EZEKEL 18:22 - Sumi Naga CL (Re-edited) Bible (BSI)

²² Pa no mla ithave keqo xine kiumu pa lachile kepu shi kümsüchile tsümo nani; pa no achipiu mikucho shive keu ghenguno pa ye xülu nani.

BAIBEL (BSI)

²² Pa xine kumtsu peivetsu nani eno paye xulu nani kughengu kiuno achipi keno tipau pano shike.

EZEKEL 18:22 Referans Kwoze

MICAH 7:19

Pa ye itaghi ningu lau küpüqhiyi keu anani; Pa no ni xine nedave tsü nani. Nono ni xine kümtsü azüghi kutho lo vesüve tsü nani.

EZEKEL 33:16

Pa no shive keqo xine kiumu pa lachile keu shi kümsülu tsümo nani. Pa ye kiu no kuchou eno achipi keno shivae; pa ye mtsüqheino xülu nani.

ISAIAH 43:25

“Ikeghi Ni ye khuu I likhi I ghenguno nongu xine pevetsü cheni keno Pa huke, I no nongu xine kümsümave tsü nani.

EZEKEL 18:24

Ikemu kughou amikuchomi no pa chipiu mikucho lono tsüghüsü idewove no kuchou xakütha shimo eno kixikilami no shiche keu paphi shi aphikümqhüpu shini keno, pa ye xülu nani keshea? Pa no amikucho kümla shi keqo kiumu kümsülu tsümo nani; pa no pishikiqhi kiu shi keno tipau kipimi xapu akeu eno axine shive keu ghenguno pa ye thinani.

IBRIMI 8:12

Panow hekibide xineqo I no pevetsü nani, eno I no pano xineqo kihikülai tsümo nani.”

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

JEREMIYA 50:20

Tipa ghuloki lo Israel lo kiu xinemu phumla nani eno Judah lo kiu lhoksamu küha nani, kughengu I no khunoqo ghüpe qhive keno, tipaqo xine pevetsü nani.

LESHELE 103:12

Kipelau no kulolau sasü putosüpe aketoi, Pa no ni launo ni xine titohi lo ikhipe wuve tsü cheni.

1 John 3:7

Atianuliqo, khunomu nongu pishiqhipe kevilo. Khukhumu achipiu-mikucho pesü xüche kemi ye Khristo no amikucho kehu pa ghi amikucho ke.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

LESHELE 51:1

O Alhou, Ow iqemokeu kikimiye vecheo I kimiyekütü tsülo; Ow kikimiye kupukuno shi akeu vecheo I hekibideqo nuxave tsülo.

LESHELE 25:7

I lhothe lo xine eno hekibide kümsülu tsü kevilo; Ow Iqemokeu kikimiye vecheo, eno O je kivi vecheo I kümsüchile tsülo, O Ampeu!

LESHELE 19:11

Tinguno alau, tipaqo vecheo O qemi ghutulu cheni; ti papelu keu lo asaxü kije ani.

YEKIKITHI AKINIU 6:23

Ow kungugha lono ini tsüno O qeu lau küghatha tsülo, eno küqüve keu lau aghime tsülo ikemu achipiu ye pa chipiu kiqi lono kümgha tsülo.

KUKAMI ATUGHIU 17:18

Li no Elijah vilo pi, “O Alhou timi, no ye I shou kiu shi ani kea? No ye I pelo I xine kümsüchile luno I nu pithive niye I lau ighi anino lae!”