EZEKEL 11:5 - Sumi Naga CL (Re-edited) Bible (BSI)

⁵ Ampeu Ghungu no I shou ikughive, eno Pa no I vilo pi, “Ampeu no ishi piani pilo: Israel laghami, nongu no kümsüju lo. Kughengu nongu kükümsü lo iloghi akeu thimeqo I no ithi ani.

BAIBEL (BSI)

⁵ AMPEU ghunguno ipeithaluve eno AMPEU no timi hipaqo vilo atsape hipau tsulopike: “Israil lo akemiqo, nonguno kiu piani eno akukughu shiani keno ino ithi ani.

EZEKEL 11:5 Referans Kwoze

JEREMIYA 17:10

“Ni Ampeu no amlo phuju cheni eno akükümsü peju cheni, timi lakhikhi laghi, pa kümla xathi kiqi lono agho tsücheni.”

EZEKEL 2:2

Pa no I pütsa, Aghungu huno I lolo iloghive, eno I pelo puthugho lupe, eno Pa no I pütsa keu I no chilu.

Piyeküsü 2:23

eno li laghami qhoi ghavetsü nani. Tileno akukuhou kümtsü no Khuu timi kükümsü-mlo lheju cheni keno Pa huye Ni kepi ithi nani, eno nongu lakhikhi lau pütüta kümla kiqi lono I no ajume tsü nani.

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

EZEKEL 29:3

Ampeu Alhou no ishi piani pi pütsa: “Julo, Egypt kükau Pharaoh, Ni ye o lachile ani, dragon kije pa ghoki mta lo ani, tipau no pi, ‘Nile ye Iw ke; I no I ghenguno mlae.’

EZEKEL 28:2

“Timi nu, Tyre kükapuu vilo pilo, Ampeu Alhou no ishi piani: “O mlo ye aqheküza eno nono pike, ‘Ni ye alhou, ni ye alhouqo lakhü lo eno azüghi mta lo iqa acheni,’ ikemu nono alhou toi kümsü anamu no ye timi thono alhou kumoe,

EZEKEL 8:1

Ampe akütsüghou, aqhi akütsüghou, atsala apunguni, I no I kilo Judah lo layemi gholo iqa akelo, Ampeu u no tilehi I shou ikughive.

EZEKEL 3:27

Ikemu kughou I no o pütsani keno, I no o kichi xükho tsü nani, eno nono panoqo vilo, ‘Ampeu Alhou no ishi piani’ ipi nani. Khuu no chiluni keno, pa no chilu pelo; eno milive keu no milive pelo, kughengu panongu ye hekibide laghami ke.

EZEKEL 3:24

Ikemu Aghungu no I lolo iloghive no I pelo puthughope, Pa no I pütsa no pi, “Wulo, o kilo khatha ilovelo.

EZEKEL 3:11

Ow timi haphe sawuve keqo lau wulo, eno panoqo no inina monamu panoqo pütsa no, ‘Ampeu Alhou no ishi piani,’ ipilo.”

EZEKEL 2:7

Panongu ye hekibide lagha kehu panongu no chiluna monamu no ye I tsa pesü panoqo vilo pilo.

JEREMIYA 16:17

Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

ISAIAH 58:1

“Ighamku lo, Süchile kevilo; afuko toi o ghügha süqhelo; Iw timiqo lau panongu xine shuphe tsülo, Jacob lagha lau panongu xine shuphe tsülo.

ISAIAH 28:15

Nongu no pike, “Ningu ye akithi sasü puloshoqhi shivae, eno Kithigha sasü puloküqhavae, aghümi no züqozü toi yimi ighimu nino akimki eno pishikiqhi lono sükusho qholo ngove akeke ningu shou kiumu shilumo nani”;

LESHELE 50:21

No ye thime hipaqo shivae, ikeghi Ni ye inaqhoi ighivae; nono kümsü keu no nighi o toi kemi küghashi ani. Ikemu itehi I no o lomipi ani eno ngukube keu o zülo süghi ani.

LESHELE 7:9

O amikucho Lhou, khuu akükümsü eno amlo lheju cheni keno, kixikilami kümla lhoksa kishekhave tsülo, eno amikuchomi xaqhe tsülo.

YEKIKITHI ATUGHIU 28:9

“I nu Solomon, amlo kümtsü süno puloniqhiyi keu kükümsü xapu o pu Lhou ithilo, kughengu Ampeu no timi mlo lheju no alolo kughu eno kümsüpu akeu kümtsü ithi achenie. Nono Pa phuju aye phulu nani, ikemu nono Pa qhive aye Pa ghi alhokupuju ghenguno o qhive nani.

SAMUEL ATUGHIU 10:10

Kughou panongu no Gibeah lo ighi keno, julo, tungkupmi amqo lakhi no pa sholu, eno Alhou Ghungu no pa shou ikughive no pa ye panongu gholo tungkuptsa pi.

SAMUEL ATUGHIU 10:6

Tileno Ampeu Ghungu no o shou ikughi no no ye panoqo gholo tungkuptsa pi nani eno timi kütami toive nani.

James 3:6

Amili ye ami toi, ni phimpi lo achipikumo yeghiqha hutoi ke. Tino aphimpi kuchopu shipüsave tsüno amiyizü mi pesü aküxü kupuju lo pitiqhi cheni

Apostolmi 11:15

I no panongu vilo atsa pithu kemtsa, hukuthu lo ningu shou ighike toi Aghungu Kimthe no panongu shou ighive.

Apostolmi 10:44

Peter no hipaqo pi aphi lono, atsa ini akemi kümtsü shou Aghungu Kimthe ikughive.

John 21:17

Jisü no ghuthu aküthüu pa vilo pi. “John nu Simon, no ye I kimiye anima?” Peter ye amlo shimove kughengu Jisü no pa vilo ghuthu aküthüu “No ye I kimiye anima?” ipi ighiju ke. Pa no Jisü vilo pi. “Ampeu, nono thokha ithi ani, eno I no o kimiye akeu nono ithi anie.” Jisü no pa vilo pi, “I mbeqo jukuto lo.

Mark 2:8

Panoqo ye pano lolo titoi ighiju kuto anie pi Jisü no aghungu lono ithikuthu luve kehu pa no pi, “Kushiye nongu mlo lo hipaqo kümsüpu ani kea?

JEREMIYA 11:20

Ikemu, aqokitikhi MPEU, amikucho xaküthau, amlo eno akükümsü peju chekeu, panongu shou O mkhükulu I pelo ithulu pelo, kughengu ni ye O lau I vehu kulhuqhivae.

EZEKEL 20:32

“Nongu kükümsü lo, ‘Ningu ghi shiye kütami toi shini, aghakhuqo lo ashiayeqo toi shini eno asü ngo atu mllani nolo’ ipikeu kükümsü ye khilemu shilumo nani.