EZEKEL 16:50 - Sumi Naga CL (Re-edited) Bible (BSI)

⁵⁰ Panongu ye aqheküza eno I zülo aphikümqhüpu kümla shivae. Ikehu kughou I no tipau ithulu keno panoqo ikhive ke.

BAIBEL (BSI)

⁵⁰ Panonguye aqhekuza shi kuthovilo cheke eno ino jumithi keu thime mlake, ikehu noghi akivishi ithi anike ghenguno panoqo kutsaleveke.

EZEKEL 16:50 Referans Kwoze

BOTHUBO 19:24

Tishino Ampeu no atsütsü lono Sodom ngo Gomorrah shou tsübuta kipti ngo ami ghuqhi tsü.

BOTHUBO 19:5

Eno panongu no Lot kuno pi, “Itiji o lau ighi kemi ye khile ani kea? Ningu lau pama saipeghi lo, tishianguno nino pama ithinie.”

BOTHUBO 18:20

Tishino Ampeu no pi, “Sodom ngo Gomorrah shou ngukube igha keu no kije shivae eno panongu xine no kuthoküzü shive akehu,

BOTHUBO 13:13

Sodommi ye küsakügha, Ampeu shou axine kije shiche kemie.

Piyeküsü 18:9

Ayeghi lo kükami khunoqo no li sasü kütüqha no li gholo kuthole xüche keno panongu no li pitikeu michhi ithulu kelo li ghenguno amloksa shi ighaqa nani.

Jude 1:7

Sodom ngo Gomorrah eno hokümxa lo mishighünaqo lo ghi ashupu asalha eno ashiaji pulou phukeu lono lhokta mi pesü aghime tsükeu huno kichekipiye shike.

2 Peter 2:6

tsala Sodom ngo Gomorrah phughiqo pesü ayevu kughulhove tsükeu lono panoqo püghavetsü, eno pano pesü Alhou kümthami lau kiu ighi nani keno kichekipiye shi püaghi aye;

ZEFANIA 2:9

Tighenguno, Ni hi xü anike,” aqokitikhi Mpeu, Israel Lhou no asheshu, “Moab no Sodom eno Ammonmi no Gomorrah toive nani, apüghüli eno amti kuchhuki shive no alholo ghenguno pighive nani. Iw timi ghükulumi no panoqo lepuwuve nani eno Iw timi lo ghükulumi no pano mheghi shive nani.”

AMUS 4:11

“Alhou no Sodom ngo Gomorrah kütsave ketoi I no nongu khami kütsavae, nongu ye amiphoki lono amsü püxü phelu ketoie; ikeghi nongu ye I lau ideighi moe,” ipi Ampeu no pi.

AKUMLO 4:6

Kughengu Iw timi nga ghime keu ye Sodom ghime nguno akijeu, ti ye khunomu li kuphu mono ghuthu khavino kütsave.

JEREMIYA 50:40

Alhou no Sodom ngo Gomorrah eno tipa sükümxa lo mishighünaqo kütsaleve kelo toi milakhimu tile küghüna kithemo nani, ipi Ampeu no sheshu.

JEREMIYA 49:18

Sodom ngo Gomorrah eno tipa cheaxü lo mishighünaqo kütsale kelo toi khunomu tile küghüna kithe move nani, Ampeu no pi ani.

JEREMIYA 20:16

Timi tipau ye Ampeu no küpümo no mishighünaqo haleve ketoi pelo; pa pelo inaqhe aküqa chilu pelo eno puchou kütüghü keu sütsa chilu pelo,

ISAIAH 13:19

Chaldeami juaje eno qheküzapu, kükaqha dolo jukighilepu Babylon ye Sodom ngo Gomorrah toi Alhou no kütsaleve nani.

AHOLE 18:12

Kütsakungo mphilo timi mlo ye tsütsüngoju cheni, ikemu agigihupu ighi nike züu aqhokigheu shicheni.

AHOLE 16:18

Kütsakungo nike zülo aqheküza acheni, eno ikiqi mphi züu tsütsüngoju keu acheni.

JOB 18:15

Pa kilo khikhi paw kumo keno tipaqo likhi acheni; amichu no pa ki hokümxa kuchopu leküxü püanie.

KUKAMI AKINIU 23:7

Pa no Ampeu chineki lo kütüqha pumiqo ki, khile no totimiqo no Asherah ghenguno chijeboike phi ghoche keno hephove tsü.

ZAKINIU 29:23

aghakhu kümtsü amichu ngo amti no chhitoivae, kiumu shosümo eno ipeghimoe, atsüni mu ipeghimoe; hi ye Ampeu no Pa loghu lono Sodom ngo Gomorrah eno Admah ngo Zeboiim kütsakungo keshivae—

ZAKINIU 23:17

“Israelmi kiptimi totimi khumu achineki lo kütüqhami shimoni.

ACHINE 18:22

No ye totimi sazü keshi kiptimi sazü moni; ti ye Alhou zülo aphikümqhüpu ke.

BOTHUBO 19:25

Eno Pa no mishighüna tipaqo, akhila, aphughi lo küxümi eno ayeghi lono kiu lhoipeghi cheni keno ti kümtsü kütsave tsü.