EZEKEL 20:13 - Sumi Naga CL (Re-edited) Bible (BSI)

¹³ Ikemu Israel kibolomi no asayeqha lono I hebide ke. Panongu no I khuayeqo pemove eno Iw pimheyeqo milive ke, tsala milakhi no tipaqo pape aye, pa ye xülu nani; eno panongu no Iw Sabbath shishe shikitiqeve ke. “Tileno I no pi, Ni ye asayeqha lono I loghu panoqo shou lepukuni, eno kümtsü kishekhave tsüni.

BAIBEL (BSI)

¹³ Ikemu timi kughuna moke-alo ghi panonguno ihebideke. Panonguno iyezah kuboleve eno ino ahza tsukeu khunono tipaqo pelu nikeno akuxupu sughi chekeu panonguno milive. Panonguno Sabat pinye shipixi khavetsu. Timi kughuna moke-alo ino panoqo pelo iloghu kighide kumgha pupeniye kutove eno panoqo kutsaveni keu shive.

EZEKEL 20:13 Referans Kwoze

EZEKEL 20:21

Ikemu anuliqo no I hebideve ke. Panongu ye I yezah lo cheche move eno Iw pimheyeqo gholuni ke kutokupui move, ti ye milakhi no papelu aye, tipau vecheo pa ye xülu nani pikeu ke; panongu no Iw Sabbath shikitiqeve ke. “Tileno I no pi, Ni ye panoqo shou I loghu lepukuni eno asayeqha lono I mlokighide panoqo shou pukuni.

EZEKEL 20:8

Ikemu panongu no I lachile ghi hebide eno I tsa chiluni keu pulo move. Panongu khumu pano nhethi ghapiqilu chekeu aphikümqhüpu jeli pevemoe, momu Egypt süatu julhoqo phevemoe. “Tileno I no pi, Ni ye I loghu panoqo shou lepukuni eno Egypt yeghi lono I mlokighide panoqo shou pukuni.

EZEKEL 20:24

kughengu panongu no Iw pimheye gholu move, I khuaye milive eno Iw Sabbath shikitiqeve, eno panongu nhethi no pano puasüqo süatu julho shou jupuku auveke.

ISAIAH 56:6

“Inaghami khunono Ampeu gholo xükime luve akeno, Pa huthu eno kimiye, eno Pa qemi shi acheni keno, khunono Sabbath ikhilu cheni, ti shipütha chemo eno Iw puloshoqhi mtotoi pecheni keno,

ZAKINIU 9:8

Horeb lo ghi nongu no Ampeu loghu xukutho, eno Pa ye ighono amloideve kehu nongu kütsani ye shive.

AKIKIHI 14:29

nongu gholo ampe muku nguno kunguu kihiküsü lo akemi khunoqo no I shou muchho keno, kümtsü hipau sayeqha lono ikiqi thive nani,

AKIKIHI 14:22

Egypt lo eno asayeqha lo khunono Iw amchipu jeli eno I juküvü ithulu keghi ghuthu chighi piqi I peju eno I hebide keno, tipaqo lakhimu

IPEKULU 32:10

Tighenguno itehi I lakha kevilo, I loghu no shukuthui panoqo pitini cheni, tishikeu lono I no o pesü shiye kije shitsüni.”

1 Thes. 4:8

Tighenguno khuu no hi ikhilu moni keno, pa ye timi kumono Aghungu Kimthe nongu tsükeu Lhou ikhilu amoe.

AMUS 2:4

Ampeu no ishi piani, “Judah xine küthü ghenguno eno bidi ghenguno, Ni ye aghime süchilemo nani, kughengu panongu no Ampeu yezah milivae, eno akhuayeqo pemovae, pano kimki no pano sabidevae, pano puasüqo no cheche keu laghi panongu no pape wuvae.

EZEKEL 20:16

kughengu panongu no I khuayeqo milive eno I yezahqo pemove ke, eno Iw Sabbath shikitiqeve; kughengu panoqo mlo ye pano sü-atu julho lau wuveke.

ISAIAH 63:10

Ikemu panongu no Pa hebideke, eno Pa Ghungu Kimthe pelo amloküsa shipeke; ikehu Pa no panoqo ghümi lau küqhano Pa ampi no panongu sasü aghüshi ke.

AHOLE 13:13

Akükütsütsa milive keu shou kütsakungo ikughi nani, ikemu azakütsü gihu chekeu ye asaxü tsü nani.

