EZEKEL 29:5 - Sumi Naga CL (Re-edited) Bible (BSI)

⁵ I no asayeqha lo o peve nani, no eno o ghoki lo akha kümtsü; no ye aluza lo ikiqive nani eno khunomu o hekütsümo nani. I no o pesü ayeghi lo tüghashi eno atsütsü lo aghau chuqupu shi tsüve nani.

BAIBEL (BSI)

⁵ Ino noghi eno akha kumtsu asayeqhalo vepuwuve nani. Ophi mpiye ayeghi shou iluqive nani eno qhomono qhive nani. Ino aghauqo ngo tughashi pelo chupe nike tipau tsuve nani.

EZEKEL 29:5 Referans Kwoze

JEREMIYA 34:20

I no panongu pesü pano ghümi eno pano küxü phuche kemi u lo süvetsü nani. Pano kithi kumo ye amülhü lo aghauqo eno ayeghi lo tüghashiqo chuqupu shinani.

JEREMIYA 8:2

Tipaqo pesü panongu no kimiye eno huthu chekeu, panongu no pape eno mlla nike phu chekeu khetsünhe, aqhi, eno ayepuqo zülo ikhiphe nani. Tipaqo ye xukumqo momu qhove monani, ikemu amishiba toi ayeghi chhigha shou anani.

JEREMIYA 7:33

Timi hipaqo kithi kumo ye aghau chuqupu shinani, eno ayeghi lo tüghashiqo chuqupu shinani, khunomu panongu kichi hapupomo nani.

JEREMIYA 25:33

“Tipa ghuloki lo Ampeu no heqhive kemi ayeghi shekha lono ashekha kutolo pekishe wonani. Panongu kümsü qamo, kumqomo, momu akumo shiqhomo nani, panongu ye tübatüzü toi ayeghi lo anani.

EZEKEL 31:18

“Imaye Eden süboqo dolo ajekipi eno akughushu gholo no ye khikhiu toi kea? No ye Eden süboqo gholono ayeghi qhou sailove nani. No ye azütakikihi lono ghiqhive kemi, aphighüyiko ghamo kemi gholo ngove nani. “Hi ye Pharaoh eno paw aqokitikhi kümtsü ghenguno, ipi Ampeu Alhou no asheshu.”

JEREMIYA 16:4

Panongu ye akithipu küsü lono thinani. Panongu kümsü qamo eno shiqhomo nani. Panongu ye ayeghi lo tübatüzü toi nani, azütakikihi ngo akhüava lono pühave nani, eno pano kumo ye aghau ngo tüghashiqo chuqupu shinani.

LESHELE 74:14

Nono Leviathan kütsü ghapho tsüke; eno tipau pesü yenguyike-a lo tüghashiqo chuqupu shitsüe.

SAMUEL ATUGHIU 17:44

Pa no David vilo pi, “I lau ighilo, eno I no o phimpi pesü atsütsü lo aghau eno aluza lo tüghashiqo tsüveni.”

Piyeküsü 6:8

I no jukelo khurshi phalai keu lakhi aghi. Ti sakicheu je ye Akithi, eno Hades no pa papeche. Ayeghi lo küxümi tushoqü ye pama pelo aghükishi, püqümiye, asa-agha, eno tüghashiqo u lono pithive penike aküka tsüve.

EZEKEL 31:13

Tipau iluqive keu züngü lo aghau kümtsü no ngoe, eno aluza lo tüghashiqo no tipau lokaqo lo ani.