EZEKEL 34:18 - Sumi Naga CL (Re-edited) Bible (BSI)

¹⁸ Atsüni kümtsha-a kivi lono loji akeu ye nongu ghenguno aghaqi move kesheno apukhu pesü nongu tsüni kümtsha-a qodave; eno azü kütsüghü ye akeu ye aghaqi move kesheno apukhu pesü azü qhoi shipuqo masave keshea?

BAIBEL (BSI)

¹⁸ Nongu hamiye atsuni akiviu chuchekeu aghaqimono anike; nonguno chumonikeu ghi nonguno nedaqodake! Nonguno azu kutsughu yecheni eno nonguno yemokeuye puqove cheni!

EZEKEL 34:18 Referans Kwoze

Luke 11:52

Nongu Ayezah shikükami ye ahae! Kughengu nongu no akighithi hukikha khaqhiyi süwuve tsüae. Nongu ampi nomu iloke kumono khunoqo iloche keno, nonguu no shokhave ke.”

MATTHEW 23:13

“Ikemu nongu Ayezah shikükami ngo Phariseemi hasapue, keghilishi chekeqo! Nongu no timiqo launo kungugha yekipe hukikha khavetsü, nongu ampi no iloke kumono ilo niye akeqo ghi ilope chemoe.

ISAIAH 7:13

Ikehu Isaiah no pi, “Tishiaye inilo, O David laghami! Nono timi züpüzüve keghi kiumu ithimo kehu no ye I Lhou ghi züpüzüveni keshea?

SAMUEL AKINIU 7:19

Ikeghi O nhethe lo hi ye aghuloe, O Ampeu Alhou. Nono O qeu lagha ghenguno ighini keu kutolo piqhive tsüae, eno hi ye timi kümtsü ghenguno akükütsütsa ke, O Ampeu Alhou!

AKIKIHI 16:13

Nono akichhizü ngo akhingozü qowu akeu yeghi lono ningu sasü ipeghi püzü asayeqha lono ni pithive niye akeu likhi kumono ni shou sakipheu shiniye ani keshea?

AKIKIHI 16:9

Nongu ye Israel Lhou no Israelmi kümtsü dolono nongu kütashi qhikeu hu jukuloti ani keshea? Ampeu no nongu Pa phivilo saighi keu, Pa phiki lo hukuthu kümla shipe keu eno ahohomi zülono Pa lau akümlla kümla shipe keu jukuloti ani keshea?

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

EZEKEL 32:2

“Timi nu, Egypt kükau Pharaoh lau akumlo le phelo eno pa vilo pilo: “Nono o pesü shiyeqow abongshuu kepi kümsü cheni, ikemu no ye azüghi lo dragon ke; nono o ghoki lono ilhe ipeghi cheni, o pukhu no azü shipuqove, eno aghokiqo qonyive ke.

EZEKEL 16:47

No ye panoqo laghi lo chechekeu ngo panow aphikümqhüpu kümla kiqi lono mla chekeu likhi kumoe; ado kitila dolo no ye o laghi kümtsü lo panoqo nguno alau shiküsapu shive ke.

EZEKEL 16:20

Nono I lau punu tsükeu o pu-angaqo pesü tsüqhi chuve peniye tipaqo lau aghashi ke. Nono kütüqhalimi shikeu ye avehu tachu kesheno

BOTHUBO 30:15

Ikemu li no pi, “I kimi no o sawuve keu ye avehu tachu küghashi ani keshea? I nuw zünilobo ghi no ye ikhipe wuveni keshea?” Rachel no pi, “Tishi aye o nuw zünilobo chhekichile shi itiji no ye pa gholo zü lunani.”

AHOLE 25:26

Timi kivimi no kixikilami qhou shive keu ye azüpuki momu azükikhe shipuqove keu toike.

EZEKEL 34:19

I mbeqo ye nongu pukhu no qodave keu chumasa eno nongu pukhu no shipuqove keu yemasa keshea?

ISAIAH 32:6

Kughengu mbomzümi ye anikha tsa picheni, pa ye Ampeu shou akumou pi-shiniye eno chuqu-kusho pesü müzü tüghü akemi ghapiqi tsümo niye pa mlo no akimighi shi axine kuchughu acheni.