EZEKEL 20:6 - Sumi Naga CL (Re-edited) Bible (BSI)

⁶ Tipa tsalani I no panoqo vilo, I no Egypt yeghi lono panoqo saipeghi no ayeghi panoqo ghenguno phu püakeu, akichhizü ngo akhingozü no qowu akeu yeghi, ayeghi kümtsü nguno ajuküvü yeghi lo sawuni kepi ashoqhi shike.

BAIBEL (BSI)

⁶ Tithiuno ino Ijip lono panoqo saipeghini keu eno panoqo sasu ino kishepua keu yeghi, kinikulu eno aghumakua yeghi, ayeghi kumtsu nguno akiviulo sawunikeu tushoqhike.

EZEKEL 20:6 Referans Kwoze

EZEKEL 20:15

Tinguno alau, akichhizü ngo akhingozü no qowu akeu, ayeghi kümtsü nguno ajuküvü, khikhi I no panoqo tsü keno Ni ye tile panoqo sailomo nani kepi asayeqha lono I no tushoqhi ke,

JEREMIYA 32:22

Nono pano puasüqo tsünike tushoqhi keu, akichhizü eno akhingozü qowu akeu yeghi panongu tsüe.

LESHELE 48:2

jukivishi qhemghai ani, ayeghi kümtsü lokivipu ke, Zion naghuto ye ahuu kushuo lo ani, Akükau akijeu phughi ke.

IPEKULU 3:8

eno Egyptmi u lono panoqo xaphelu no tipau yeghi lono panongu saipe akivi eno ililaike yeghi, akhingozü ngo akichhizü qowu akeu yeghi, Canaanmi, Hittimi, Amorimi, Perizimi, Hivimi eno Jebusimiqo-a lo qhiniye iqighivae.

ZEKHARIA 7:14

“I no miyitsü lono panongu pesü pano no mthakeu shiyeqo dolo kutholeve ke. Ikehu panongu no qhive keu yeghi ye küghüküghaleive, tishikeu lono khunomu tile nesü move, eno aghüche kivi yeghi ye küghüküghaleive.”

DANIEL 8:9

Tipaqo dolo akibo aghulo lakhi ipeghi, tipau ye apeu küdau, kipela eno ajuküvü yeghi küdau shishe kije shi thuipeghive.

IPEKULU 33:3

Akichhizü ngo akhingozü qowu akeu yeghi lo iqholo; ikemu Ni ye nongu gholo iqhomo nani, tikumo aye alaghi lono I no nongu pühave nosae, kughengu nongu ye kuthovi kemike.”

DANIEL 11:41

Pa no ajuküvü yeghi lo ighi nani. Qhethonhe chighi piqi no ikiqive nani, ikemu hipaqo ye pa u lono xaphe luve nani: Edom ngo Moab eno Ammonmiw akhoto-a.

DANIEL 11:16

Ikemu khuu no mjochile ighi ani keno pa no kiu shinishi ani keno shi nani, eno khunomu pa zülo puthugho mla nani. Eno kütsakungo keu no pa u lo pesü ngono pa no ajuküvü yeghi lo puthugho nani.

EZEKEL 20:42

Israel yeghi, aghakhu khikhi I no nongu puasüqo tsüni kepi tushoqhi keno, tile I no nongu saighi kelo nongu no Ni ye Ampeu kepi ithi nani.

EZEKEL 20:23

Tinguno alau, asayeqha lono panoqo lau I no tushoqhive, I no shiyeqo gholo panoqo kutholeve nani eno aghakhuqo lo panoqo haleve nani,

EZEKEL 20:5

eno pilo, Ampeu Alhou no ishi piani: I no Israel kishelu ke tsalani, Egypt yeghi lono I no panoqo lau pephe piye no ithilupe eno I no Jacob kibolomi tikughukoqo vilo pi; I no panoqo lau tushoqhi no pi, Ni ye Ampeu nongu Lhou ke.

JEREMIYA 11:5

tishikeu lono ishi nongu no akichhizü ngo akhingozü qowu akeu yeghi lo xüakeu ye, I no nongu puasüqo lau tushoqhi keu shoqhi shikupu tsüniye ke.” Tile I no khochile, “Ampeu, tishilo.”

JOSHUA 5:6

Kughengu Israelmi no ampe 40 asayeqha lo cheke lono Egypt lono ipeghi kemi shiye kümtsü eno aghükishimi kümtsü püghave ke, ti ye panongu no Ampeu tsa pemove ke ghenguno ke; tileno Ampeu no akichhizü ngo akhingozü no qole akeu yeghi, ningu tsüni kepi pano puasüqo lau tushoqhi püakeu hu, Ampeu no panongu pelo khilemu ithulu pemoe pi ashoqhi shive.

ZAKINIU 32:8

Shishe Akiqheu no shiyeqo pütüta mheghi kutotsü kelo, Pa no timiqo kijetha kelo, Pa no Alhou nuliqo kikihi kiqi lono ashiayeqo lughi shotsü.

ZAKINIU 31:20

Kughou I no pano puasü lau tushoqhi ketoi panongu sasü akichhizü ngo akhingozü no qowu akeu yeghi lo iloghini, eno panongu no achuqupu chunishi ke thaqhü chuno atha pubeiveni keno, panongu ye tsüghüsü kütau lhouqo mllauve nani, eno I milive no Iw puloshoqhi kubove nani.

ZAKINIU 27:3

Ampeu nongu puasü Lhou no piqhike toi, Pa no akichhizü ngo akhingozü no qowu akeu yeghi lo nongu no ngoluve kemtsa, atupha tipaqo shou Ayezah hi kümtsü yepe qhilo.

ZAKINIU 26:15

Kungugha lo O kimthe-a lono jupiqi no Ow timi Israelmi, eno Nono ni puasüqo lau piqhike toi ni tsükeu hi akichhizü ngo akhingozü qowu akeu yeghi kümgha tsülo.’

ZAKINIU 26:9

Pa no hilau akichhizü ngo akhingozü qowu akeu yeghi lo ni saghie.

ZAKINIU 11:9

eno Ampeu no nongu puasüqo eno pano polo kughukomi tsünike tushoqhi keu akichhizü ngo akhingozü no qowu akeu yeghi lo axüshulu nani.

ZAKINIU 6:3

Tighenguno, O Israel, inilo, eno pükapütsa pelulo, tino nongu kivipu shilu nani, eno Ampeu ni puasü Lhou no tushoqhive ketoi, nongu ye akichhizü ngo akhingozü no qole akeu yeghi lo shishe ikowolu nani.

AKIKIHI 14:8

Ampeu mlokiqi ningu lau aghi aye, Pa no akichhizü ngo akhingozü qowu akeu yeghi tile ni sawu no ningu tsüve nani.

AKIKIHI 13:27

Eno Moses vilo pi, “Nono ayeghi khile ningu puwu keno nino wujuke. Tile ye akichhizü ngo akhingozü no qowu ani, eno tilau xathi hi anie.

ACHINE 20:24

Ikemu I no nongu vilo pivae, ‘I no nongu mheghi shi akichhizü ngo akhingozü qowu akeu yeghi hipau pesü nongu tsüni.’ Ni ye Ampeu khuu ashiayeqo launo nongu kishe kütüta shitsü keno, nongu Lhou huke.

IPEKULU 13:5

Ampeu no nongu sasü Canaanmi, Hittimi, Amorimi, Hivimi, eno Jebusimi yeghi, akichhizü ngo akhingozü no qowu akeu yeghi, khikhi Pa no nongu puasüqo tsünie pi tushoqhi püa keno, tile ighive kethiu, nongu ye hipa qhi lono tiqhetini hipau ikhiluni.

IPEKULU 3:17

eno I no tushoqhi shi anike Egyptmi no ghimeqhi akeu lono I no nongu saipe Canaanmi, Hittimi, Amorimi, Perizimi, Hivimi, eno Jebusimi yeghi, akichhizü ngo akhingozü qowu akeu lo qhinani.”’

IPEKULU 6:8

I no Abraham, Isaac, eno Jacob noqo lau tsünie pi tushoqhi püakeu yeghi lo nongu saghi nani. I no tipau amheghi shi nongu tsü nani. Ni ye Ampeu ke.’”

ZAKINIU 32:40

Kughengu Ni ye alhokupuju xüani eno kungugha küdau I u süqhepe tushoqhi ani,

LESHELE 106:24

Tithiu panongu no ayeghi chhigha kivi jukünatha no, eno Pa shoqhi lo pülübe moe.

EZEKEL 47:14

I no kiu o puasüqo tsünike tushoqhi keno ti ye nongu dolo aqhemi shi kije nani. Ayeghi hipau ye nongu ghenguno amheghi shi nani.

ZAKINIU 3:25

Kimiyeno I pelo katha iku Jordan kukuu ayeghi kivi, ti ato yeghi kivi ngo Lebanon ithulu pelo.’

NEHEMIA 9:9

“Nono ni puasüqo no Egypt lo kishi aghime shi keno ithulu eno Akuhu Züghi lo panongu no ighamku keu chilu tsüe,

NEHEMIA 9:12

Puchou no khüngküsü tsükucho shi Nono panongu sache, eno putho lono ami tsükucho shino alaghi yepüvü panongu sawuke.

LESHELE 47:5

Alhou ye asütsa kuloghi lono kunguu ikuvae, afuko ghügha lono Ampeu ye ikuvae.

JEREMIYA 3:19

“‘I no pi, Ni ye kishi o pesü I nuli gholo qhino ayeghi kivi o tsü, shiye kümtsü nguno jukivi mheghi shitsü nishi chekelae. No ye I vilo, I Pu, ipi no I launo idewove monanie pi kümsü ake.