EZEKEL 30:12 - Sumi Naga CL (Re-edited) Bible (BSI)

¹² I no Nile qhaive tsü nani eno ayeghi pesü kixikilami u lo jesüve tsü nani; inaghami vecheo I no ayeghi eno tile akeu qhoi kütsave tsü nani; Ni ye Ampeu ke; I no piqhivae.

BAIBEL (BSI)

¹² Ino Nayil ghoki qhaivetsu nani eno Ijip ye timi lhoksami kuka qholo qhi nani. Inaghamino aghakhu qha kumtsu kutsaleve nani. Ni, AMPEU no pivae.”

EZEKEL 30:12 Referans Kwoze

EZEKEL 29:3

Ampeu Alhou no ishi piani pi pütsa: “Julo, Egypt kükau Pharaoh, Ni ye o lachile ani, dragon kije pa ghoki mta lo ani, tipau no pi, ‘Nile ye Iw ke; I no I ghenguno mlae.’

Piyeküsü 16:12

Kungumi akütsüghou no pa bohu pesü Euphrates ghoki kije lo leqhi, ikelo kipelau no kükami chekeqo ghenguno ala shetsüni kehu tipau zü qhaive tsü.

1 Kor. 10:26

Kughengu “Ayeghi eno tile akeu kümtsü Ampeuw ke.”

NAHUM 1:4

Pa no azüghi lomipi no qhaive tsü; Pa no aghoki kümtsü qhaive tsü; Bashan eno Carmel ye ighüyivae; Lebanon xamunu ye ighüyivae.

EZEKEL 31:12

Shiyeqo dolo ighono ayiküsau, inaghami no tipau yeqhive no qhivae. Naghutoqo lo eno akhilaqo lo tipau lokaqo ye ikiqivae, tipau lokaqo ye ayeghi lo kipekuloi ke-a kümtsü lo ikiqivae, eno ayeghi lo timiqo ye tipau kicheqho qhive no wukhavae.

EZEKEL 28:10

No ye inaghami aphighüyiko ghamo kemi u lono thive nani; kughengu I no piqhivae ipi Ampeu Alhou no asheshu.”

JEREMIYA 51:36

Ikehu Ampeu no ishi piani: “Julo, I no nongu tsa küghatsü eno nongu mkhü lutsüni. I no Babylon züghi eno li züpukiqo qhaive tsüni,

JEREMIYA 50:38

Li züghi ye chethovepe nani! Kughengu aghakhu ye ajulho yeghi shivae eno panongu ye ajulho no shiküghüzü auvae.

ISAIAH 44:27

Khuu no akuthoku vilo, ‘Qhaivelo; I no o züghi chethove tsüni’ ipi kea?;

XAKUTHAMI 2:14

Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.