EZEKEL 22:16 - Sumi Naga CL (Re-edited) Bible (BSI)

¹⁶ Shiyeqo zülo nongu ye no kümlaqo vecheo shikitiqeve nani, eno Ni ye Ampeu kepi nongu no ithi nani.”

BAIBEL (BSI)

¹⁶ Ikehu ashiayeh kutamino nongu phimo gihumo nani, ikemu niye AMPEU kepi nonguno ithi nani.”

EZEKEL 22:16 Referans Kwoze

EZEKEL 6:7

Ghiqhive kemi no nongu dolo ikiqi nani, eno nongu no Ni ye Ampeu kepi ithi nani.

EZEKEL 7:24

I no shiyeqo dolo alhoksau saghi no panoqo ki luvepe nani. I no akumtomi qheküza kishekhave tsü nani, eno panow akimthe-aqo ye shipixive nani.

LESHELE 83:18

tishiaye panongu no O likhi no Ampeu, eno ayeghi kümtsü shou Shishe Akiqheu kepi ithive nani.

DANIEL 4:25

ike no ye timiqo gholono hapupove nani, eno o kungo-a ye aghasa lo tüghashiqo gholo shive nani. No ye amshitsü lakhi toi atsüni chuuve nani, atsütsü lo tsüzü no o pütsü nani, eno Shishe Akiqheu no timi kükaqha lo ayepe cheni eno tipau pesü khukhumu Pa no pulo keu tsüve chenie pi nono ithi moke kutolo kihiküthado tsüni no o hecheve nani.

EZEKEL 39:28

Tileno panongu no Ni ye Ampeu pano Lhou kepi ithi nani, kughengu I no panoqo pesü shiyeqo gholo akughushi puwuve eno tithiu no pano yeghi lo panoqo hekütsü kumqo ke. Ni ye shiyeqo gholo panongu lakhimu qhivemo nani.

EZEKEL 25:3

Ammonmi vilo pilo, Ampeu Alhou tsa inilo: Ampeu Alhou no ishi piani, Kughou I chineki shipixive, Israel yeghi pesü küghüküghaleive tsü, eno Judah kibolomi haphe sawuve keno nongu no, ‘Aha!’ ipike ghenguno,

ISAIAH 47:6

Ni ye Iw timi shou amloideve; I no I mheghi shikitiqeve ke; I no panoqo pesü o u lo süvetsüe, nono pano kipimi qhitsü moe; nono kitemi mghachhoi peithae.

ISAIAH 43:28

Tighenguno I no akimthe-a lo sakiphemi shipütha nani, Jacob shou kütsakungo pinyikeu süghi nani, eno Israel shou küthakügha süghi nani.

ISAIAH 37:20

Ikehu itehi pa u lono ni xalu tsülo O Ampeu ni Lhou, tishianguno ayeghi lo kükaqha kümtsü no O likhino Ampeu kepi ithi nani.”

LESHELE 9:16

Ampeu no Paw küghakütha pephe piyevae; küsaküghami ye pano u lo kümla lono kitime luvae.

KUKAMI ATUGHIU 20:28

Alhou timi huno ighi no Israel kükau vilo pi, “Ampeu no ishi piani, ‘Syriami no, “Ampeu ye atoghiqo lhou kethono akhila lhou kumoe,” ipi kehu I no hi aqokitikhi kümtsü pesü o u lo süve tsüni, eno nono Ni ye Ampeu kepi ithi nani.’”

KUKAMI ATUGHIU 20:13

Tile tungkupu lakhi no Ahab lau ighi no pi, “Ampeu no ishi piani, No ye ghüshimi aqokitikhi ithulu anima? Julo, ishi tsala lono I no hipaqo o u lo sütsüni, tishianguno o pelo Ni ye Ampeu kepi ithi penie.”

IPEKULU 8:22

Ikemu tipa tsalani, I no Goshen yeghi, khile Iw timi küghüna ani keno, tipa-a ye pakütashi qhive nani, tishianguno amiyi loji ye tilau ighimo nani, ti ye nongu pelo ayeghi kümtsü shou Ampeu ye Ni kepi ithi peniye ke.

EZEKEL 22:17

Ampeu tsa I lau ighi:

LESHELE 9:17

Kixikilami eno Alhou kümsümave kemi shiyeqo ye kümtsü Kithigha lo wuve nani.