EZEKEL 23:35 - Sumi Naga CL (Re-edited) Bible (BSI)

³⁵ Tighenguno Ampeu Alhou no ishi piani: Nono I kümsümave eno I pesü o thiu qhiveke ghenguno no ampi no o salha ngo kütüqha keu shekichile xapu masa nani.”

BAIBEL (BSI)

³⁵ Akughushu MPEU no kiu pi ani keno tiye hike: “Nono ikumsu mlave eno ozupo ilau kughopuwove ke ghenguno osalha shupu eno okiyighe ghenguno ime nanike.”

EZEKEL 23:35 Referans Kwoze

KUKAMI ATUGHIU 14:9

Ikemu no ye o züumi kümtsü nguno alau axine kije shivae eno I milive no o sala kütau lhou ngo ayi julho mlakeu lono I mlo shikighide tsüke.

EZEKEL 22:12

Nongu dolo panongu no aji peleni ye külügho luke; nongu no akighishe eno ala lue, eno akisüghüu launo kichiqhi süxachu keu lono ala shilue; ikemu nongu no I kümsümave kepi Ampeu Alhou no asheshu.

JEREMIYA 32:33

Panongu ye agi kumono azübou kughope I tsüe. I no tamo mithe panongu shika anamu panongu no I kükütsütsa lumoe.

JEREMIYA 3:21

Asa itsümo keu toghi lono asütsa lakhi chilue, Israel tianuli no mloqa qhüiniju ani kughengu panongu ye pano laghi pheve, pano Lhou Ampeu kümsümave ke.

ISAIAH 17:10

Kughengu nono o xakulupu Lhou pheve eno o kighijepu Tuqu kümsüchile lumove; tighenguno, nono asübo kivi eno inami tsaibo loka shosü aghina,

HOSIYA 13:6

ikemu kughou panongu no chusholu keno, panongu ye aghakiqi shiluve kehu I kümsümave ke;

HOSIYA 8:14

Kughengu Israel ye pa Lhokeu kümsümave no akighikiqo shi, eno Judah no aliwo kuptu phughiqo küghüsü shiqhevae; tighenguno I no pa phughiqo shou ami puwu tsüni, eno tino liw sükusho-aqo pitileve tsü nani.

JEREMIYA 2:32

Amikucho ilimi lakhi ye li chila kümsümave nanio, momu külaliu ye li phimini kümsümave nani keshea? Ikemu Iw timiqo no atsala kihimla kepushi I kümsümavae.

AKIKIHI 14:34

Nongu no atsala lhobidi lono ayeghi puju ketoi atsala lakhi no ampe lakhi kiqi shino nongu ye ampe lhobidi no xine makho xapu niae, tileno nongu no I mlokiqi kumo ithi nani.’

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

EZEKEL 44:10

Ikemu Israelmi no lavela lo wuve kelo Levimi khunono I launo putosüve no ajulhoqo pape wuve keno, panongu ye aghime xapu nani.

EZEKEL 7:4

I nhethi ye nongu juzüvemo momu Ni ye amloighi monani, ikemu nongu gholo aphikümqhüpu ake lono I no nongu kümla ghenguno nongu ghime nani. Tileno nongu no Ni ye Ampeu kepi ithi nani.

JEREMIYA 23:27

Asamo lakhi no lakhi vilo lhe aye, pano puasüqo no Baal kümlla vecheo I je kümsümave ketoi, Iw timiqo ghi I je kümsümave nanie pi panongu no kümsü cheni.

JEREMIYA 13:25

Hi no o saje, I no o saje mighi phevae, Ampeu no asheshu, kughengu nono I kümsümave eno akimki shou pükhübe ke.

NEHEMIA 9:26

“Ikeghi panongu no O gholu mono O hebide eno O yezahqo pano zübou qhive. Tungkupmi khunono pano pelo O lau ideighi penike kütüghü keno, tipaqo pithive tsü, eno shishe O küthakügha shike.

AKIKIHI 18:22

tishianguno Israelmi kütami ye kuposhukulu phiki kupunu ighipe moniye ke, tikumo aye panongu ye axine shive no thive nosae.

ACHINE 24:15

Tithiu Israelmi vilo, Khukhumu pa Lhou ghusho keu ye pa makho xapuni.

JEREMIYA 2:27

Nongu no asübo vilo, ‘No ye I pu,’ eno atu vilo, ‘Nono I punu ke,’ ipi cheni. Kughengu panongu no agi I piye mono kughope azübo I tsüke, Ikemu pano veküsa loye, ‘Ithughi no ni xalulo!’ ipike.

AKIKIHI 14:33

No tianuliqo no asayeqha lo ampe lhobidi itsüche nani, eno no mikuchokumo ghenguno nongu kümtsü asayeqha lono thikhave moke kutolo panonguu no ime anani.

AHOLE 30:9

tikumo aye ni ye kutomo auve no O milive ghi, “Ampeu ye Khuu kea?” ipilu nosa, momu ni ye kumlhomi shive no püka püzü I Lhou je shikuchhubelu nosae.

JEREMIYA 2:7

I no kupukuno shi akeu yeghi lo axathiqo eno thime kivi chulu penike nongu saghi ke. Ikemu nongu no iloghi kelo, I yeghi shipixive eno I mheghi pesü aphikümqhüpu shivetsü.