EZEKEL 14:13 - Sumi Naga CL (Re-edited) Bible (BSI)

¹³ “Timi nu, kughou aküpülü küküha kümla vecheo ayeghi no I hebide ghi axine shini keno, I no tipau lachile ghi I u süqhe nani eno tipau lo chuqu-kusho süghi chekeu lakhave tsüno püqümiye puwu nani, eno tipau lono timi eno tüghashi pithive nani,

BAIBEL (BSI)

¹³ “Thinikuau timio, aghakhu lakhino axine shive puzu ilau amikucho shimove aye, ino iu chhopuwu puzu tipaulo achuqupu sughichekeu laghi shipusavetsu nani. Ino puqumiye keu puwu puzu timi ghi pichepighi ghi pithive nanike.

EZEKEL 14:13 Referans Kwoze

EZEKEL 4:16

Tinguno alau Pa no I vilo pi, “Timi nu, julo, Jerusalem lo asho xapu ighi chekeu I no lakhave tsüni. Panongu ye ahu eno kütakihi keu lono achuqupu chu nani akimghipu eno aghüthiküsü lono azü yenani.

ACHINE 26:26

No chuqupu laghi I no hekhave tsü kelo, totimi chighi no amiphoki lakhi lono asho shino aphiphi shi kije nani, nongu no tipau chukhave namu müzüthi nani.

EZEKEL 15:8

I no ayeghi hipau pesü küghüküghaleive tsü nani, kughengu panongu no pükhükümlapu shive ke, Ampeu Alhou no asheshue.”

EZEKEL 14:21

“Kughengu Ampeu no ishi piani: I no Jerusalem lo timi eno tüghashi kütsaveni kehu tile I mhekiqi küghakütha bidi: azütakikihi, püqümiye, tüghashi, eno püsa puwu kelo ti ye kishi alhoksa shinani kelae!

EZEKEL 14:19

“Momu I no ayeghi tipau lo timi eno tüghashi ghiqhiveni ye püsa puwu eno I loghu pephe no tipau shou aji pele aye,

EZEKEL 14:17

“Momu I no ayeghi tipau shou azütakikihi süghi no, azütakikihi no ayeghi hipau kathawu pelo, eno I no tile timi ngo tüghashi ghiqhive tsüniye shi aye,

EZEKEL 5:16

hi ye I no nongu kütsani ke ghenguno akithipu püqümiye piji, kütsakungo keu piji nongu lau kapuwu kelono, eno püqümiye alau alaushi nongu shou süghi eno nongu lau asho xapughi chekeu lakhave tsü kelono tishi nani.

JEREMIYA 32:43

Ayeghi hipau lo alu qhüchilelu nani, tipa ghenguno nongu no pike, ‘Hi ye pighive no timi na tüghashi mu kühavae; Chaldeami u lo süve tsüae.’

ISAIAH 24:20

Ti ye shokümzümi toi nanashi; apushonha toi sükujokiji ani; axine no mishishei qape ikiqive no ithughi kithe move nani.

ISAIAH 3:1

Kughengu julo, aqokitikhi Mpeu no Jerusalem ngo Judah lono timi no pükhüpe ache keu asho eno azü qhoi pewu cheae,

DANIEL 9:5

ningu no axine shivae, pimivae, kixikila kümla shivae eno hebidevae, O yezah eno O khuaye lono tsüghüvae.

EZEKEL 25:13

Ampeu Alhou no ishi piani, I no Edom shou I u chho nani eno timi na tüghashi namu kütsave nani. I no tipau pesü küghüküghaleive tsü nani; Teman lono Dedan kutolo azütakikihi lono ikiqive nani.

EZEKEL 20:27

“Tighenguno, timi nu, Israel kibolomi pütsa no pilo, Ampeu Alhou no ishi piani: Nongu puasüqo ye hipau lo ghi I lau küthakügha shike, ti ye pishikiqhi shi I peitha keu vecheo ke.

EZEKEL 9:9

Tile Pa no I vilo pi, “Israel ngo Judah laghami kipimi ye shishe kije ke. Ayeghi hipau ye aji no chhitoivae, eno mishighüna ye achipikumo kümla no chhitoivae. Kughengu panongu no pi, ‘Ampeu ye ayeghi hipau phevae, eno Ampeu ye ithulu amoe.’

AKUMLO 1:8

Jerusalem no zaghishi axine shive, tighenguno li ye niqhinilaivae; li gihu chekemi kümtsü no li jukünatha ani, kughengu panongu no li phikümsa ithuluvae; li ampi no aghime ghügha igha eno li gi küsü luvae.

JEREMIYA 36:29

Judah kükau Jehoiakim vilo pilo, ‘Ampeu no ishi piani, Nono ishi pipüzü liküküzü kaku hipau pitivae, “No ye kushiye tipau lo Babylon kükau no mtsüqhei ighi no ayeghi hipau kütsave nani eno timi ngo tüghashi pühave tsü nanie pi yepuku kea?”

JEREMIYA 7:20

Tighenguno Ampeu Alhou no ishi piani: I loghu ye a-a hipau lono panongu shou, timi eno tüghashiqo shou, aluza lo asübo eno axathiqo shou lepuku no pitive nani eno khilemu ghapinhe mla nani.”

EZRA 9:6

ishi pi: “O I Lhou, O lau I gi peqheni ke ni ye kujo ighü ani kughengu ni xine no ningu kütsü nguno qhemghai ikughivae I Lhou, eno ni kipimi no atsütsü tohi ikuvae.

BOTHUBO 6:7

Ikehu Pa no pi, “I no timi khikhi lhophe keno, timi eno lhoxü, itikiche eno atsütsü lo aghau kümtsü ayeghi lono pühaveni, I no panoqo lhopheke ghenguno Ni ye amlosavae.”

AKUMLO 1:20

“O Ampeu, I no iju akeu jutsülo; I po no minhe anie; I mlo no ipopinyi ani, kughengu I no shishe hebideve ke. Alaghila lo azütakikihi no amlo shikughuju tsü ani; aki lono akithi likhi anie.

JEREMIYA 52:6

Aqhi abidiu atsala atokuu lo aphughi lo püqümiye akumou shive no timiqo ye achuqupu kühave.

EZEKEL 6:14

I no panoqo shou I u chhopuwo nani, asayeqha lono Riblah kutolo panongu no küghüna akeu kümtsü küghüküghalei shipüsave tsü nani. Tileno panongu no Ni ye Ampeu kepi ithi nani.”

EZEKEL 14:12

Ampeu tsa I lau ighi: