ESTHER 7:8 - Sumi Naga CL (Re-edited) Bible (BSI)

⁸ Akükau no akighiki ghutu lono atsaizü sho akeu-a lo ideighi, ikelo Haman ye Esther no ngo akeu lakhü lo ikiqive. Akükau no pi, “Pa ye I kilo ghi eno I nhethe lo ghi kükaliu shipüthalu nani keshea?” Atsa hipau akükau kichi lono ipeghi khavi, panongu no Haman gi küzüve tsü.

BAIBEL (BSI)

⁸ Tithiu Akukauno aghutu lono idesu puzuu aji kusho alo iloghi eno Haman no amlo hauveno Esther no ngo akeu alo ikiqive. Akukauno mqhumzai igha ithuve, “Paye hile ikuka kilo inhekithe loghi li shipthalu nani kesha?” Akukau kichi lono tipau sutsa pike mtsa shokomiqono Haman gi kuzuvetsu.

ESTHER 7:8 Referans Kwoze

ESTHER 1:6

Tilehi nhaqhiphi asüpha kimiye no shikeu ae eno tsülabeike phi pesü heqhi eno phepheike phi akivi no phedave eno hughai keu ngo ghükayi ju no shikeu khadu ngo marble tsükuchoqo ae, itaghi ameshoyi ngo ghükayi lakhü no tsübui keu tu, marble, mlapuchi eno akughupu tuqo no aghüza shikeu-a lo qhie.

ESTHER 6:12

Tithiu Mordecai ye akükau khagho lo ideighive. Ikemu Haman ye pa kütsü küzüluve no amloksa shi pa ki lo mtazü wove.

ISAIAH 22:17

Julo, O akumtou, Ampeu no o küzütha pinyive nani. Pa no tsatsai o tsüqüpe

JOB 9:24

Ayeghi pesü küsaküghami u lo süvetsü cheni; Pa no küghaküthami nhethi kiyikhave tsücheni, Pa no kumo aye khuu no kea?

ISAIAH 49:23

Kükami no nongu papu kishe shi nani; eno kükalimi no nongu paza shi nani. Panongu no pano gi pishiqhope nongu agigihu tsü nani; eno nongu pukhu lo ayeghimkhu mineve tsü nani. Tileno nongu no Ni ye Ampeu kepi ithi nani; khunono I khe cheni keno, tipaqo ye kujovemo nani.”

Mark 14:65

Timi khami no amiti no pa müsüte thuve, eno pa gi nhave tsüno au sükumqope chishiqhi no pa thaigha pi, “Tungkuptsa pilo!” Tithiu ghukhemi no pa sawo heqhi.

ESTHER 1:5

Eno kughou atsala tipaqo kishekhave keno, akükau no Susa lo pa kighiki lo timi ighi kemi, kijemi eno kitilami kümtsü akükau kighiki khalacheu aghutu lono atsala tsüni kutolo aghulhu tsüe.

ESTHER 7:10

Tighenguno panongu no Haman no Mordecai ghenguno tshükiqhi-a mla püakeu lono pa tshüqhi pithive. Tithiu no akükau loghu ye iqüve.

AMUS 3:12

Ampeu no piani, “Ambekheu no abongshuu kichi lono apukhu kini momu akinibo tüxa hakholu keshi, Samaria lo Israelmi akeqo ghi amekusho lakhü acheku lakhi eno alüpa tüxa gholono hakholu nani.