EZEKEL 16:11 - Sumi Naga CL (Re-edited) Bible (BSI)

¹¹ I no chiku-chilaqo pesü o pipe, o u lo au kükha sütsü eno o kuo lo achila xipinie.

BAIBEL (BSI)

¹¹ Ino achiku achipu pesu opipeke, oulo asapu sutsu eno okuolo achila xini pipeke.

EZEKEL 16:11 Referans Kwoze

BOTHUBO 24:22

Kughou sayeshiqo no azü yeluve keno, timi huno ameshoyi nguthi lakhi gram pungu, eno ameshoyi aumlo kükha kini gram 100 kimshi ikhiphe,

ISAIAH 3:19

akini kighi, aküsa, akuo küzüphi;

BOTHUBO 41:42

Tithiu Pharaoh no paw jedapu nguthi pa u lono ikhiluve no tipau Joseph u lo süvetsü, phepheike phi pa pipeve, eno ameshoyi no mlakeu chi pa kuo lo xipipeve.

BOTHUBO 24:47

Tishino I no li vilo iniju, ‘No ye khuno nga kea?’ Li no pi, ‘Nahor nipu Milcah no punu keu Bethuel nonga ke.’ Ikehu I no anigikighi li nigi lo sütsü eno asapu li u mlo lo pipeve.

AHOLE 1:9

kughengu tipaqo ye o ghenguno aküzüqhiyi keu kütsükuqho eno o kuo lo jukivi chila toike.

EZEKEL 23:42

Ghuthoghüzai kemi sütsa chilu ae, eno asayeqha lono shokümzümi saghi; panongu no totimiqo u lo asapu sütsü eno jukivi kütsüqho pipeke.

AKIKIHI 31:50

Eno milakhikhi no kiu ithulu keno, ameshoyi, au kükha, apukhu kükha, jedapu nguthi, akinikighi, eno achi pesü Ampeu zülo ni ghenguno lochiletsü penike akümllagho süghi ani.”

Piyeküsü 4:10

layemi muku bidi huno Khuu kükalakhü lo iqa no pülhapuju eno alholo xüacheni keno, Pa zülo itsaqi no mllae. Panongu no kükalakhü zülo pano kütsükuqho lhaqhi no pi,

Piyeküsü 4:4

Kükalakhü kütau muku bidi no tipau vehope ae, eno layemi muku bidi no aphimini kimiye pepusü ameshoyi kütsükuqho xapu tipaqo lo iqa aghi.

Piyeküsü 2:10

Nono kiu ghime sholu niye ani keno msa kevilo. Julo, nongu gholo khami ye tüghami no pejuni ye akughuki lo süveni ke kuto ani, eno atsala chighi kutolo nongu ye küsakushu shinani. Akithi kutolo pükhü kulupu shilo, eno I no aküxüpu kütsükuqho pesü o tsünani.

HOSIYA 2:13

Baal ghulhu tsalaqo lo li no akümllagho pitipe tsü, anguthi ngo achiku no ananu shino alojipumi papewu, eno I kümsümave kehu I no li ghime nani, ipi Ampeu no asheshu.

DANIEL 5:29

Tileno Belshazzar no azah tsüno Daniel ye hughaike phi pipeve, ameshoyi chi pa kuo lo xipipe, eno pa pelo kükaqha lo yepeu aküthüu shipeni keu shi shekushu lakhi shipe.

DANIEL 5:16

Ikemu no ye hepho piyelu nani eno aküküpna xathalu nanie pi I no chiluvae. Nono akiye philu eno tipau hekupho I pelo ithilupe aye, hughaike phi o pipeni eno ameshoyi chi o kuo lo xipipe no kükaqha lo yepeu aküthüu shipenie.”

DANIEL 5:7

Akükau no shiküghüzü kemi, Chaldeami eno yepu-yesü kighithimi asütsa kuloghi lono ku. Pa no Babylon lo alokütsümiqo lau asheshu, “Khukhumu akiye hipau philu eno hepho piyelu keu ye hughaike phi pipeni eno ameshoyi chi pa kuo lo xipipeni, eno kükaqha lo yepeu aküthüu shipeni.”

