EZEKEL 19:10 - Sumi Naga CL (Re-edited) Bible (BSI)

¹⁰ O za ye atsailu lo azü phivilo atsaibo toie, azü kupukuno shi akeu lono axathi kutomo pithi eno alokaqo no chhitoi ke.

BAIBEL (BSI)

¹⁰ Ozaye aghokiti lakhi phivilo atsayibo shosupe akeu toike. Azu kupukunoshi akeu ghenguno atsayiboye anipa ngo alothino tuboleipe ake.

EZEKEL 19:10 Referans Kwoze

ZAKINIU 8:7

Kughengu Ampeu nongu Lhou no aghüma yeghi lo nongu sailoni cheni, ayeghi tipau ye aghoki eno azüpuki akeu eno ayeghi qhou züpuki no akhila ngo naghuto lono ipeghi anie;

HOSIYA 2:5

Kughengu panongu paza ye shupu-salhave; khuu panongu mishi keno li huno akukujopu shike. Kughengu li no pi, ‘Ni ye I lojipumi lau wuniae, panoqo no asho, azü, akülüphi, phepheike phi, thazü eno yekepu pesü I tsü chenie.’

HOSIYA 2:2

“O za lomipi lo— kughengu li ye I nipu kumoe, eno ni ye li kimi kumovae— tishino li pelo kütüqha pemove, eno li pelo asalha tave pelo;

EZEKEL 19:2

eno pilo: O za ye kiu kea? Abongshuuqu! Abongshuuqo dolo li no ipuu; abongshuu lhotheqo gholo li no atiqo saputhu ke.

EZEKEL 17:6

tino mini ipeghive no aqhou no qhawo keu tsaibo lakhi shive, tipa lokaqo no pa küdau qhawo eno akuhu ye tipa-a lo qüsüpe ae. Ti ye atsaibo lakhi shive no aloka qhawove.

ZAKINIU 8:9

Tile nongu ye asho luzüla mono chulu nani, eno athokha shimo nani. Tipa yeghi loye atuqo no ayi eno tile naghutoqo lono aküsayi chhuphelu nani.

John 15:1

“Ni ye atsaibo kuchou eno I Pu ye atsailu kichiu ke.

LESHELE 1:3

Pa ye aghoki mkülo asübo akeu toi atusho achipi lono axathi pithi cheni, tipau nipa ye ighüive chemoe. Pa no mlakeu kümtsü lo ghenighilai cheni.

LESHELE 128:3

O kibo lo o nipu ye atsaibo athi pithi chekeu toi nani; o nuliqo ye olivebo khuni toi o ghulhu lüpa vehope anani.

EZEKEL 19:13

Tipau ye asayeqha lo qhai ghoike-a lo shosüpe qhivae.