EZEKEL 33:2 - Sumi Naga CL (Re-edited) Bible (BSI)

² “Timi nu, ow timiqo pütsa no panoqo vilo pilo, Tsala I no ayeghi lo azütakikihi süghi aye, eno ayeghi lo timiqo no pano gholo milakhi pesü pano ghukheu shipe aye,

BAIBEL (BSI)

² “Thinikuau timio, ino ayeghi lakhilo aghukishi sughi aye kishive cheni keno nowu timiqo vilo pilo. Tipau ghakhumino pano timi lakhi kishe pesu aghukhemi shicheni peke.

EZEKEL 33:2 Referans Kwoze

EZEKEL 33:30

“Timi nu, ow timi khunoqo atupikiye eno ahukikha lono o ghili küptsa cheni keno, panongu lakhino lakhi vilo picheni, ‘Ighi no Ampeu launo ighikeu tsa ye kiu keno inilo.’

EZEKEL 33:17

“Ikeghi now timiqo no pano laghiu no achipikumo mu ishi picheni, ‘Ampeu laghi ye achipi kumoe.’

EZEKEL 14:17

“Momu I no ayeghi tipau shou azütakikihi süghi no, azütakikihi no ayeghi hipau kathawu pelo, eno I no tile timi ngo tüghashi ghiqhive tsüniye shi aye,

EZEKEL 3:11

Ow timi haphe sawuve keqo lau wulo, eno panoqo no inina monamu panoqo pütsa no, ‘Ampeu Alhou no ishi piani,’ ipilo.”

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

EZEKEL 3:27

Ikemu kughou I no o pütsani keno, I no o kichi xükho tsü nani, eno nono panoqo vilo, ‘Ampeu Alhou no ishi piani’ ipi nani. Khuu no chiluni keno, pa no chilu pelo; eno milive keu no milive pelo, kughengu panongu ye hekibide laghami ke.

ISAIAH 62:6

O Jerusalem, o liwoqo lo, I no aghukhemi qhivae; putho pucho panongu ye khilemu inaqhoive mo nani. Nongu khunoqo Ampeu pelo kümsüchile anipe keno, akulhoqhi kevilo,

HOSIYA 9:8

Tungkupu ye I Lhou gholono Ephraim kheu huke; ikeghi pa laghi kümtsü lo ashihami lichhe ani eno akimthi no pa Lhou kilo ani.

EZEKEL 37:18

Kughou ow timiqo no o vilo, ‘Hipaqo ye kiu keno no ye ningu vilo pimoni keshea?’ ipi aye

EZEKEL 33:12

“Eno no, timi nu, ow timiqo vilo pilo, Kughou amikuchomi no hebideveni keno pa chipiu mikucho ye pa xalumo nani, eno kixikilamiw kixikila ghengu ye, kughou pa no paw kixikila lono tsüghü luni keno, pa ye pa kipimi lono thimo nani, eno kughou amikuchomi no axine shiveni keno, pa ye pa chipiu mikucho lono xülumo nani.

EZEKEL 33:7

“Ikehu no, timi nu, I no Israel kibolomi ghenguno o pesü aghukheu shivae. Kugho kughomu I kichi lono atsa chilu kelo, no ye I no panoqo ghutu keu pilo.

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 11:8

Nongu no azütakikihi msa chenike I no azütakikihi nongu shou süghi nani, ipi Ampeu Alhou no asheshu.

EZEKEL 6:3

Nongu Israel lo naghutoqo, Ampeu Alhou tsa inilo! Ampeu Alhou no naghuto eno atoghi, akuthoku eno akhilaqo vilo ishi piani: Julo, I no azütakikihi nongu shou süghi nani eno qhemghaike-aqo kütsave tsü nani.

JEREMIYA 51:12

“Babylon liwo shou michiphi süqhelo, aghukhe alau iqhikumto lo; aghukhemi süsülo; aghüthepe khe lo; kughengu Ampeu no Babylon ghenguno pi püakeu shi anie.

JEREMIYA 25:31

Akumqhu no ayeghi shekha kutolo veküva nani, kughengu Ampeu no shiyeqo akipimi tsü nani; Pa ye lhoxü kümtsü shou küghathabeni cheni, kixikilami ye ghiqhive nani, ipi Ampeu no sheshu.’

JEREMIYA 12:12

Asayeqha lo asa itsümo keu toghi shou kütsaveni kemi ighivae, kughengu Ampeu zütakikihi no ayeghi halau no halau kutolo leno khumu iqüghai mla nani.

ACHINE 26:25

Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

EZEKEL 33:1

Ampeu tsa I lau ighi: