EZEKEL 20:7 - Sumi Naga CL (Re-edited) Bible (BSI)

⁷ I no panoqo vilo pi, ‘Nongu nhethi ghapiqilu chekeu aphikümqhüpu thimeqo nongu lakhikhi no pevelo, eno Egypt lo asü-atu julho vecheo nongu ampi shikitiqe kevilo; Ni ye Ampeu nongu Lhou ke.’

BAIBEL (BSI)

⁷ Ino panoqo vilo panonguno kupu achekeu kuchhube kutsula su-atu julhoqo peive eno Ijipmi kichileu lhouqo pesu panoqo shipixi kevilo pike, kughengu niye AMPEU panoqo Lhou ke.

EZEKEL 20:7 Referans Kwoze

ACHINE 18:3

Nongu no Egypt lo ache kelo panongu no xüche keu ghola pape kevilo, momu Canaanmi yeghi khile I no nongu sawu cheni keno, tipaqo ghola pape kevilo. Nongu ye pano khuaye pape xümoni.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

EZEKEL 18:31

Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

ACHINE 11:44

Ni ye Ampeu nongu Lhou ke. Tighenguno nongu kishekimthe pe akimthe shilo, kughengu Ni ye akimthe ke. Ayeghi lo itikiche eno lülüshi keu lhoxü jeli pesü nongu ampi shikuchhube moni.

EZEKEL 23:8

Li ye asalha khikhi li no Egypt lono huthu keno ti phevemoe; kughengu li lhothe lono apulhothemi no li shou iku eno li thathe kichhi pemgha no panoqow kütüqha keu pesü li shou lepuku ke.

EZEKEL 23:3

Pama ye Egypt lo kütüqha che; pama ye alhothe lono kütüqha che; pama kichhi tsüqü tsüche eno athathe kichhi pemghave tsüe.

EZEKEL 20:19

Ni ye Ampeu nongu Lhou ke; I khuaye papelo, eno Iw pimheyeqo papeni ke kutokupui lo,

EZEKEL 18:15

pa no naghutoqo lono chusho chemo momu Israel kibolomi sü-atu julhoqo shou pa nhethi jupukumo, pa kisüghüu nipu shikitiqemo,

EZEKEL 18:6

tsala pa no naghutoqo shou no chushomo momu Israel kibolomi sü-atu julhoqo shou pa nhethi jupukumo, pa kisüghüu nipu shikitiqemo momu aqhi lo aji wokeu dolono totimi ika wumo,

EZEKEL 14:6

“Tighenguno Israel laghami vilo pilo, Ampeu Alhou no ishi piani: Xaidelo eno now asü-atu julhoqo launo tsüghüve lo, eno now aphikümqhüpu kümtsü launo agi kughove lo.

EZEKEL 6:9

tileno nongu küghape wuve keu shiyeqo dolo akelono nongu pokalu keqo no I kümsülu nani. Kishi panoqow ghaghu mlo eno anhethi no I launo kughosü pano julhoqo mineuve kelono I mlo hephove tsü keno panongu no kümsülu nani. Eno panongu no panow kixikila kümla eno kuchhube kütsüla ghenguno pano ampi jupe aphimqhü nani.

ISAIAH 31:7

Kughengu tipa tsala loye milakhikhi no axinepu shi au lono ghükayi ngo ameshoyi julho mlakeqo kümtsü peve nani.

YEKIKITHI AKINIU 15:8

Oded nu Azariah no tungkuptsa pikeu Asa no chilu kemtsa, pa ye amlo mtoluve no Judah ngo Benjamin qha kümtsü, Ephraim ato yeghi lo mishighüna pa no hakholu keqo kümtsü lo ajulho ikhive. Pa no Ampeu chineki khala lo akümlla-khache shiqhe kitheve.

JOSHUA 24:14

“Tighenguno itehi Ampeu sümsa eno amlo tsüqhiyi aküpülü lono Pa qelo. No puasüqo no Aghoki kukuu eno Egypt lo mlla chekeu lhouqo phevelo eno Ampeu qelo.

ACHINE 17:7

Tishikeu lono panongu ye ane kimihi ghawu, khuu panoqo no sasü küzüvü acheni keno, pa lau aghashi auve monani. Tiqheli kupuju lo hi ye Israelmi ghenguno alholo pimheye shivae.

IPEKULU 20:4

“Nongu ye no sala ajulho mlape qhimoni, momu kunguu atsütsü lo momu aqhou ayeghi lo momu ayeghi qhou azü lo kiu kimihimu mlape qhimoni.

IPEKULU 20:2

“Ni ye Ampeu, khuu Egypt yeghi lo aqüaxe kibo lono nongu saipeghi keno, nongu Lhou huke.

IPEKULU 16:12

“Israelmi kumchho I no chiluvae. Panongu vilo pilo, ‘Tsüküzü lo nongu ye ashi chu nani, eno inaqhe no nongu ye asho pesü aghapiqilu nani. Tileno Ni ye Ampeu nongu Lhou kepi nongu no ithi nani.’”

ACHINE 20:7

Tighenguno nongu kishekimthe no akimthe shilo, kughengu Ni ye Ampeu nongu Lhou ke.

IPEKULU 20:5

Nongu ye tipaqo lau pishiqho moni momu tipaqo qemoni, kughengu Ni Ampeu nongu Lhou ye anhekushu Lhou kehu apu khunono I mithi cheni keno pano xine ghenguno atianuli aküthüu eno abidiu tiqheli kutolo xuju ighi chenie,

IPEKULU 22:20

“Khukhumu Ampeu lau likhi kumo aye, alhou kütau lau aghashi keu ye kütsaveni.

EZEKEL 23:7

Li no panoqo sasü kütüqha, panongu ye kümtsü Assyriami kishekiphemi ke, eno li no khunoqo sasü ghaghu shi cheni keno panoqo sü-atu julho pesü li shikitiqe ke.

ACHINE 18:2

“Israelmi vilo pilo, Ni ye nongu Mpeu Alhou.

EZEKEL 34:24

Eno Ni, Ampeu no panoqo Lhou shive nani, I qeu David no panoqo gholo kükapuu shive nani. Ni ye Ampeu ke; I no piqhivae.