AHOLE 1:25

nongu no I kükütsütsa kümtsü jukümghaleve eno Iw shikithekütsü lakhimu lumoke ghenguno

SAMUEL AKINIU 12:9

Kushiye no ye Ampeu zülo kiu küsakügha shiniye Pa tsa jukümghaleve kea? Nono azütakikihi pesü Hittimi Uriah ghiqhive no pa nipu pesü o nipu shiniye luve tsüae eno nono Ammonmi zütakikihi pesü pa pithivae.

SAMUEL ATUGHIU 8:8

Egypt lono I no panoqo saipeghi ke tsala lono ishi kutolo panongu no I qhive no inami lhouqo qe ighive ketoi panoqo ye o lau ghi tishi ani.

ZAKINIU 31:27

Kughengu panongu ye kishi kuthovi eno hekibidemi keno, I no ithi ani. I no xüaphi lo thotsü nongu ye Ampeu hebide chenike I no thive kethiu ye kishita hebide nani kelae!

AKIKIHI 26:25

Issachar lagha lo qhethonhe lhotsügho bidi no aqhe küthü.

AKIKIHI 16:45

“Timi hipaqo launo putosü luvelo tishianguno I no paikhavi panoqo kütsaveni!” Ikemu Pama no ayeghi lo agi pishiqhope itsaqive,

ACHINE 26:43

Ikemu aghakhu lo küami ye ti qhive paghi masa, ayeghi ye timi kühano akulho qhilu masa, eno timiqo no I khuaye ngo Iw pimheye milive ke ghenguno shikithe masae.

ACHINE 26:15

eno Iw pimheye ngo akhuayeqo milive no I zakütsü papemo, Iw puloshoqhi kubove aye,

IPEKULU 32:8

Panongu ye I no azah tsükeu laghi lono paikhavi tsüghüvae. Panongu ye pano sala ameshoyi mishitsü lakhi mlave no ti mlla auvae eno tipau lau aghashi no pi, ‘O Israel, hipaqo no nongu lhou, Egypt lono nongu saipeghi keqoe!’”

Rommi 10:5

Ayezah pelu keu lono achipikaluni keu tsalo Moses no ishi yekeu no, timi khuu no Azakütsü peluni keno tipau lono xülu nani.

ACHINE 18:5

Tighenguno nongu ye I no tsükeu khuaye eno ayezah papeni; nongu no tishilu aye aküxüpu anani: Ni ye Ampeu ke.

YEKIKITHI AKINIU 30:7

Nongu ye no puasü eno no thiküzümi no Ampeu Alhou lau amikucho shimove ketoi kevilo, kughengu nongu no ithulu anike Pa no panongu pighive ke.

JEREMIYA 7:24

Ikemu panongu ye agholu moe eno akini mu kughopuwo mono alhoksa mlo xapu kuthovi ghi pano gho-apulou lono chewuve, eno azüu chewu mono athiu idewove.

EZEKEL 20:11

I no I yezah panoqo tsü no Iw pimheyeqo panongu pelo ithipe, tipau vecheo milakhi no ti papelu aye, pa ye xülu nanie pi ithipe.

EZEKEL 20:14

Ikemu shiye jeli khunoqo gholo panongu no xüani keno pano nhethe lo I je shikitiqe moniye I no I je ghenguno panoqo saipeghi keu vecheo panoqo pelo Ni ithipe ke.

EZEKEL 20:36

I no Egypt yeghi lo asayeqha lono no puasüqo sasü küghakütha shike toi I no nongu sasü küghakütha lo ilo nani ipi Ampeu Alhou no asheshu.

EZEKEL 22:8

Nongu ye Iw akimthe thimeqo thaigha eno Iw Sabbath shipixivae.

EZEKEL 23:38

Tinguno alau, pama ye I lau hipau shivae: pama ye atsala lakhi lono I kimthe chineki shipixi eno Iw Sabbath shikitiqevae.

ZAKINIU 9:7

Asayeqha lo nongu no kishi Ampeu nongu Lhou loghu xukutho keno kümsülu lo. Egypt qhiveke tsalani no a-a hipau lo ighi moke kutolo, nongu ye Ampeu hebide ighivae.

NEHEMIA 13:17

Tighenguno I no Judahmi sakiphemi sakiyi eno pi, “Nongu ye kushiye axine kümla hi shi ani kea eno Sabbath tsala shipixi ani kea?