EZEKEL 38:19 - Sumi Naga CL (Re-edited) Bible (BSI)

¹⁹ Kughengu I nhekushu lono eno I loghu miküqü lono I no asheshu, Tipa tsalani ayeghi küghütha kije Israel yeghi lo ighi nani.

BAIBEL (BSI)

¹⁹ Ino iloghu kighide lono piphetsu anike, tipa tsalalo Israil lo ayeghi kughutha kutsasa ipeghi nani.

EZEKEL 38:19 Referans Kwoze

Piyeküsü 16:20

Züdoyeghi kümtsü lakhikhi no yimive eno naghutoqo no thosü-a lo ngo move no külaqa khave.

Piyeküsü 16:18

Tileno tsütsüpha kulouve, tsütsüküsü ghügha no vekipighi igha, eno ayeghi küghütha kije ipeghi, paküta keu yeghi küghütha kehu timi xülo titoi keu ye khilemu ighiju mphie.

Piyeküsü 11:13

Tipa tüqhüdo lono shishe ayeghi ilüuve, eno aphughi kikije chighi lo lakhi ye kütsave. Ayeghi küghütha lono timi 7,000 thive, eno achili aghi keqo ye thüghüive no kungugha Lhou lau ajekipi juküvü tsüe.

IBRIMI 12:26

Khaghi ye Pa sütsa no ayeghi süküghüthae, ikemu itehi ye Pa no piqhivae, “I no itaghi ghuthu lakhi ayeghi likhi kumono atsütsü ghi süküghütha nani.”

JOYIL 3:16

Ampeu no Zion lono igha, eno Jerusalem lono sheshu ani; eno atsütsü ngo ayeghi no ithae. Ikemu Ampeu ye Paw timi ghenguno sükusho-a, Israelmi qoghe kumto ke.

EZEKEL 5:13

“Ikehu I mlokighide ye titoi ighi nani, eno I no I loghu panoqo shou lepuku no I likhi I ghapiqi nani. Panongu no Ni ye Ampeu kepi ithi nani, kughou I no I loghu kighide panoqo shou lepukuni keno panongu no Ni ye I nhekushu lono piqhi kepi ithi nani.

ZEKHARIA 1:14

Ikehu kungumi khuu I pütsa akeno pa no I vilo pi, ‘Ighamku lo, aqokitikhi Mpeu no piani: Ni ye Jerusalem eno Zion ghenguno shishe anheshu ani.

JOYIL 2:18

Tileno Ampeu no Pa yeghi ghenguno amlo piti eno Paw timiqo shou amloighive.

EZEKEL 39:25

“Tighenguno Ampeu Alhou no ishi piani: Itehi ye I no Israel ngukümgha athoputho tsüni eno Israel kibolomi kümtsü kimiyeqhiyi eno I je kimthe süshoni.

ISAIAH 42:13

Ampeu no aghütomi lakhi toi chewu; Pa no aghütomi toi khekulhoshi kutope ngoke; Pa no aghüle ku, eno aghüshi ghügha ighae; eno Pa ghümi shou Pa kükakumto pephe.

LESHELE 18:7

Tile ayeghi no khokhoshi eno itha thuve; naghuto boqha ghi süküghütha eno ithauve, kughengu Pa no axuideve ke.

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

IBRIMI 12:29

kughengu ni Lhou ye pitimaha keu mike.

ZAKINIU 32:22

Kughengu I loghu no ami iqüvae, tino Kithigha kutho kutolo piti nani, ayeghi ngo tile akeqo pitive nani, eno naghuto boqha pitive nani.

LESHELE 18:8

Pa nigipe lono amchhi phoipeghi, eno Pa kichi lono ami mili, amibalu iqü akeu ipeghie.

LESHELE 79:5

Ampeu, khitohi kea? No ye alholo amloide anani kea? O nhekushu ye ami toi iqüni keshea?

ISAIAH 42:15

I no atoghi ngo naghutoqo kütsaküngo nani; eno tile atsüni ngo asüboqo ighüivepe nani; I no aghokiqo pesü züdoyeghi shivetsü nani; eno ayizükuchoqo pelo qhaivepe nani;

EZEKEL 36:5

tighenguno Ampeu Alhou no ishi piani: Mtsüqheino shiye kütami eno Edommi kümtsü, khunono alokivishi eno shishe küthaküghapu shi I yeghi pesü pano ampi tsüve, tishikeu lono ayeghi tipau pesü atsüni kümtsha-a shiniye shikeno, panoqo lau I no I loghu külü lono pivae.

EZEKEL 36:6

Tighenguno Israel yeghi ghenguno tungkuptsa pilo, eno naghutoqo ngo atoghiqo, aghokiti ngo akhilaqo vilo pilo, Ampeu Alhou no ishi piani: Julo, I no I loghu nhekushu lono pivae, kughengu nongu no shiyeqow küthakügha xapuke.

EZEKEL 39:6

I no Magog ngo azüghimkü lo sükusho qholono küghüna chekemi shou ami puku nani, eno panongu no Ni ye Ampeu kepi ithi nani.

NAHUM 1:2

Ampeu ye anhekushu eno amkhükulu Lhou; amkhükulu eno axukighideu; Ampeu no Pa ghümi shou amkhü lu eno panoqo sala aloghu püa cheni.