EZEKEL 23:37 - Sumi Naga CL (Re-edited) Bible (BSI)

³⁷ Kughengu pama ye shupuvae, eno pama u lo aji hedape ani. Pamaw asü-atu julho sasü shupuvae, eno pama ye anuli khunoqo pama no punu keno tipaqo pesü achuqupu shi asü-atu julhoqo mllavae.

BAIBEL (BSI)

³⁷ Pamaye salhakeu ngo ghiqhikeu shivae, asu-atu julho sasu salhakeu eno anuli punu itsukeu ghiqhike. Pamano inuli heqhi pesu pano su-atu julho lau mllave ke.

EZEKEL 23:37 Referans Kwoze

EZEKEL 16:36

Ampeu Alhou no ishi piani, Ow ghaghu ghale kükümsü lheqhi, o lojipumi eno ow aphikümqhüpu sü-atu julhoqo gholo o phikümsa lhapheke ghenguno eno nono o nuliqo ji panoqo tsüveke ghenguno,

EZEKEL 20:26

I no panoqo gho, panow anu anoghiu akümllagho vecheo panoqo shikitiqeve ke, tishikeu lono Ni ye panoqo kütsaveni ye ke. I no tishikeu lono Ni ye Ampeu kepi panongu pelo ithi peniye ke.

EZEKEL 16:38

Topumi küsalhami toi I no o lau küghathabe nani, aji peleve keu ye küghatha nani, eno aji pele keu loghu ngo anhekushu o shou lepuku nani.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

Luke 13:34

Jerusalem, O Jerusalem, tungkupmi pithive tsü chekeu eno khunoqo tile puwuni keno atu pesü veqhive tsü chekeu phughi! Ni ye khijeta awuqu no achishibo qholo ati vakütsü keshi o nuliqo hekütsüni shiche kela, ikeghi nono pulomoe!

MICAH 3:10

aji pesü Zion shiqhe eno axine pesü Jerusalem shiqhe ke.

HOSIYA 4:2

tushokiqhi, akimki, ghikiqhi, aküpka, eno asalha likhi ani; panoqo no akütsüghaqo kuqhove no ajikuqo no kibe ke.

HOSIYA 3:1

Ampeu no I vilo pi, “Israel tianuliqo no kütau lhouqo lau tsüghüsü wuve eno atsaikipki sho kimiyeuve namu Ampeu no panongu kimiye aketoi itaghi wulo, totimi khuu kütami no kimiye ani eno küsalhami shi acheni keno li kimiyelo.”

HOSIYA 1:2

Kughou Ampeu no atüghüshi Hosea vecheo Israel pütsa keno, Pa no Hosea vilo pi, “Wulo, anipu kütüqhalimi luvelo eno kütüqhaliu sasü atianuli shilo, kughengu aghakhu ye Ampeu pheve no shishe kütüqhauvae.”

EZEKEL 23:45

Ikemu amikuchomi no shupu-salha kemi eno totimi aji pele kemi lau küghakütha shikeu pesü panoqo lau küghatha nani, kughengu pama ye shupu-salha chekemi eno pama u lo aji hedape ani.”

EZEKEL 23:39

Kughengu kughou pama no asü-atu julho lau pama nuliqo akümllagho shi ghiqhive keno, tipau tsalani no pama no I kimthe chineki shikitiqe niye tile ighike. Eno julo, pama no I kilo shikeu ye hipau ke.

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

EZEKEL 16:45

No ye o za, khuu akimi ngo atianuli mithi cheni keno, li nga ke; eno no ye o tsünipulimi, khunono pano kimiqo ngo pano tianuliqo mithi chekeno tipaqo tsünipu ke. O za ye Hittimi eno o pu ye Amorimi ke.

EZEKEL 16:32

Anipu asalhau, nono akimi nguno kiptimi tüsümiu sasü züke!

JEREMIYA 7:9

Nongu ye püka, ghiqhi, shupu-salha, akimki shoqhi shi, Baal lau akümllagho tsü, eno nongu no mtha keu kütau lhouqo pape cheni

JEREMIYA 7:6

nongu no kachenami, mighimi, chimemi qhasümo, momu hipa-a lono pimimo kemi ji pelemo, eno o ghüzapushi kütami lhouqo pape wumo aye,

ISAIAH 1:15

Kughou nongu no au sükhope I kuni keno, I no nongu launo I nhethi kughove nani; nongu no akighini kutomo shimu I no inimo nani; nongu u lo aji no chhitoi anie.

KUKAMI AKINIU 24:4

eno pa no pimihami ji pele keu ghengu ghi ke. Kughengu pa no pimihami ji no Jerusalem lo pichhive eno Ampeu no tighenguno akipimi qhitsü mlave ke.

KUKAMI AKINIU 21:6

Pa no pa nu küghape piti mllave eno asheazü kipimi, asakiqhi, tumumi ngo kithixashemi peitha ke. Pa no Ampeu zülo shishe axine shikeu lono Ampeu mlo shikighideve tsüe.

KUKAMI AKINIU 17:17

Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

ZAKINIU 12:31

Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.

ACHINE 18:21

No ye o tianuli lakhimu pesü Molekh mllave penike tsükeu lono O Lhou je shipütha moni: Ni ye Ampeu ke.

KUKAMI AKINIU 23:10

Hinnom Nu Khila lo Topheth julho pa no shipüthave tsü, tishino khuu pelomu anu momu anga pesü Molekh lau akipti kümllagho tsüpe move.