EZEKEL 34:10 - Sumi Naga CL (Re-edited) Bible (BSI)

¹⁰ Ampeu no ishi piani, Julo, Ni ye ambekhemi lachile ani, I no I mbeqo ghenguno panongu launo kihikülai keu khu nani eno panoqo no ambe loji akeu lakhave nani. Ambekhemi ye pano lojilu moae. I no panoqo kichi lono I mbeqo xaphe luve nani, tishino panoqo chuqupu shipe move nani.

BAIBEL (BSI)

¹⁰ Ni, Akughushu MPEU no pianike niye nongu ghumike. Ino nongu launo iwu bheriqo xapheluve nani eno nongu pelo panoqo chupemoke.

EZEKEL 34:10 Referans Kwoze

ZEKHARIA 10:3

“I mlokighide ye ambekhemi shou ani, I no sakiphemiqo ghime nani; kughengu aqokitikhi Mpeu ye Pa mbeloji, ti ye Judah laghami, tucho cheni, eno panoqo pe aghüshi lo khurshi kughushu toi shi nani.

EZEKEL 34:2

“Timi nu, Israel lo ambekhemi shou tungkuptsa pilo: panoqo vilo tungkuptsa pilo, ambekhemi vilo pilo, Ampeu Alhou no ishi piani: Ya, Israel lo ambekhemi ye nongu ampi loji auvae! Ambekhemi ye ambe loji kepu ke kumo keshea?

EZEKEL 13:8

Tighenguno Ampeu no ishi piani: “Nongu no kichile tsa piqhi eno pishikiqhi kungunhetsü ithuluke ghenguno, julo, Ni ye nongu lachile ani, ipi Ampeu Alhou no asheshue.

JEREMIYA 21:13

“Julo, O akhila eno aqa lo atuqu lo küxümiqo, Ni ye nongu mjochile ani, ipi Ampeu no asheshu; nongu no picheni, ‘Khuu no iqighi no ni mjochile eno ni kungo-a lo iloghini kea?’

IBRIMI 13:17

Now sakiphemi gholulo eno panongu qhoqhülo, kughengu pano ye Alhou lau kihikülai tsü nani kehu nongu küxü jukuto khe acheni. Pano pelo amlo samono aloviqhiyi mla pelo, tishimo aye nongu vehupu kiumu shimla nani.

NAHUM 2:13

Aqokitikhi Mpeu no sheshu, Julo, Ni ye o mjochile ani, eno I no ow khurkuluqo pitileve tsü nani, eno azütakikihi no ow abongshuu lhotheqo kütsave nani. Nono xulepughi keu I no ayeghi lono pühave tsü nani, eno o ghinimi sütsa ye khilemu chilu kithe move nani.

EZEKEL 34:8

I no xüake toi, Ampeu Alhou no asheshu, mtsüqheino I mbeqo ye tsüqhi chuniye shivae, I mbeqo ye tüghashiqo chuqupu shivae, kughengu ambekhemi khumu kühavae, eno I mbekhemi no I mbeqo phusaghi movae, ikemu ambekhemi ye pano ampi likhi loji auvae, eno I mbeqo loji movae,

EZEKEL 3:18

Tsala I no kixikilau vilo, ‘No ye mtsüqheino thive niae,’ ipini eno nono pa kütüghü move momu pa küxü xalu tsüniye paw kixikila laghi lo ideighi penike kütüghü move aye, pa ye pa xine ghenguno thive nani, ikemu pa ji ghenguno nono kihikülai tsü masa nani.

LESHELE 23:5

Nono I ghümi nhethe lono I zülo aghulhu lüpa kutotsü; Nono thazü pesü I kütsü nutsü; I jukhu lo yele lesütsüe.

1 Peter 3:12

Kughengu Ampeu nhethi ye amikuchomi shou acheni, eno Pa kini kughope pano kighini initsü cheni. Ikemu Ampeu ye alhoksa shiche kemi mjochile cheni.”

EZEKEL 35:3

eno tipau vilo pilo, Ampeu Alhou no ishi piani: Julo, Seir Toghi, Ni ye o lachile ani, eno o shou I u chho ani, I no o pesü küghüküghalei pighive tsü nani.

EZEKEL 34:22

I no I mbeloji xaphe luve nani; panongu ye tüghashi chuqupu shi tsüqhi chuve kepu shimove nani. I no ambe ngo ambe dolo xakütha shi nani.

EZEKEL 21:3

eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.

EZEKEL 5:8

ghenguno Ampeu no piani: Julo, Ni ye nongu lachile ani. Eno shiyeqo nhethe lono I no nongu lau aghime süghi nani.

EZEKEL 3:20

Itaghi, amikuchomi lakhi no pa mikucho lono tsüghüsü achipi kumo shive eno I no pa zülo apukhu küpsüpu qhivetsü aye, pa ye thive nani. Kughengu nono pa kütüghü move keke pa ye pa xine ghenguno thive nani, eno pa mikucho kümla pa no mlapüa keqo ye kümsülu tsümo nani, eno pa ji ghenguno no ye kihikülai tsümo nani.

JEREMIYA 50:31

“O aqheküzau, I no o le nani; Ampeu aqokitikhi Lhou no piani, o ghimeni keu ghuloki ighivae.

JEREMIYA 39:6

Babylon kükau no Riblah lono Zedekiah nuliqo pa nhethe lono ghiqhive tsü, eno Judah lo ghenimi kümtsü ghiqhive tsü.

EZEKEL 13:23

nongu ye kichile kungunhetsü momu saqhisali shimo nani. I no nongu u lono Iw timi xaluve nani. Eno Ni ye Ampeu kepi nongu no ithi nani.”

EZEKEL 34:9

tighenguno nongu ambekhemiqo, Ampeu tsa inilo: