EZEKEL 36:12 - Sumi Naga CL (Re-edited) Bible (BSI)

¹² I no timiqo, eno Iw timi Israelmi pelo nongu shouno chewupe nani, nongu ye pano mheghi shive nani, eno nongu tianuli ye khilemu akhüava shipemo nani.

BAIBEL (BSI)

¹² Ino nongu, iwu timi Israilmi aghakhulo kughuna kithe penike saideghi nani. Ayeghiye nowu shive nani eno tipauye nongu tianuli pelo itaghi khilemu akhuava shipemo nani.

EZEKEL 36:12 Referans Kwoze

JEREMIYA 15:7

I no aphughi khagho lono asüküba pesü panongu vepuku no fule nani; I no Iw timi kütsavae, pano mlo ghujuve tsüae, panongu ye pano laghi lono tsüghü moe.

EZEKEL 47:14

I no kiu o puasüqo tsünike tushoqhi keno ti ye nongu dolo aqhemi shi kije nani. Ayeghi hipau ye nongu ghenguno amheghi shi nani.

EZEKEL 36:13

Ampeu Alhou no ishi piani: Kughengu panongu no nongu vilo, ‘Nongu no timi tsüchuke, eno no shiye nuliqo mloghujue,’ ipi kehu

JEREMIYA 32:44

Pisa pesü aluza qhülu nani, Benjamin yeghi lo eno Jerusalem hokümxa lo, Judah mishighünaqo lo eno atoghi lo mishighünaqo lo, Shephelah mishighünaqo lo, eno Negeb lo mishighünaqo lo ayeghi küqhü xakütha shipe qhinani eno jemchi ngo thopi shipe qhinani, kughengu I no pano kinigha tsüchile nani, ipi Ampeu no sheshu.”

JEREMIYA 32:15

Kughengu aqokitikhi MPEU, Israel Lhou no ishi piani: Aghakhu hipau lo aki alu eno atsailu ye qhükithe luni aphie.’

AKIKIHI 13:32

Ikehu panongu no ayeghi pujuwu keu lo akumou sütsa pewo Israelmi lau külhave ghi pi, “Ayeghi khikhi nino puju niye wu keno, tipau ye tile xüküami munove cheni, eno tile xüküami nino ithulu kemi kümtsü shishe chuqumghaie.

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

EZEKEL 22:27

Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

EZEKEL 34:13

I no ashiayeqo dolono panongu saipeghi nani, aghakhuqo lono panoqo hekütsü nani, eno pano yeghi lo saighive nani. I no Israel lo naghutoqo, aghokitiqo, eno aghakhu lo küghüna akeu-aqo lono panoqo loji nani.

EZEKEL 34:14

I no atsüni kümtsha-a kivi lono panoqo loji nani, eno Israel lo naghuto kiqhe-a pesü panoqo sala achu kümza-a shivetsü nani. Panongu no tilau achu kümza yeghi lo ihozü nani, eno atsüni kümtsha-a kivi lono panongu loji nani.

ISAIAH 65:9

I no Jacob kughukomi saghi nani, eno Judah lagha lo naghutoqo lo ampemiqo saighi nani, I no kishelu keqo no ti qhasü luve nani, eno I qemiqo no tile küghüna nani.