EZEKEL 43:19 - Sumi Naga CL (Re-edited) Bible (BSI)

¹⁹ nono axine kümllagho ghenguno atsüaqu dolono amshitsü lakhi pesü Zadok limi Levimi achinemi khunono I mllani ke I kupunu ani keno panoqo tsüni ipi Ampeu no asheshu.

BAIBEL (BSI)

¹⁹ Levi laghalo achinemi khunoqono Zadok polo kughukomi keno tipaqo likhino iqenike igizulo ighi kepu shi nani. Ni, Akughushu MPEU no ahza hipau tsu ani. Panoqo pelo axine ghenguno aghashi mlla penike nono amshitsu alhothe lakhi panoqo tsulo.

EZEKEL 43:19 Referans Kwoze

EZEKEL 44:15

“Ikemu Zadok laghami, Levimi achinemi, khunoqo Israelmi no I launo lavela lo wuve kelo I kimtheki lo aghini shiche keno, panongu no I huthuni ke I kupunu ighi nani. Eno panongu no atha eno aji pesü I mllani ke I zülo puthugho nani ipi Ampeu Alhou no asheshu.

EZEKEL 40:46

eno achebo ahuu küdau küghüngüpe akeu ye achinemi akiptia lo mla akeqo ghenguno ke. Hipaqo ye Zadok nuliqo, Levimi kughuko dolo panoqo likhi no Ampeu kupunu ighi no Pa qelu nani.”

AKIKIHI 16:40

eno tino Israelmi lau amchipu shiche pelo; ti ye Aaron kughuko kumo aye, ashoumi ye khumu axokütsüngü piti nike Ampeu zülo ighimlae ipikeu kiqi shipelo tikumo aye, Korah ngo paw timiqo toi kütsave nani, hi ye Ampeu no Moses vecheo Eleazar vilo pi keu ke.

IBRIMI 7:27

Pa no ghuthu khavino kümtsü ghenguno pa ampi ikhiphe tsüve keke pa ye achinemi kütami toi atüghüshi pa xine ghenguno eno tithiu no timiqo ghenguno tsalakipe ghakishi shi akepu kühae.

KUKAMI ATUGHIU 2:35

Tishino akükau no Benaiah pesü Joab theli lo ghüshimi zatsüu shive eno Zadok pesü Abiathar theli lo achineu shive.

AKIKIHI 16:5

Tishino pa no Korah ngo pa gholo chekemi vilo pi; “Ampeu no thanau no khuu no Paw keno piye nani; khuu no akimthe keno, Pa no Pa phivilo saghi nani. Pa no khuu kisheluni keno, Pa phivilo saghi nani.

1 Peter 2:9

Ikemu nongu ye kishekiphe lagha, Akükau chine kümlami, akimthe shiye, Alhou no Pa kütsashi pükhalu keu timiqo ke, tishikeu lono Khuu no aküzü lono nongu kuphepe Paw akichiqhipu küvü lo sailo keno, nongu pelo Pa kighiche kümla sheshu peniye ke.

1 Peter 2:5

aküxüpu tuquqo toi nongu ampi pesü aghungulo chineki shiqhetsü, akimthe chine kümlapu shilupe, eno Jisü Khristo vecheo aghungulo ghakishi pesü Alhou lau ikhikulupu shi mllalu peke.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

EZEKEL 48:11

Hi ye kishekimtheve kemi chinemi, Zadok limi, khunoqo Israelmi ngo Levimi no lavela lo wuve keloghi panongu ye wumono I zakütsü pape cheni keno panoqo ghenguno ke.

ISAIAH 66:22

“Kughengu atsütsü kithe eno ayeghi kithe I no lhokeu no I nhethe lo acheke toi, nongu kughukomi eno nongu je ye ache nani.

ISAIAH 61:6

Nongu ye Ampeu chinemi kepi ku nani, panongu no nongu ye Ni Lhou qemiqo kepi ku nani; nongu no shiye kütamiw kinikülü peitha nani, eno panongu jekipi shou no, nongu no akijivile nani.

KUKAMI ATUGHIU 2:27

Ikehu Solomon no Ampeu chine kümla lono Abiathar hapheve, tishikeu lono Shiloh lo Ampeu no Eli limi vehu pi püakeu shikupuve.

AKIKIHI 18:5

No eno o nuliqo likhi no Akimthe-a ngo akümlla-khache khekutoni tishianguno Israelmi shou aloghu ighimo nani.

EZEKEL 43:23

Kughou nono tipau shikimthe taveni keno, no ye atsüaqu dolono amshitsü eno ambetsü lakhikhi tukutiye kühakeu pesü mllalo.

EZEKEL 45:4

Ayeghi tipau lo hi ye akimthe saje shini. Hi ye achinemi, khunono akimthe chineki lo huthu acheni eno Ampeu zülo ighi no huthu acheni keno panoqo ghenguno ke, ti ye panoqo kungoki shi nani eno achineki ghenguno akimthe-a lakhi shi nani.