EZEKEL 26:3 - Sumi Naga CL (Re-edited) Bible (BSI)

³ Ampeu Alhou no ishi piani: Julo, O Tyre, I no o mjochile ani, azüghi no azü fukucho süghi ketoi, I no shiye kutomo o shou süghi nani.

BAIBEL (BSI)

³ “Tighenguno ni Akughushu MPEU no kiu piani keno tiye hipauke: Tur phughi, niye oghumike. Ino ashiayeh kutami kutomo oleve penike saighi nani eno panonguye azu kukucho kibe toi ighi nani.

EZEKEL 26:3 Referans Kwoze

JEREMIYA 51:42

Azüghi fukukucho no Babylon küzüpho luvae.

ISAIAH 5:30

Tipani ghi panoqo no azüghi ghügha toi Israel lo igha ighi nani. Julo, aghakhu lo aküzü ngo aveküsa likhi ithulu nani, eno khüngküsü no aküvü küzüluve nani.

MICAH 4:11

Itehi ye shiye kutomo no hekütsüpe o mjochileni ke piani, “Li shikitiqe lo, ni nhethi no Zion shou jupukuni.”

Luke 21:25

“Tishino amchipu kutomo khetsünhe, aqhi, eno ayepuqo lo ipeghi nani, eno ayeghi lo azümülhü tukide igha ipeghi no ayeghi lo shiye kümtsü veküsapu shi kütakihi nani.

ZEKHARIA 14:2

Kughengu Jerusalem sasü aghüshi penike I no shiye kümtsü hekütsü nani, eno mishighüna ye leluve nani, akiqo xulepuwuve nani, eno totimiqo shipüthave nani. Mishighüna lo küami tüxa ye akughu lo sawuve nani, ikemu achili thaqhü ye mishighüna qhimo nani.

NAHUM 2:12

Abongshuu no patiqo sala lukümkha shi lhoxü heqhiche eno pa tüna sala lhoxü tsüqhiche; pa kungo-a lo lhoxü tsüve keu eno ashi sütha pinyive keu no chhitoike.

EZEKEL 38:3

Ampeu Alhou no ishi piani: Julo, O Gog, Meshech ngo Tubal kükapuu atou, Ni ye o lachile ani.

EZEKEL 28:22

Ampeu Alhou no ishi piani: “Ni ye o lachile ani, O Sidon, I no o lau I juküvü pephe nani. Kughou I no li shou küghathani, eno li lau I kimthe pepheni keno panongu no Ni ye Ampeu kepi ithi nani;

EZEKEL 27:26

“Ow helisa kipemi no o sasü azüghi kutho lo saghivae. Kipela mülhü no azüghi mta lono o fuchhe pinyive tsüae.

EZEKEL 21:3

eno Israel yeghi vilo pilo, Ampeu no ishi piani: Julo, Ni ye nongu lachile ani eno asükhi lono I zütakikihi süjove no amikuchomi na kixikilami namu ghiqhive nani.

EZEKEL 5:8

ghenguno Ampeu no piani: Julo, Ni ye nongu lachile ani. Eno shiyeqo nhethe lono I no nongu lau aghime süghi nani.

JEREMIYA 50:42

Panongu no shexilika ngo apiji pecheni; panongu ye ayiküsa eno kimiyekini kühae. Pano ghügha ye azüghi toi igha, panongu ye khurshi sacheni, aghüshi kikithi lono kutope o lau cheae, O Babylon limi!

JEREMIYA 50:31

“O aqheküzau, I no o le nani; Ampeu aqokitikhi Lhou no piani, o ghimeni keu ghuloki ighivae.

JEREMIYA 21:13

“Julo, O akhila eno aqa lo atuqu lo küxümiqo, Ni ye nongu mjochile ani, ipi Ampeu no asheshu; nongu no picheni, ‘Khuu no iqighi no ni mjochile eno ni kungo-a lo iloghini kea?’

JEREMIYA 6:23

Panongu no shexilika eno angu kuto ani; panongu ye ayiküsa eno kimiyekini kühae; pano sütsa ye azüghi ghügha toi; O Zion limi, panongu no aghü shiniye kujojo ngoluve keshi khurshi sasü o leniye cheae!”

LESHELE 107:25

Kughengu Pa no pasapagha mülhü azah tsüno ithughipe cheni, tipau no azü fukucho ikughipe cheni.

EZEKEL 26:19

“Kughengu Ampeu Alhou no ishi piani: Kughou I no o pesü pighive keu, timi küghünamo keu mishighüna toi shive tsüni keno, kughou I no azüghi pesü o shou puku no azü kije pesü o küzü luveni keno,

EZEKEL 29:10

julo, Ni ye o lachile ani eno o ghoki lachile ani, Migdol lono Syene kuto eno Cush lughi kutolo I no Egypt yeghi pesü shishe küghüküghalei kütsave tsü nani.

NAHUM 3:5

Julo, Ni ye o mjochile ani, ipi aqokitikhi Mpeu no sheshu, o mini xapukupe o gi nha tsüni; I no shiyeqo pelo o phikümsa ithulu peni eno kükaqhaqo pelo o kukujopu lo jupuku peni.

ZEKHARIA 9:4

Ikemu julo, Ampeu no li küakini süwuve tsü nani azüghi lo li küka kütsave tsü nani, eno li ye ami no pitileve nani.

JEREMIYA 25:22

Tyre ngo Sidon kükami kümtsü, azüghimkü lo kükamiqo;