EZEKEL 43:5 - Sumi Naga CL (Re-edited) Bible (BSI)

⁵ Aghungu no I sünheqhe luve no I sasü akikhala alou lo iloghi; eno julo, Ampeu juküvü no achineki chhitoive.

BAIBEL (BSI)

⁵ AMPEU ghunguno ipeqheluve eno isasu akikhala aloulo ilove, tilau AMPEU kimthe jukuvuno Achineki chhitoive keu ino ithulu.

EZEKEL 43:5 Referans Kwoze

EZEKEL 11:24

Alhou Ghungu huno I süqhe luve eno kungunhetsü lono I sasü Chaldea lo haphe sawuve kemi gholo ighive. Tishino kungunhetsü khikhi I no ithulu keno tino I zülono kunguu ikuve.

EZEKEL 8:3

Pa no au jukimihi lakhi I küdau chhophe eno I kütsüsa lono ni pugho luve, eno Aghungu no ayeghi ngo kungugha dolo I sünheqhe luve no Alhouw kungunhetsü lono Jerusalem khagho kulaghi lo achebo alou ahuu küdau akeu lo anhekushu julho lakhü, khipau no anhekushu xukutho akeno tilau I sasü ighi.

Apostolmi 8:39

Kughou pama no azü lono ipeghi keno, Ampeu Ghungu no Philip sawuve, eno shoko huye pa ithumlave kemu alokivi shi cheve.

EZEKEL 44:4

Tishino pa no ahuu khagho, achineki zülo akeu laghi lono I saighi, eno julo, Ampeu juküvü no Ampeu chineki chhitoive. I no I gi pishiqho luve.

EZEKEL 37:1

Ampeu u no I shou ae, eno Pa no Ampeu Ghungu vecheo I sasü akhila mta lo qhive; ti ye asaghi no chhitoi ae.

EZEKEL 40:2

Kungunhetsü lono Alhou no Israel yeghi lo I saighi, eno shishe qhemghai keu naghuto lo apeu küdau mishighüna shiqhe aketoi keu-a lo I küghüqa.

EZEKEL 10:4

Ampeu juküvü cherub launo ikuve no achineki kulaghi küdau wuve, achineki lo khüngküsü no chhitoive, eno achebo ye Ampeu juküvü yevüqai keu no chhitoive.

ISAIAH 6:3

Panongu dolono ighamku pi: “Aqokitikhi MPEU ye akimthe, akimthe, akimthe ke; ayeghiqha ye Pa jekipi küka no chhitoi ani!”

ALE KIMCHI 1:4

I sasü o gholo wuvelo; nikujo mtazü wuvenie. Akükau no I sasü pa chebo lo wue. Ningu no o gholono shishe alovi küqhani; ningu no atsaizü nguno alau o kikimiye lo alovini; ilimiqo no o kimiye chekeu ye achipiloe.

YEKIKITHI AKINIU 5:14

eno tipa ghenguno achinemi ye puthughope huthu mlave, kughengu Ampeu juküvü no Alhou ki chhitoive ke.

KUKAMI AKINIU 2:16

Panongu no pa vilo pi, “Julo, hile o qemiqo akumtomi lhopungu ani. Kimiyeno panongu pelo wuno o mpeu phuwu pelo. Ampeu ghungu no pa xapuwo khileala naghuto momu akhila lo qhipüaghi luvike.” Elisha no khochile, “Puwu kevilo.”

KUKAMI ATUGHIU 18:12

I no o launo wuve kemtsa Ampeu Ghungu no o khapesü I no mthake-a lo wuve nani. Ikehu ni o qeu ye I lhothe lono Ampeu sümsa ighive akemu, I no Ahab vilo ti pive no pa no o phumlave aye, pa ye I pithive niae.

IPEKULU 40:34

Tithiu khüngküsü no kuposhukulu phiki küzüluve, eno Ampeu juküvü no Ampeu kungo phiki chhitoive.

EZEKEL 1:28

Tsüghu ake tsalani khüngküsü lo milisü ju kimihi toi tipau ju ye yevüqai keu no vehomxape ae. Ampeu juküvü ju kimihi ye titoi ke. Kughou I no ti ithulu keno, I no agi pishiqho luve, eno asütsa lakhi I pütsa keu I no chilu.

EZEKEL 11:1

Aghungu no I sünheqhepe Ampeu kilo khagho kipela küdau I saighi. Julo, khagho kulaghi lo timi muku pungu aghi. Panoqo gholo Azzur nu Jaazaniah, Benaiah nu Pelatiah eno timiqow sakiphemi ghi aghi keu I no ithulu.

EZEKEL 3:5

Kughengu inaghami tsa piche kemi eno atsa vetha mlakemi lau o puwu anike kumoe, ikemu Israel laghami lau ke,