EZEKEL 16:10 - Sumi Naga CL (Re-edited) Bible (BSI)

¹⁰ I no aye shisükeu phimini pesü o pipe eno ashiyiko akiviu pesü o pukhukuqho shitsü. I no phepheike phi akiviu pesü o küzüluve eno müdüniyike phi pesü o puuve.

BAIBEL (BSI)

¹⁰ Ino aye shisukeu phikuzu pesu opu-uve eno ashiyiko akiviuno shikeu apukhukuqho ngo muduniyikeu phi kutsu kukha eno phepheyi keu hekuuphi pesu otsuke.

EZEKEL 16:10 Referans Kwoze

EZEKEL 16:18

Nono ow aye shisükeu phimini pesü tipaqo nhape qhi, eno Iw thazü ngo I xokütsüngü pesü tipaqo zülo ghope qhie.

EZEKEL 16:13

Ikehu no ye ameshoyi ngo ghükayi no ananu shipuve, phepheike phi akivi, müdüniyike phi eno aye shisükeu phi no o phimini shike. No ye ashomkhu, akhingozü eno thazü akivi chue. No ye shishe ajukivi shi ipeghive eno kükaliu shive.

ISAIAH 61:10

Ni ye Ampeu launo shishe alovi nani; I ngulho no I Lhou sheqhe nani, kughengu külapuu no achineu toi jukivi kütsükuqho pu ketoi, eno külaliu no akughupu chikuqo ni ketoi, Pa no xakulupu phimini pesü I pipe; eno achipiu-mikucho pesü I phiküzü shitsü ke.

IPEKULU 26:36

“Aphiki kulaghi lo nhaqhiphi ghenguno atsüla, hughai, eno akuhu yeho ngo phepheike phi kipili pesü ayipu no aye shisü no qhilo.

Piyeküsü 19:8

Li pelo phepheike phi, phuphushi eno tsüghükhüi keu pepu penike tsüvae”— kughengu aphi tipau ye küpülümi mikucho kümla michipu ke.

Luke 15:22

Ikemu apu no pa qemiqo vilo pi, ‘Mtazü aphimini akiviu süghi no pa pipelo, pa u lo anguthi sütsü lo, eno pa pukhu lo apukhuqho süpipe lo.

EZEKEL 27:16

Ow tinhemgha kupukuno shi akeu vecheo Syria no o sasü lhidi shiche; panongu no emerald, hughaike phi, aye shisükeu phi, phepheike phi, azükhenu ghitu eno ruby tu pesü ow tinhemgha kilhisho che.

ISAIAH 61:3

Zion lo mloqa akemi lopiqitsü peniye, eno ayevu theli lo jukivi kütsükuqho panongu tsüniye, mloqa keu theli lo alokivi thazü tsüniye, amloksa theli lo shekiqhepu phimini tsüniye ke; tishianguno panongu ye amikucho phisübo, Ampeu no shosü keu, ipi ku nani, eno Ampeu juküvüpu shinani.

IPEKULU 28:5

Panongu pelo ameshoyi, atsüla, hughai eno huchuyi keu yeho peitha pelo.

IPEKULU 26:14

Akütsüqa lo nhakepu kütau kini mlalo, lakhi no ambe yiko huchuyi keu eno lakhiu no ane yiko pesü shilo.

BOTHUBO 41:42

Tithiu Pharaoh no paw jedapu nguthi pa u lono ikhiluve no tipau Joseph u lo süvetsü, phepheike phi pa pipeve, eno ameshoyi no mlakeu chi pa kuo lo xipipeve.

Piyeküsü 21:2

Eno akimthe phughi, Jerusalem kitheu, külaliu no kutope külapuu khe akeshi, kungugha lo Alhou launo iqi cheghi keu I no ithulu.

Piyeküsü 18:12

ameshoyi, ghükayi, amekusho tu, mlapuchi; phephei, hughaike phi, atayeho phi, huchuyike phi; tsüngqüike sü-tsüni kümtsü; akühahu nhemgha; amekusho sü-atu, ayi, alazayi, akimiyetu jeli pesü shikeu nhemghaqo;

EZEKEL 27:7

O shuka fusawuke phi no Egypt lono phepheike phi aye shisükeu, tino ow michiphi; Elishah züghimkü lono atsüla ngo hughaike phi no o pusho mlae.

EZEKEL 26:16

Tileno azüghimkü lo kükapumi kümtsü no pano kükalakhü lono iqighive no chijeboike phi ngo aye shisükeu phimini xaqhive nani. Msaighü keu no panongu kuuphi shi pepu nani; panongu no ayeghi lo iqave no atüqhüdo kümtsü khokhoshi nani eno nongu jupe akichiqhi nani.

EZEKEL 16:7

I no o pelo aluza lo atsünibo toi miniboi ipeghipe. Eno no ye thuwuve no chuqumghaive no jukivi no chhitoive. O kichhi ye akivi shi ipeghive eno o kütsüsa ye thuwuve; ikeghi no ye aphimini pepumo eno aphikümsa shiae.

AHOLE 31:22

Li no azüa küqhaphi ghocheni; li phimini ye phephei eno tsülabei.

IPEKULU 25:5

ambetsü yiko hughai bevekeu, ane yiko, acacia sü,

LESHELE 45:15

Panongu no akükau kighiki lo iloghi kelo alokivi eno alokiqi lono panongu sasü iloe.

ISAIAH 3:23

jupilikümsa phi, phepheike phi, akütsü küzüphi eno agikünha.