EZEKEL 1:1 - Sumi Naga CL (Re-edited) Bible (BSI)

¹ Atsala apunguu, aqhi abidiu, ampe chighiaküthüu lo, ni ye Khebar züla lo haphe sawuve kemi gholo ae, tile kungugha kokiyeve eno I no Alhouw kungunhetsü ithulu.

BAIBEL (BSI)

¹ Ampe shighi, aqhi abidiu, atsala apunguni ni Ezekel achineu, Buzi nuye Judami hakughutsuve kemi sasu Babilon lo Kebar ghoki phivilo akelo atsutsu kiyeve eno ino kungunhetsu lono Alhou ithulu.

EZEKEL 1:1 Referans Kwoze

Piyeküsü 19:11

Tithiu kungugha khaqhi keu I no ithulu, eno julo, khurshi kimiye lakhi cheghi! Tipau shou iqa cheghi keu je ye Pükhükulu eno Kuchou, eno pa ye achipiu-mikucho lono küghathabe eno aghüshi chekemi.

Apostolmi 7:56

Pa no pi, “Julo, atsütsü khaqhi no Alhou u ajeu Timi Nu puthugho akeu I no ithulu ani.”

MATTHEW 3:16

Kughou Jisü baptiz shitsü keno, paikhavi pa no azü lono ithughi kemtsa, julo, atsütsü pa lau khaqhitsü, eno miqhedu no yewu chekeshi Alhou Ghungu iqighi no pa shou ngove keu pa no ithulu;

EZEKEL 11:24

Alhou Ghungu huno I süqhe luve eno kungunhetsü lono I sasü Chaldea lo haphe sawuve kemi gholo ighive. Tishino kungunhetsü khikhi I no ithulu keno tino I zülono kunguu ikuve.

Apostolmi 10:11

atsütsü khaqhive no kiukela ayephu kuloghi toike ashe bidi lono küghape no ayeghi lo piqi keu pa no ithulu.

Luke 3:21

Timi kümtsü no baptiz shiluve kethiu, Jisü ghi baptiz shive no akighini shi akelo kungugha khaqhive,

EZEKEL 10:20

Hipaqo ye Israel Lhou qholo aküxüküa lhoxüqo I no Khebar züla lono ithulu keqo ke; eno tipaqo ye cherubim kepi I no ithi ae.

EZEKEL 10:15

Cherub no kunguu ikuve. Hipaqo ye I no Khebar züla lo ithulu keu aküxüküa lhoxüqo ke.

Piyeküsü 4:1

Hipa thiu julo, itaghi kungugha lo ahukikha lakhi khaqhi püakeu I no ithulu! Eno azüu asütsa khikhi afuko toi vekipighi I pütsa keno, tipau huno pi, “Hilau ikughilo eno hipa thiu kiu shiveni cheni keno I no o piyeni.”

John 1:51

Pa no itaghi pi, “Kuchou no I no nongu vilo pini, kungugha khaqhi püzü Alhouw kungumi no Timi Nu shou iku-iqiju akeu nongu no ithulu nani.”

EZEKEL 43:3

I no kungunhetsü ithulu keu ye azüu pa no mishighüna kütsaveni ye ighi kelo I no ithulu keu kungunhetsü toike, eno I no Khebar züla lono kungunhetsü ithulu keu hutoi ke. I no I gi pishiqho luve.

EZEKEL 8:3

Pa no au jukimihi lakhi I küdau chhophe eno I kütsüsa lono ni pugho luve, eno Aghungu no ayeghi ngo kungugha dolo I sünheqhe luve no Alhouw kungunhetsü lono Jerusalem khagho kulaghi lo achebo alou ahuu küdau akeu lo anhekushu julho lakhü, khipau no anhekushu xukutho akeno tilau I sasü ighi.

EZEKEL 3:23

Ikehu I no ithu no akhila lo iqive, eno julo, Khebar züla lo I no ajuküvü ithulu ketoi Ampeu juküvü tilau aghie, eno I no I gi pishiqho luve.

EZEKEL 1:3

Chaldeami yeghi lo Khebar züla lono Ampeu tsa Buz nu achineu Ezekiel lau ighi, Ampeu u no pa shou ae.

