EZEKEL 30:5 - Sumi Naga CL (Re-edited) Bible (BSI)

⁵ Cush, Put, Lud, Arabia qha kümtsü, Libya eno kütsape akeqo timi ghi Egypt gholono azütakikihi lono ikiqive nani.

BAIBEL (BSI)

⁵ “Sudan, Lidya, Libya, Arabia, Kub eno iwu timi gholono piqesaghi keqo ghushimi ghi aghukishi lono pithive nani.”

EZEKEL 30:5 Referans Kwoze

JEREMIYA 25:20

eno panongu gholo kitekungo shiaye kümtsü, Uz yeghi eno Philistia yeghi lo kükami (Ashkelon, Gaza, Ekron, eno Ashdod lo ghükulumi);

EZEKEL 27:10

“Persia, Lud eno Put ye ow ghüshimi shiche. Panongu no azüto ngo akütsükuqho o liwo lo pufupe qhiche; panongu no ajekipi o tsüche.

JEREMIYA 25:24

Arabia kükami kümtsü eno kitekungo shiaye asayeqha lo küxümi;

JEREMIYA 50:37

Khurshi ngo khurkuluqo, eno inaghami ghüshimi li gholo akeqo shou azütakikihi puku nani, eno panongu ye totimi toive nani!

JEREMIYA 46:9

O khurshiqo, azüu wulo, O khurkuluqo, mqhumzalo! Cushmi eno Putmi azüto kipemi, Ludmi asüzü pekithimi, hi aghütomiqo azüu puwulo.

JEREMIYA 44:27

Julo, I no akivi kumono amhekiqi ghenguno panongu jukuto ani. Nongu Judahmi Egypt lo akemi kümtsü azütakikihi ngo püqümiye lono thive nani; ti ye nongu kümtsü kühave moke kutolo tishi nani.

ISAIAH 20:4

Assyria kükau no Egyptmi ngo Cushmi, kichi-iti kümtsü akughumi shi sasü Egypt shikukujo ghi ashibo nhatsü mono aphikümsa sawuve nani.

ISAIAH 18:1

Aha, Cush ghoki kukuu achishiboqo no nhakeu yeghi,

EZEKEL 38:5

Persia, Cush, eno Put noqo ye panoqo gholo ani, panongu kümtsü azüto ngo akütsükuqho xapu ani;

DANIEL 11:43

Pa no ameshoyi ngo ghükayi kinibo shou eno Egypt lo akughupu thimeqo shou ampeu shive nani, eno Libyami ngo Cushmi no pa pape nani.

YEKIKITHI AKINIU 12:3

Khurkulu 1,200, khurshimi 60,000, eno kihikha kümla ghüshimi no Shishak sasü Egypt lono ighi—tipaqo ye Libya, Sukkim, eno Ethiopia timiqo ke.

ZEFANIA 2:12

O nongu Cushmiqo ghi, I zütakikihi no ghiqhive nani.