EZEKEL 15:7 - Sumi Naga CL (Re-edited) Bible (BSI)

⁷ I no I gi kughope panoqo lachile nani. Panongu no ami lono pokaluve namu, ami no panoqo pitiqhive nani, eno kughou I no I gi kughope panoqo lachileni keno panongu no Ni ye Ampeu kepi ithi nani.

BAIBEL (BSI)

⁷ saghino panoqo ghimeqhi nani. Ino panoqo ghimeqhike lono niye AMPEU kepi nonguno ithi nani.

EZEKEL 15:7 Referans Kwoze

EZEKEL 14:8

I no pa launo I gi kughove nani; pa pesü amchipu eno küghakichepu shitsü nani, eno Iw timi gholono ikhive nani, eno Ni ye Ampeu kepi nongu no ithi nani.

ISAIAH 24:18

Aküighüpu sütsa chilu kehu pove namu aqokutho lo ikiqive nani, khuana no aqokutho lono ipeghilu namu alichhe lono meluve nani. Kughengu atsütsü lashe ye khaqhi püani eno ayeghi boqha huno thüthüshi anie.

LESHELE 34:16

Ampeu gi ye alhoksa shikemi lachile cheni, ayeghi lono panongu kümsümave ghi ikhive cheni.

EZEKEL 6:7

Ghiqhive kemi no nongu dolo ikiqi nani, eno nongu no Ni ye Ampeu kepi ithi nani.

JEREMIYA 21:10

Ni ye mishighüna hipau shou akivipu kumono aküsapu ghenguno I kupulo shivae, Ampeu no asheshu: ti ye Babylon kükau u lo süvetsü nani eno pa no ami no pitive nani.’

KUKAMI ATUGHIU 19:17

Hazael zütakikihi lono pokalu keqo no Jehu no pithive nani, eno Jehu zütakikihi lono pokalu keqo no Elisha no pithive nani.

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

AMUS 5:19

milakhi no abongshuu launo poche kelaye ava sholu ketoi, momu aki lo ilo pa u no atozü bu kelaye apighi no mighi ketoie.

EZEKEL 20:44

O Israel kibolomi, Ampeu Alhou no asheshu, kughou I no nonguw kixikila laghiqo momu nonguw shiküpsa kümlaqo kiqi lono kumono I je ghenguno nongu peithani keno nongu no Ni ye Ampeu kepi ithi nani.”

EZEKEL 20:42

Israel yeghi, aghakhu khikhi I no nongu puasüqo tsüni kepi tushoqhi keno, tile I no nongu saighi kelo nongu no Ni ye Ampeu kepi ithi nani.

EZEKEL 20:38

Nongu dolo hekibidemi eno I mjochile ghi axine shi chekemi ye I no ikhive nani. Ayeghi khile panongu no kachena shicheni keno tile no I no panoqo saipeghive nani, ikemu panongu ye Israel yeghi lo ilolumo nani. Tileno nongu no Ni ye Ampeu kepi ithi nani.

EZEKEL 11:10

Nongu ye ghüyi lono wove nani. I no Israel lughi lono nongu shou xakütha shi nani, eno Ni ye Ampeu kepi nongu no ithi nani.

LESHELE 9:16

Ampeu no Paw küghakütha pephe piyevae; küsaküghami ye pano u lo kümla lono kitime luvae.

ACHINE 17:10

“Israelmi na inaghami pano gholo akemi khukhumu lhoxü ji chukeu ye I no pa launo I gi kughove nani eno paw timiqo gholono hapheve nani.

EZEKEL 7:4

I nhethi ye nongu juzüvemo momu Ni ye amloighi monani, ikemu nongu gholo aphikümqhüpu ake lono I no nongu kümla ghenguno nongu ghime nani. Tileno nongu no Ni ye Ampeu kepi ithi nani.

EZEKEL 5:8

ghenguno Ampeu no piani: Julo, Ni ye nongu lachile ani. Eno shiyeqo nhethe lono I no nongu lau aghime süghi nani.

EZEKEL 15:6

Tighenguno Ampeu Alhou no ishi piani: Aghasü lo asüboqo dolo atsaibosü khikhi I no ami lo süküghüpusü shi ikhipheve tsü akeno titoi I no Jerusalem lo küxümiqo ye kile phevae.

EZEKEL 19:12

Ikemu axukighide lono atsaibo pigheve, eno ayeghi lo veqhive; kipela mülhü no tipa xathi fukighichive tsü; tipaqo ye ighive no thizümüive. Abo kumtoqo ye ami no pitive.

EZEKEL 33:29

Kughou panoqow aphikümqhüpu ghenguno I no ayeghi pesü küghüküghaleive tsüni keno tileno panongu no Ni ye Ampeu kepi ithi nani.