EZEKEL 23:40

Pama no putou ghi atsapemi puwu no timiqo kusaghipe; eno panongu no ighi. Panoqo ghenguno nokujo no azü kuchhuve, anhethi lo nudapuve, eno chiku-chilaqo xapuke.

AKUMLO 5:16

Kükakütsüqho ye ni kütsü lono ikiqivae; nino axine shive kehu ningu ye ahasapuae!

ISAIAH 28:5

Tipa tsala lo aqokitikhi MPEU no Paw timi ghükulumi ghenguno agigihupu eno jukivi kütsükuqho shinani,

ISAIAH 3:21

anguthi ngo anigi kighi;

ALE KIMCHI 4:9

Nono I mlo sünhe luvae, I chepu, Iw külaliu; o nhethi no ghuthu lakhi juke lono, eno o chiku lakhi huno I mlo sünhe luvae.

ALE KIMCHI 1:10

Amekusho thime no o ju kivi gholo küpha, o kuo lo ameshoyi chila huno aküzüqhiyi ke.

AHOLE 25:12

Pujushijuve kemi kükütsütsa no ini nishi akemi kini lo ilolu keu ye ameshoyi nguthi momu achila toike.

AHOLE 4:9

Li no aküzüqhiyi keu eno jukivi kütsükuqho pesü o pipe nani.”

JOB 42:11

Tithiu pa thiküzü chelimi eno püzüu pa ithi chekemi kümtsü no pa lau ighi no pa ki lono kümtsa aghulhu shi. AMPEU no pa shou ado lhoksa pukutsü keu ghenguno panongu no amloksa pa piye no pa lokughuno tsü. Eno panongu lakhi khino pisa ngo ameshoyi nguthi pesü pa tsü.

ESTHER 2:17

akükau no totimi kütami kümtsü nguno alau Esther kimiyeve, eno athathelimi kümtsü nguno alau li no pa nhethe lo küpükini ngo kikimiye auve, ikehu pa no kükakütsüqho pesü li pipeve no Vashti züqhulo li pesü kükaliu shive.

XAKUTHAMI 8:24

Pa no pi, “I no nongu vilo hi qhüiniju ani: nongu kümtsü aghüshi lono hakholu keu akinikighi pesü I tsüve lo.” (Midianmi ye Ishmael laghami kehu ameshoyi kinikighi acheke.)

ACHINE 8:9

Ampeu no azah tsüke toi Moses no akütsü shonhaphi pesü Aaron pipe, tipau gizüu pa no ameshoyi yipa davetsü, eno akimthe kütsükükha süvetsü.

IPEKULU 35:22

Ikehu kiptimi ghi totimi ghi ighie. Khunoqo no pulopinyi keu mlo xapu akeno panongu kümtsü no jidapu chekeu, akinikighi, jedapu nguthi, eno aumlo kükha, ameshoyi nhemgha qhoi pesü akümllagho shi Ampeu lau ikhiphe tsüve.

IPEKULU 32:2

Ikehu Aaron no panoqo vilo pi, “Nongu nipu, apu-angaqo kini lono ameshoyi nguthi xajope I lau süghilo.”

BOTHUBO 35:4

Ikehu panongu no inaghami lhou pano gholo akeqo eno pano kini lo kighi chekeu kümtsü Jacob tsüve. Jacob no tipaqo pesü Shechem lo aphisübo qholo küsüve.

BOTHUBO 24:53

Eno aqeu huno ghükayi ngo ameshoyi chi eno aphiminiqo ikhipe Rebekah tsü. Pa no li peu eno li paza ghi amekusho tüna-nanuqo tsü.

EZEKEL 16:17

Iw ameshoyi ngo ghükayi no mlakeu o chila kivi, khikhi I no o tsü keno tipau ghi nono ikhipe o ghenguno timi julhoqo mla, eno tipaqo sasü kütüqha ke.