EZEKEL 18:31 - Sumi Naga CL (Re-edited) Bible (BSI)

³¹ Nongu no axine shive keu kümtsü nongu launo pevelo, eno nongu ampi no amlo kithe eno aghungu kithe shilu lo! O Israel laghami, nongu ye kushiye thiveni kea?

BAIBEL (BSI)

³¹ Nonguno alhoksa shiakeu kumtsu phevelo eno nonguye amlo kithe akukumsu kithe pululo. Israilmiqo, nonguye kushiye thiani kya?

EZEKEL 18:31 Referans Kwoze

EZEKEL 36:26

I no amlo kithe nongu tsü nani, eno aghungu kithe nongu lolo sütsü nani. I no nongu lolo atu mlo ikhive tsüno ashi mlo pesü tsü nani.

LESHELE 51:10

Amlo kimthe I lolo lhosü tsülo, O Alhou, eno achipiu ghungu I lolo sütsülo.

Rommi 8:13

Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

EZEKEL 11:19

I no amlo lakhi panoqo tsü nani, eno aghungu kithe panoqo lolo sütsü nani. I no panoqo phimpi lono atu mlo ikhive tsü nani eno aghokulu mlo panoqo tsü nani,

Rommi 12:2

Hipa yeghi xüghola sasü kimshive kevi, ikemu nongu kükümsü püxü kithelu keu vecheo aküxü pekili lulo, tishianguno nongu no chhejuke lono kiu no Alhou lopu, kiu no akivi, ikhikulupu eno kupukülai keno kimchilu nani.

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

ZAKINIU 30:19

Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

EZEKEL 20:7

I no panoqo vilo pi, ‘Nongu nhethi ghapiqilu chekeu aphikümqhüpu thimeqo nongu lakhikhi no pevelo, eno Egypt lo asü-atu julho vecheo nongu ampi shikitiqe kevilo; Ni ye Ampeu nongu Lhou ke.’

ISAIAH 55:7

Kixikilami pelo pa küxü ghola pheve pelo, eno achipi kumomi pelo pa kükümsü kilive pelo; pa pelo Ampeu lau ideighive pelo tishianguno Ampeu no pa shou kimiyekini apenike, eno ni Lhou lau ideighi pelo kughengu Pa ye akipimi qhivetsü nani.

ZAKINIU 30:15

“Julo, ishi tsala lo I no nongu zülo aküxü ngo akivipu, eno akithi ngo alhoksa qhitsü ani.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Peter 1:14

Aghokulu tianuli akehu khaghi nongu yekümtha lo pitipüza keu lhoaye hawuve kevilo,

James 1:21

Tighenguno aphikümqhüpu eno küsakügha kümtsü peve no ivünhei shi xusü püakeu tsa khikhi nongu ngulho xalu nani keno, ti ikhilulo.

Apostolmi 13:46

Paul ngo Barnabas pama no amlo kumtoshi pi, “Alhou tsa ye nongu vilo paghi pi masa kepu shiae. Ikemu nongu no ti ye kileve no nongu ampi ye lhokta küxü ithulu küzüpu kumovae pi xathave akeke ningu ye Jewkumomi lau wuniae.

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

MATTHEW 23:26

Nongu Phariseemi anhechemi! Akhu ajukhu alou küsüve paghilo, tishianguno ashou ghi mithelu nani.

MATTHEW 12:33

“Asübo lakhi ye pa xathi lono ithi cheni kehu akivishi asübo mlaphe no axathi kivi pithilu pelo, tikumo aye asübo alomo keu huno axathi ghi lhoksa pithi nani.

JEREMIYA 32:39

I no amlo lakhi eno alaghi lakhi panoqo tsü nani, tishianguno panongu no alholo I sümsa nani, ti ye panongu eno pano tianuli kivipu ghenguno eno pano thiu atilimi ghengu ghike.

JEREMIYA 27:15

Ni ye panongu puwu püamoe, ipi Ampeu no sheshu, ikemu panongu ye I je lono kichile tungkuptsa piani, ikehu tipau visavili ye I no nongu hapheve no nongu eno tungkuptsa pi akemi tungkupmiqo pühave kelono ipeghi nani.”

JEREMIYA 21:8

“Timi hipaqo vilo pilo: ‘Ampeu no ishi piani: Jualo, I no nongu zülo aküxü ngo akithi laghi qhitsü ani.

ISAIAH 30:22

Tishino now ghükayi ngo ameshoyi no shikeu julhoqo vilo nongu no, “Chevelo” ipi shipünha nani. Nongu no tipaqo ikhipe mithekumo thime paphishi peve nani.

AHOLE 8:36

ikemu khuu no I phumoni keno pa likhi pa ghüzavae; I mithi chekemi kümtsü akithi kimiye cheni.”

LESHELE 34:14

Alhoksa lono tsüghüve no akivi mlalo; aloinokeu phulo eno ti papelo.

James 4:8

Alhou lau kupunu ighilo eno Pa no nongu kupunu ighi nani. Nongu axinemiqo, nongu u qhukimtheve lo, nongu amlo kini kupumiqo, nongu mlo shikütsüghüve lo.

KUKAMI AKINIU 17:13

Ikeghi Ampeu no Pa ghinimi eno tungkupmi puwu no Israel ngo Judah ghutu, “Nongu laghi lhoksa lono tsüghüve lo, eno I no no puasüqo azah tsü püzü I qemi tungkupmi vecheo nongu tsükeu zakütsü eno akhuayeqo pelulo.”

ISAIAH 31:6

O Israelmiqo, nongu no shisheno khuu mjochileve akeno, Pa lau tsüghü ighilo.

ISAIAH 59:20

Ampeu no piani, “Xachilekuluu ye Zion lo, Jacob limi khunoqo axine lono ideighive akeno, tipaqo lau ighi nani.”

JEREMIYA 27:13

Ampeu no Babylon kükau qemo keu shiye ghenguno pi keshi, kushiye ow timiqo ye azütakikihi, püqümiye, eno püsa lono thini kea?

EZEKEL 43:9

Itehi ye panoqo pelo panow kütüqha keu ngo panow kükami sükumo I launo putou peve pelo, eno I no panoqo gholo alhokupuju acheuve nani.

JEREMIYA 4:4

Ampeu lau nongu phighüyiko ghalo, nongu mlo yiko ikhivelo, Judah ngo Jerusalem lo küami; tikumo aye no lhoksa ghenguno I loghu no ami toi khunomu ghapinhe mla kepushi piti nani.”

JEREMIYA 44:4

Ikeghi I no nongu lau ishokibe I qemi tungkupmi puwu no pi, ‘O, I no mithi chekeu aphikümqhüpu hipaqo shi kevilo!’

ZEKHARIA 1:3

Tighenguno panoqo vilo pilo, aqokitikhi Mpeu no shuphe: I lau ideighilo, aqokitikhi Mpeu no piani, eno I no nongu lau ideighini.