EZEKEL 26:8 - Sumi Naga CL (Re-edited) Bible (BSI)

⁸ Pa no azütakikihi pesü aphughi mta lono nongu ngaqo ghiqhive nani. Pa no o lenike khasüni keu tupikiye kuto nani eno amoqhe puku nani, eno azüto kumtoqo pesü o mjochile nani.

BAIBEL (BSI)

⁸ Khunoqono azumuku yeghilo taunqolo akhani keno aghushi akelono pithive nani. Aghumino aqoh chhuwo nani, ayeghi pewo atope ghowo nani eno nongu zulo azuto toi shosuyi mlape qhi nani.

EZEKEL 26:8 Referans Kwoze

EZEKEL 21:22

Shoxü ilokepu sübolu ghope qhi, ghiqhini ke ghenguno akichi xükho, ighamkuni ke asütsa süqhe, khagho shoxü ilo kepu sübolu ghope qhi, ayeghi xapuwo amoqhe puku, leluveni ke aqogheqo shiqhe pukuni ke ghenguno pa u ajeu no Jerusalem ghenguno asaqhilue.

JEREMIYA 52:4

Zedekiah yepe mpe atokuu, aqhi achighiu, atsala achighiu lono Nebuchadnezzar no paw ghüshimi kümtsü sasü ighi no Jerusalem leighi no khasü luve. Panongu no aqoghe shipukuve.

JEREMIYA 32:24

Julo, mishighüna leniye amoqhe pukuvae. Azütakikihi, püqümiye, eno püsa ghenguno mishighüna ye leighi akemi Chaldeami u lo süve tsüae. Nono kiu pi keno shikupu ani, eno Nono ti ithulu ani.

JEREMIYA 6:6

Kughengu aqokitikhi MPEU no ishi piani: “Jerusalem khasüni ke asüboqo yeqhi no li homxa amoqhe pukulo. Mishighüna hipau ghime masae; li lolo timi qhasü keu nguno alau kütau kiumu kühae.

SAMUEL AKINIU 20:15

Joab gholo kichemi no ighi no Beth-maacah lo Abel lono pa süho luve. Panongu no aphughi leniye aqo ghepuku, aghukhe-a tile shiqhe, eno aliwo tulaqhive tsüniye hepho ae.

Luke 19:43

Kughengu o ghümi no o bothape aliwo shive no o khasüpe no ako kümtsü lono le iloghini keu tsala ighi nani.

EZEKEL 26:6

eno li ngaqo ye aphughi mta lono azütakikihi pesü ghiqhive nani. Tileno panongu no Ni ye Ampeu kepi ithi nani.

EZEKEL 26:9

Pa no o tupikiye shoxü ilokepu sübolu peighi nani, eno pa müghü pesü o qogheqo loqhive tsü nani.

HABAKUK 1:10

Panongu no kükamiqo phimo, eno yepemiqo junuqhi. Aliwo kümtsü panongu no junu, kughengu panongu no ayeghi xapuwo amoqhe no leluve.