EZEKEL 39:12 - Sumi Naga CL (Re-edited) Bible (BSI)

¹² Israel laghami no pano yeghi shikimtheni ke ghenguno aqhi tsüni panoqo shiqho nani.

BAIBEL (BSI)

¹² Israilmiye akithi kumo qhokeulo aqhi tsuni luve nani eno aghakhuye shikimthe kitheluve nani.

EZEKEL 39:12 Referans Kwoze

ZAKINIU 21:23

pa kumo ye puthotsü tishi asübo lo qhimoni, ikemu tipa tsalani no pa shiqhoveni, kughengu tshüqhive keu timi ye Alhou no müsüinivae. Ampeu no nongu mheghi shitsü akeu yeghi tino shipüthave moni.

EZEKEL 39:14

Panongu no aghakhu kuchopu itsüwu no ikiqi thi aghi kemi shiqhove eno ayeghi shikimtheve penike timi kishephe nani. Aqhi tsüni shekha lono panongu no itaghi akumo phuju wunani.

EZEKEL 39:16

(Hamonah ye mishighüna je ghi ke.) Panongu no hitoi shi ayeghi shikimthe nani.

AKIKIHI 19:16

Khukhumu azütakikihi no ghiqhive keu kumo, momu alhoaye kithi thipüaghi keu kumo, momu timi saghi, momu akumoki buve aye, pa ye atsala tsüni kutolo mithe movae.

EZEKEL 39:11

“Tipa tsalani Gog shiqho penike I no Israel lo a-a lakhi, azüghi kipelau, Kicheghüzümi Khila tsü nani. Tino aghüzümi kümtsü vekha nani, kughengu Gog eno paw aqokitikhi ye tile shiqhove nani ke. Ti ye Hamon-gog Khila ipi kunani.

AKIKIHI 19:11

“Khukhumu akithi kumo diluve keu ye atsala tsüni ghenguno achinepu lo mithe move nani.

AKIKIHI 19:14

“Milakhi no aphiki lono thive aye, aphiki tipau lo ilo kemi eno aphiki alou akemi kümtsü atsala tsüni kutolo achinepu lo mithe movae.