EZEKEL 39:23 - Sumi Naga CL (Re-edited) Bible (BSI)

²³ Israel kibolomi no pano kipimi ghenguno akughu lo wuve kepi shiyeqo no ithi nani, kughengu panongu no shishe I pishiqhi keu lono I no panoqo launo I gi küsüve no panoqo pesü aghümi u lo phesüve tsüke, eno kümtsü azütakikihi vecheo ikiqive ke.

BAIBEL (BSI)

²³ Ashiayeh kutamiqono ithi nanike, Israilmi halephe puwuvekeuye panonguno ishou axine shikeu ghengunoke. Ino panoqo launo tsughusu wuve eno panoqo ghumi pelo panoqo leluve eno aghushi lono panoqo pithivepeke.

EZEKEL 39:23 Referans Kwoze

ISAIAH 59:2

ikemu nongu xine no nongu ngo Alhou dolo kijethavae, eno nongu xine ghenguno Pa gi nongu launo tsüghüvae tighenguno Pa ye nongu ghügha chilu amoe.

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

EZEKEL 39:29

Kughou I no Israel kibolomi shou I ghungu lepukuni keno Ni ye panoqo launo khilemu I gi küsüve monani ipi Ampeu Alhou no asheshu.”

ISAIAH 42:24

Khuu no küpükami u lo Jacob süve kea? eno Israel pesü xülepuwu kemi u lo süve kea? Ti ye Ampeu khuu shou nino axine shive keno, Pa no ke kumo? Pa laghi lo panongu no wumove, eno ningu no Pa yezahqo gholumove ke.

ZAKINIU 32:30

Ampeu no panongu phevemo aye eno pano Tuqu no pano jepuwu moaye, kishino milakhi no qhethonhe halelu, eno mikini no qhethonhe chighi hale luni kea?

ZAKINIU 32:20

Pa no pi, “I no panongu launo I gi küsüveni; pano shekuho I no jutsüni, kughengu panongu ye hekibide tiqhelimi ke, pano lolo pükhübekulu kühae.

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

EZEKEL 36:36

Tileno shiye nongu hokümxa lo akeqo no Ni ye Ampeu kepi ithi nani; kütsave keu-aqo ye I no shiqhevae eno khikhi pighive keno tipau lo sübo tsüni shosü kithevae. Ni ye Ampeu ke; I no piqhivae, eno I no tipau shinani.

AKUMLO 1:8

Jerusalem no zaghishi axine shive, tighenguno li ye niqhinilaivae; li gihu chekemi kümtsü no li jukünatha ani, kughengu panongu no li phikümsa ithuluvae; li ampi no aghime ghügha igha eno li gi küsü luvae.

JEREMIYA 33:5

Panongu ye Chaldeami sasü aghü shinike cheni, ikemu I mlokighide eno I loghu lono ghiqhive kemi kithi kumo no chhitoive nani, kughengu pano kümla lhoksa ghenguno I no mishighüna hipau lono I gi küsüluve nani.

ISAIAH 64:7

Milakhi mu O lau ighamku moe, eno milakhimu O süije nike wumoe, kughengu Nono ni launo itshüvae eno ni pelo ni xine lo tsüma auve peke.

ISAIAH 8:17

Ampeu Khuu Jacob laghami launo Pa gi küsü ani keno, ni ye Pa khe anani eno Pa lajube anani.

LESHELE 106:41

Pa no shiyeqo u lo panoqo pephe tsüve, ikehu pano mithi chekemi no pano shou ayepeuve.

LESHELE 30:7

O Ampeu, O mlo kiqishi Nono Iw naghuto pesü mtotoi shitsü; Nono O gi küsüve kelo; Ni ye aghüthi süve.

LESHELE 10:1

O Ampeu, No ye kushiye putou ani kea? Kushiye No ye aküpüna tüqhüdo lo itshüuve ani kea?

XAKUTHAMI 3:8

Tighenguno Ampeu no Israelmi lau axuideve no panoqo pesü Mesopotamia kükau Cushan-rishathaim u lo süvetsü. Tishino Israelmi ye ampe tache Cushan-rishathaim qeche.

XAKUTHAMI 2:14

Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.

JEREMIYA 44:22

Ampeu ye nongu xine eno aphikümqhüpu kümlaqo jupe kutuu mlave. Tighenguno ishi kutolo no ghakhu ye pighive no ixapinyi eno müsüinivae.

EZEKEL 7:22

I no panoqo launo I gi kughove nani, eno panongu no I chineki shikitiqe nani. Küpkami no tipau lo iloghi no shikitiqe nani.

EZEKEL 20:27

“Tighenguno, timi nu, Israel kibolomi pütsa no pilo, Ampeu Alhou no ishi piani: Nongu puasüqo ye hipau lo ghi I lau küthakügha shike, ti ye pishikiqhi shi I peitha keu vecheo ke.

EZRA 9:7

Ni puasüqo ghuloki lono ishi tsala kutolo ningu ye akipimi kije shi ighivae. Ni xine ghenguno ningu, niw kükami eno ni chinemi ye aghakhu lo kükamiqo u lo ilovae, azütakikihi lono ikiqivae, akughu lo wuvae, pükaqhivae, eno ishi tsala lo toi akukujo kitikhi lo ilovae.