EZEKEL 16:59 - Sumi Naga CL (Re-edited) Bible (BSI)

⁵⁹ “Kughengu Ampeu Alhou no ishi piani: Nono mlave ketoi I no o lau shinani, no ye puloshoqhi kubove keu vecheo küthakügha shivae,

BAIBEL (BSI)

⁵⁹ Akughushu MPEU no piani, “Nono ithulu kuzupu qhemi ino otsu nani kughengu noye nono piqhivekeu jukumghaleive puzu puloshoqhi kuboleveke.

EZEKEL 16:59 Referans Kwoze

EZEKEL 17:19

Tighenguno, Ampeu Alhou no ishi piani, I no xüake toi, mtsüqheino pa no I shoqhi thaighave eno pa no kubove keu ye Iw puloshoqhi ke. I no tipau pa kütsü shou pukutsü nani.

ISAIAH 24:5

Timi no ayeghi shikitiqevae; kughengu panongu no Alhou yezah, akhuaye eno shekhaha puloshoqhi shikeu hexave ke.

EZEKEL 14:4

Tighenguno panoqo pütsa no pilo, Ampeu Alhou no ishi piani: Israel laghami khukhumu pa sü-atu julho pesü pa mlo lo xapu eno pa xine küpxalu kepu pa zülo qhi pülaghi tungkupu sasü kushoni ye ighi keu ye Ni Ampeu no asü-atu julhoqo ithulu keu qhemi khochile tsü nani,

EZEKEL 7:4

I nhethi ye nongu juzüvemo momu Ni ye amloighi monani, ikemu nongu gholo aphikümqhüpu ake lono I no nongu kümla ghenguno nongu ghime nani. Tileno nongu no Ni ye Ampeu kepi ithi nani.

JEREMIYA 31:32

ti ye I no Egypt yeghi lono pano puasüqo au lono sünhe sapeghike tsala lono puloshoqhi shikeu toimo nani, kughengu I no panongu kimi shi anamu panongu no Iw puloshoqhi tipau kubove ke.

JEREMIYA 22:9

Panongu no khochile nani, “Kughengu panongu no pano Lhou AMPEUw puloshoqhi pheve no kütau lhouqo mlla eno qeuve ke.”’”

JEREMIYA 2:19

O lhoksa no o ghimeqhi nani, o hekibede no o sakiyi nani. O Mpeu Alhou pheve keu ye alhoksa eno khumtsai kepi ithilo, I sümsa keu o lolo kühae, aqokitikhi Mpeu Alhou no sheshu ani.

ISAIAH 3:11

Kixikilami hasapue! Pa sala aghime anani, kughengu pa no shike toi pa lau shitsü nani.

ZAKINIU 29:25

Tileno timiqo no pi nani, ‘Ti ye panongu no Ampeu pano puasü Lhou no Egypt lono panoqo saipeghi kelono puloshoqhi shikeu panongu no pemove kehue,

JEREMIYA 11:10

Panongu ye I tsa milive no pano puasü xine lo idewovae. Panongu ye alhou kütauqo huthu nike pape wuvae. Israel ngo Judah kibo ye I no pano puasü sasü puloshoqhi shikeu hephovae.

ZAKINIU 29:24

tile shiye kümtsü no ishi pi nani, ‘Ampeu ye kushiye axuide aghakhu hipau lau hitoi shi kea?’

EZEKEL 7:3

Itehi kishekha ye nongu shou ighivae, I no I mlokighide nongu shou puwu nani; I no nongu laghi kiqi lono nongu lau küghatha nani, eno nonguw aphikümqhüpu kümtsü ghenguno I no nongu ghime nani.