ISAIAH 1:1

Judah lo kükami Uzziah, Jotham, Ahaz, eno Hezekiah ghuloki lo Amoz nu Isaiah no kungunhetsü khikhi Judah ngo Jerusalem ghenguno ithulu keno tihuke.

AKIKIHI 12:6

Ampeu no pi, “I tsa inilo: Nongu gholo tungkupmi aghi kelo Ni Ampeu no I pesü kungunhetsü lono pa lau kilethitsü, eno asamou no pütsa cheni.

2 Kor. 12:1

Ni ye aqheküza tsa pini aphi. Tino kiumu ala shimla kemu ni ye Ampeuw kungunhetsü ngo piyeküsü ghili pini aphi.

Mark 1:10

Kughou Jisü no azü lono ithughi keno, paikhavi atsütsü khaqhi keu pa no ithulu eno Aghungu no miqhedu toi iqighi püzü pa shou ngove.

JOYIL 2:28

“Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

HOSIYA 12:10

I no tungkupmi pütsa ke; kungunhetsü alau kighishetsü keu huye I no ke, eno tungkupmi vecheo kimghikipiye tsüke.

EZEKEL 40:2

Kungunhetsü lono Alhou no Israel yeghi lo I saighi, eno shishe qhemghai keu naghuto lo apeu küdau mishighüna shiqhe aketoi keu-a lo I küghüqa.

EZEKEL 3:15

Ni ye Tel-abib lo haphe sawuve kemi, Khebar züla lo küghüna akeqo gholo ighive, eno panoqo no küghüna akeu lo I no iqave. Eno tilau I mhoqhipe panoqo gholo atsala tsüni ngove.

AKIKIHI 4:3

ampe shighi lono lhopungu dolo khunoqo no kuposhukulu phiki lo mlalu nani keno kümtsü kihilo.

IPEKULU 24:10

eno panongu no Israel Lhou ithulu. Pa pukhu philo sapphire tu qha püake toi, tsüghükhüi keu no atsütsü hutoie.

BOTHUBO 46:2

Alhou no putho lo kungunhetsü lono pa pütsa no pi, “Jacob, Jacob.” Eno pa no pi, “Ni hile ani.”

Apostolmi 10:3

Ghulo lakhi avelau ayi küthü kihelo Alhouw kungumi lakhi no pa lau ighi no, “Cornelius” ipikeu pa no kungunhetsü lono mtsüqhei ithulu.

MATTHEW 17:9

Panongu no naghuto lono iqiche kelo, Jisü no pano küthü vilo azah tsü, “Akithi lono Timi Nu xüputhu moke kutolo khuu vilomu kungunhetsü pi kevilo.”

EZEKEL 10:22

Panoqo gi jukimihi ye I no Khebar züla lo khunoqo gi ithulu keno panoqo ju kimihi ke. Lhoxü lakhikhi no azüu küdau müzüchoi vejoi wuve.

BOTHUBO 15:1

Hipaqo shive kethiu, kungunhetsü lono Ampeu tsa Abram lau ighi: “Msa kevilo, Abram, Ni ye o züto ke; o saxü ye shishe kije shi nani.”

Luke 3:23

Kughou Jisü no pa kümla huthu keno, pa ye ampe shighi qhalo shiae, (azüu no kimshitsü ketoi) pa ye Joseph nu, eno Joseph no Heli nu,

ISAIAH 6:1

Akükau Uzziah kithi mpe lo Ampeu no chuqumghaike-a lo Pa kükalakhü lo iqa aghikeu I no ithulu; Pa phishe no achineki nhape ae.

LESHELE 137:1

Babylon ghoki mkülo, kughou ningu no Zion kümsülu keno ningu no tilehi iqano mloqa.

JEREMIYA 29:15

“Kughengu nongu no, ‘Ampeu no ni ghenguno Babylon lo tungkupmi saputhu tsü,’ ipi kehu,

EZEKEL 10:1

Tithiu I no jukelo cherubim kütsüqa shou aliho akeu lo thime lakhi sapphire toikeu ipeghi, kükalakhü lakhi jukimihi shi ipeghi.

EZEKEL 10:10

Tipaqo ju ithulu kelo pano bidi gha aju kimihi ke, kuluho lakhi lo kuluho lakhi aghi kepu toie.