EZEKEL 20:12 - Sumi Naga CL (Re-edited) Bible (BSI)

¹² Tinguno alau, I no Ni eno panoqo lau amchipu lakhi shi Iw Sabbath panoqo tsü, tishikeu lono Ni ye Ampeu, panongu qhukimthe tsükeu kepi ithi peniye ke.

BAIBEL (BSI)

¹² Ningu dolo xatha lukeu michi Sabat pinye ikhilu penikeu shi ino shitsuke, tiye ni AMPEU no panoqo pesu akimthe shikeu panoqo pelo kumsu chilelu apeniyeke.

EZEKEL 20:12 Referans Kwoze

EZEKEL 20:20

eno Iw Sabbath akimthe shi qhilo tishianguno tino Ni eno nongu dolo amchipu lakhi shi anani, eno nongu no Ni ye Ampeu nongu Lhou kepi ithi nani.

EZEKEL 37:28

Kughou panoqo gholo I kimthe-a alholo auveni keno, tileno shiyeqo no Ni ye Ampeu, Israel shikimthe kütsüu kepi ithi nani.”

1 Thes. 5:23

Aloinokütsü Lhou ampi no nongu shikimthetsü peni, eno ni Mpeu Jisü Khristo ikighi lo nongu ghungu, angulho eno aphimpi kümtsü tukutiye kühano aghi peni.

ACHINE 21:23

ikemu pa ye aphimpi lo tukutiye ani kehu nhaqhiphi phivilo momu akiptia kupunu ighi moni. Pa ye I kimthe nhemgha shipixi moni, kughengu Ni ye tipaqo shikimthe chekeu Ampeu ke.”

NEHEMIA 9:14

Nono O kimthe Sabbath panongu pelo ithilupe, eno O qeu Moses vecheo Nono O Yezah panongu tsüe.

ACHINE 25:4

Ikemu ampe akütsüniu loye aluza ghenguno iqüghai akulhokiqhi, Ampeu lau Sabbath shi tsüni. Alu lo apiti xusümo momu atsailu chimoni.

ACHINE 23:39

“Aqhi akütsüniu atsala chighiapunguu lo nongu no ghile lupusü ighi luve kelono tiqhetini hipau atsala tsüni pinini. Atsala atüghüu ngo akütacheu ye akimchi kulhokiqhi shini.

ACHINE 23:32

Aqhi lo atsala atokuu khetsünhe ilove kethiu no huthusü thoghiu avela kutolo nongu ye Sabbath ikhiluni. Hi ye akimchi Sabbath kulhokiqhi shini eno nongu ye kümvüni.”

ACHINE 23:24

“Israelmi pütsa no pilo, Aqhi akütsüniu atsala atüghüu lo akimchi kulhokiqhi tsala pinini, eno ti kümsükulu shi afuko ighani eno akimthe hoho shini.

ACHINE 23:3

“Atsala tsügho dolono akümla shini, ikemu atsala akütsüniu ye Sabbath kulhokiqhi hoho tsalae. Nongu ye akümla shimoni, Nongu no khile khile xünamu hi ye Ampeuw Sabbath ke.

ACHINE 21:15

tishikeu lono pa tianuli shikitiqe monani, kughengu Ni ye pa shikimthe chekeu Ampeu ke.”

ACHINE 21:8

Achinemi ye akimthe kepi kihilo, kughengu pa no achuqupu kümllagho pesü nongu Lhou tsücheni; nongu shikimthe chekeu Mpeu ye akimthe kehu achinemi ye akimthe kepi kihilo.

ACHINE 20:8

Iw pimheye papelo; Ni ye nongu shikimthe chekeu Ampeu ke.

IPEKULU 35:2

Akümla ye atsala tsügho dolono mlani, ikemu atsala akütsüniu lo nongu ye iqüghai akulhoqhi keu Sabbath, Ampeu lau akimthe shini. Khukhumu tipau tsala lo kiukiu kümla mu shi aye pithiveni.

IPEKULU 16:29

Julo! Ampeu no Sabbath nongu tsüe; tighenguno atsala akütsüghou lono Pa no atsala kini ghenguno asho nongu tsüe. Nongu kümtsü pütüta-a lo ngove lo; atsala akütsüniu loye khuu pelomu pa-a lono khalau ipepe kevilo.”

BOTHUBO 2:3

Ikehu Alhou no atsala akütsüniu kümghatsü eno tipau pesü akimthe shitsüe, kughengu tipau tsala lono Alhou no pulhoküsü kümla kümtsü tave no akulhoqhilu ke.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

Kolosiami 2:16

Tighenguno timi khunomu chuqu-kusho, tiqhetini, aqhi kithe, momu Sabbath pine ghenguno nongu shou küghathabe pekevilo.

ISAIAH 56:2

Timi nu khuu no Sabbath ikhilu cheni eno ti shipütha chemo, alhoksa kiumu shimoni eno mtotoi ti pape cheni keno pa kümghapue.”

JEREMIYA 17:22

Sabbath tsalani no ki lono akho xapu ipe kevi momu akümla shi kevilo, ikemu I no o puasüqo lau azah tsüke toi Sabbath tsala akimthe shi qhilo.

EZEKEL 20:26

I no panoqo gho, panow anu anoghiu akümllagho vecheo panoqo shikitiqeve ke, tishikeu lono Ni ye panoqo kütsaveni ye ke. I no tishikeu lono Ni ye Ampeu kepi panongu pelo ithi peniye ke.

EZEKEL 44:24

Aküküpna lo panongu no xaküthami shini, eno Iw küghakütha kiqi lono küghathabeni. Panongu no Iw tiqhetini kümtsü lo I yezah eno akhuayeqo papeni, eno akimthe shi Iw Sabbath papeni.