EZEKEL 22:27 - Sumi Naga CL (Re-edited) Bible (BSI)

²⁷ Liw yepemi no atine no lhoxü tsüchu aketoi aji pele, aküxü kütsa no achipikumo lono ala shiniye shie.

BAIBEL (BSI)

²⁷ Yehpeka yehkipelo kijemiqoye atine lojino lhoxu heqhi puzu suthapinyi kishi akeu toike. Panonguno kinikulu shiluniaye ghiqhi heqhi cheni.

EZEKEL 22:27 Referans Kwoze

EZEKEL 22:13

“Julo, nongu no amikucho kumo lono ala shilu keu eno nongu gholo aji pele keu lono I no I u be nani.

EZEKEL 22:6

“Israel sakiphemi nongu gholo akeqo julo, lakhikhi no pütüta küka kiqi lono tamono aji pele ani.

ISAIAH 1:23

Now sakiphemi ye hekibidemi eno küpkami gholo kichemie. Kümtsü no külügho kimiye eno müamzü tughotili phu acheni. Panongu ye mighimi lau kuchou xakütha tsüchemo, eno chimemi ghenguno puthugho tsüchemoe.

MATTHEW 21:13

Tipaqo vilo pa no pi, “Ishi yepüani, ‘I ki ye akighini ki ipi ku nani,’ ikemu nongu no hipau pesü küpkami küghütshü-a shive tsüae.”

ZEFANIA 3:3

Li qholo hiyampemi akeqo ye abongshuu toi keqoe; xaküthami no avela tüngtüghaqo, tsütho mono külhüve chekeqo.

MICAH 7:8

I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

EZEKEL 45:9

“Ampeu Alhou no ishi piani: Kughomae, O Israel kükapumiqo! Ngukangugha eno qodaqhi keu phevelo, eno kuchou xakütha ngo achipiu mikucho shilo. Iw timi haleve chekeu tavelo, ipi Ampeu Alhou no sheshu.

EZEKEL 22:25

Liw tungkupmiw pishikiqhi ye abongshuu no lhoxü tsüqhipe ighamku aketoi; panongu no timi küxü tsüchuvae; panongu no küakini eno akughupu thimeqo luvae; panongu no pano yeghi lo chimemi kutomo shive tsüae.

MATTHEW 7:15

“Kichile tungkupmi khunoqo ashou ye ambe yiko xapu ikemu alou ye tüngtügha yiküsa toi ighi cheni keno, nongu ye tipaqo jukutolo.

Apostolmi 20:29

I no ithi anike I no cheve kethiu tüngtügha yiküsa no nongu gholo ighi no küpülümi lojiqo püxümo nani,

JEREMIYA 5:6

Ikehu abongshuu no aghasü lono panoqo tsüve nani; tüngtügha no asayeqha lono panongu tsüve nani. Akhighiu ngushuu no panow mishighüna jukuto ani; tileno ipeghi kemi kümtsü sülatha pinyiveni cheni, kughengu pano xine ye kütsasae, panow hekibide ye kije ke.

JEREMIYA 34:19

Judah ngo Jerusalem hiyampemi, shokomi, achinemi, eno timi kümtsü amshiti xaphave keu mta lono wuke.

JEREMIYA 41:7

Panongu no aphughi alou iloghi kelo, Ishmael ngo paw timiqo no panoqo ghiqhive no asükumo pesü atughuko lo vesüve.

EZEKEL 22:3

No ye ishi pilo, Ampeu Alhou no ishi piani: Mishighüna no aji pele, eno asü-atu julhoqo mla no li ampi shikitiqe kehu li tüqhüdo ye ighivae!

EZEKEL 33:31

Panongu no lakhi shi o lau ighi no o zülo iqa eno nono kiu pi keno chilu ikemu panongu ye ti papemo nani; kughengu pano kichi lo ghaghughale tsa pike toi mlaitha ke; pano mlo ye pano no ala shinikeu lo ghope ani.

EZEKEL 34:3

Nongu no atha chu, amhiphi pepu, atha pubeyi keu ghiqhi ikemu nongu ye ambe lojimoe.

EZEKEL 36:12

I no timiqo, eno Iw timi Israelmi pelo nongu shouno chewupe nani, nongu ye pano mheghi shive nani, eno nongu tianuli ye khilemu akhüava shipemo nani.

EZEKEL 45:8

Hi no Israel lo kükapuu mheghi shini. Iw kükapumi ye Iw timiqo qodaqhi kithe moae, ikemu panongu no Israel laghami pelo ashiaye kiqi lono ayeghi alupe nani.

EZEKEL 46:18

Kükapuu ye timiqo mheghi kiumu lumoni, panoqo mheghi lono pano kopheve moni. Pa ye pa mheghi lono pa nuliqo saje tsüni, tishikeu lono Iw timiqo ye pano mheghi lono apanaghave monani.”

HABAKUK 2:9

“Khuu no kunguu apüsü pesüni ye, eno alhoksa lono itshü luniye pa kibolomi sala akumou laghi lono ala shicheni keno ahaküsapue!

YEKIKITHI AKINIU 36:14

Tipa shouno achinemi gholo hiyampemi eno timiqo kümtsü shiye kütami no aphikümqhüpu shiche keqo pape wuve eno akumou pükhükümla shive. Ampeu no Jerusalem lo Pa ki shikimthe tsükeu panongu no shipixive.

AHOLE 17:23

Kixikilami no achipiu xakütha tuchighive tsüniye tuqho-tughou no külügho luve cheni.

AKUMLO 4:13

Hi ye liw tungkupmi xine eno achinemi kipimi ghenguno ke, panongu no li yeghi lono amikuchomi ji peleke.

EZEKEL 13:19

Nongu ye ashothi anau au kichhi lakhi eno asho kughupo kititiqo ghenguno Iw timiqo zülono I shikitiqevae, Iw timiqo lau akimki tsa pi eno akimki tsa ini kemi no pithimo kepu timiqo pithive eno püxümo kepu timiqo püxüve ke.

Apostolmi 24:9

Jewmi ghi hi nguku akeu kümtsü kuchou kepi küqha tsüe.