloshoqhi shikeu hepho kevino kümsülu tsülo.

JEREMIYA 3:17

Tipau ghuloki lo Jerusalem ye Ampeu kükalakhü ipi kunani, Jerusalem lo Ampeu nhethe lo shiye kümtsü tile kumqo nani, panongu ye kuthovi ghi pano mlo lhoksa papemo nani.

ISAIAH 66:1

Ampeu no ishi piani: “Kungugha no I kükalakhü, eno ayeghi no I pukhu kinepu ke; tishiaye nongu ye I ghenguno kiu toikeu ki shitsü luni kea? Eno kiutoi keu lo I pelo ngopeni kea?

ISAIAH 6:1

Akükau Uzziah kithi mpe lo Ampeu no chuqumghaike-a lo Pa kükalakhü lo iqa aghikeu I no ithulu; Pa phishe no achineki nhape ae.

LESHELE 132:14

“Hi ye alholo I kungo-a ke; I no hile ngoni, kughengu I no hipa-a pulo luvae.

LESHELE 99:5

Ampeu ni Lhou süqhelo; Pa pukhu kinepu lono mllalo! Pa ye akimthe ke!

LESHELE 68:18

Nono qhemghai ke-a lo iku, akughumi aqokitikhi sasü O gholo shekujo sawu eno timiqo launo agho ikhilu, hekibidemi lau ghi, tishino No Ampeu Alhou no ngoniye shike.

IPEKULU 29:45

I no Israelmi gholo anani eno panoqo Lhou shi nani.

LESHELE 46:5

Alhou ye aphughi lo ani; li ye ithamo nani; kughou inaqhe vüipeghi keno Alhou no li kuphutsü nani.

EZEKEL 6:5

I no Israelmi sükumo pesü pano julhoqo zülo ghope qhitsü nani, eno I no nongu saghi pesü now akiptia homxa ghi kuthole nani.

EZEKEL 6:13

Ghiqhive keqo no akiptia homxape ajulho akeqo gholo, qhemghai keu toghi lo, naghuto kütsüqa lo, asübo lo, aphisübo miniboi keu lo, khile khilemu panongu no pano julhoqo lau axokütsüngü mlla chekeu-aqo lo ikiqi aghi kelono panongu no Ni ye Ampeu kepi ithi nani.

IPEKULU 25:8

Panongu no I ghenguno akimthe-a mlani, tishianguno I no panoqo gholo ngoni.

KUKAMI ATUGHIU 8:13

O pelo alholo ache penike I no O ghenguno akighiche ki shive tsüae.”

KUKAMI AKINIU 16:4

Pa no qhemghaike-a, atoghi, eno asübo kicheqho kümtsü lono aghakishi ngo akümllagho pesü mllae.

LESHELE 68:17

Alhouw khurkulu ye qhethonhe chighi no ghuthu kini, qhethonhe no qhethonhe ani; Ampeu no tipaqo gholo ani; itehi Sinai ye akimthe-a shivae.

MICAH 4:7

ala chemlave kemi pesü I no ghükulumi shive nani, eno hapupove kemi pesü akumto shiye shive nani; Ampeu no Zion lono hipa ghuloki lono alholo panoqo shou ayepe nani.

ZEKHARIA 13:3

Khuana no itaghi tungkuptsa pi aye, pa punuu puaza no pa vilo pi nani, ‘No ye xümoae, kughengu nono Ampeu jelono akimki tsa pi anike.’ Eno kughou pa no tungkuptsa pini keno pa punuu puaza no pa jiqhive nani.