EZEKEL 31:3 - Sumi Naga CL (Re-edited) Bible (BSI)

³ Julo, Assyria ye Lebanon lo cedarbo lakhi ke, jukivi loka eno aghasü kicheqho, chuqumghai iku khüngküsü toe.

BAIBEL (BSI)

³ Noye Libanon lo Kedarsubo lakhi toike, jukivipu, tubolei akeu loka toike. Chuqumughai keu subo kehu khungkusu toni keshike.

EZEKEL 31:3 Referans Kwoze

DANIEL 4:10

Alüpa lo I no ihozü akelo kungunhetsü ye hike: julo, ayeghiqha mta lo asübo lakhi I no ithulu, eno ti ye ighono qhemghai.

EZEKEL 17:22

Ampeu no ishi piani: “Ni ampi no qhemghai keu cedarbo kütsüqa lono akhuni pughotha pesü wunani. I no tipau akemtsü lo akhuni kümtsha pigheve nani, Ni ampi no tipau pesü qhemghaike-a eno chuqumghai keu naghuto lo shosü nani.

XAKUTHAMI 9:15

Asahubo no pi, ‘Nongu no süchou no I pesü nongu kükau shi penike I nukishe aye, I kicheqho ije ighilo, tishimo aye asahubo lono ami ipeghi no Lebanon lo cedar ghasü mühavepe nani.’

ZEKHARIA 11:2

Mloqa lo, O Cypressbo, kughengu cedarbo ye ikiqivae, ajekipi süboqo ye kütsavae! Mloqa lo, Bashan phisüboqo, kughengu aghasü ye yeqhivae!

ZEFANIA 2:13

Pa no ahuumi shou Pa u süqhe nani eno Assyria kütsaleve nani, Pa no Nineveh küghüküghaleive tsüno asayeli toi qhai qhive nani.

DANIEL 4:12

Tipau nipaqo ye jukivi eno axathi ye kupukuno, eno kümtsü ghenguno achuqupu ae. Aghasa lo tüghashiqo no tipau lo akicheqho ithulu, kunguu aghauqo no alokaqo lo ngo, eno lhoxü kümtsü tipau lono chulue.

EZEKEL 31:16

Tipau ikiqi keu ghügha mtsa I no shiyeqo pelo ithape ke, ti ye aqo lo ikiqi ilove keqo gholono I no tipau Kithigha lo vesüve ke. Eno Eden lo asübo kümtsü, Lebanon sübo kishekiphe eno akiviu khikhi azü no pütsü cheni keno tipaqo ye ayeghi qhou alokughuno shive.

EZEKEL 31:6

Atsütsü lo aghau kümtsü no tipa loka lo apüsü pesü; tüghashi kümtsü no tipa loka qholono atiqo piti, tipa kicheqho lono shiye kuloghi kümtsü no xüche.

ISAIAH 37:24

O qemi vecheo nono Ampeu thogha no pi, Khurkulu kutomo sasü I no Lebanon naghuto kiqhe kutolo mughosü cedar akushuu, cypress kishekiphe yeqhi niye ikue; eno kümtsü nguno akuchuquu-a, aghüma kivi ghasü iku tolue.

LESHELE 92:12

Amikuchomi ye amsabo toi ikoishe cheni eno Lebanon lo cedarbo lakhi toi thuwu cheni.

JEREMIYA 17:8

Pa ye azü phivilo asübo shosü püakeu toi, ti ye aghoki lo azü no akuhu pütsütsü cheni, akülü tsala ighimu msamoe, pa nipa ye xüthilei acheni, ti ye züha mpe lomu mlomoe, ti ye axathi pithi tave chemoe.

JEREMIYA 50:18

Tighenguno, aqokitikhi MPEU, Israel Lhou no ishi piani: Julo, I no Assyria kükau ghimeqhi ketoi Babylon kükau Nebuchadnezzar ngo pa ghakhumi ghimeni cheni.

EZEKEL 19:11

Tipau loka mtotoi keu no yepemi kükaküsü shive; tino aghasa dolono chuqumghai thuikughi; aloka tubolei ipeghi keu no qhemghai ithulue.

EZEKEL 31:5

Ikehu ti ye aluza lo asübo kümtsü nguno qhemghaive; tipau khuni lo azü no kupukuno kehu alokaqo ye kije kushuo shi thuikuve.

EZEKEL 31:8

Alhou ghutu lo cedarboqo ye tipau sasü kimghi mlae, momu asahu sübo ye tipau sasü aqhemi shimlae; fir süboqo ye pa loka toimoe; Alhou ghutu lo asübo lakhimu titoi jukivi kühae.

EZEKEL 31:10

“Tighenguno Ampeu Alhou no ishi piani: Tino qhemghai thuiku khüngküsü tove no chuqumghaive keu lono qhezave kehu

EZEKEL 31:17

Panongu ghi khunoqo ghüyi lono wove keno panoqo gholono Kithigha lo ilove; iyei, ghüshimi nanu xapu akemi khunoqo no tipau kicheqho lo akeno panoqo gholono ilove.

EZEKEL 32:22

“Assyria ye li loji sasü tile ani, li no ghiqhive keqo, khunoqo li zütakikihi no pithive keno panoqo sükumo no li vehope ani.

ZEKHARIA 11:1

O hukikhaqo khaqhilo, O Lebanon, tishino ami no ow cedarboqo pitileve penie!

DANIEL 4:7

Tithiu küdüumi, shiküghüzü kemi, Chaldeami, eno yepu-yesü kighithimi ighi, eno I no asamo panoqo vilo pive, ikemu panongu ye tipau hekupho I pelo ithilupe move.