ESTHER 5:1 - Sumi Naga CL (Re-edited) Bible (BSI)

¹ Atsala aküthüni Esther no kükaliu phimini pepuve no akükau kighiki alou akükau chebo zülo puthugho, akükau ye pa küka chebo alou kükalakhü lo, akighiki ikulola gizüu, iqa ae.

BAIBEL (BSI)

¹ Kumvu wo tsala akuthuni Esther no kukaliu nanu pepuno akukauno ngo chekeu kughaki alou ilo akukauno iqa akeu zulo puthugho.

ESTHER 5:1 Referans Kwoze

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

ESTHER 6:4

Akükau no iniju, “Küghaki lo khuu ani kea?” Haman ye akükau vilo pa no tshükiqhi-a mla püakeu lono Mordecai pithiveni keu vehu piniye akükau kighiki khala lo ighiae.

ESTHER 4:16

“Wulo, Susa lo Jewmi ithulu keqo kümtsü hekütsü lo, eno I ghenguno kümvü lo, putho pucho tsala küthü chusho kevilo. Ni eno Iw lhothelimi ghi nongu toi kümvüni. Tishino ayezah hexa aghimu I no akükau lau wuni, eno tsala I pühave kepu shimu, ni ye pühaveni.”

ESTHER 4:11

“Akükau qemi eno akükau timi aphughiqo lo akemi kümtsü no ithi anike tsala kiptimi momu totimi khuu no kusümo keghi akükau küghaki lo iloghi keno, tile ayezah lakhi likhi anie—ti ye pithiveni keu, khuu lau akükau no ameshoyi kükaküsü chhopuwoni keno pa ye xüluve nani. Ikemu, I ghengu ye, hi atsala shighi kutolo akükau lau ilolu penike kusü mphie.”

ESTHER 8:15

Tishino Mordecai no akükau zülono atsüla ngo metsüghoi keu kükaphi, ameshoyi kütsükuqho kije, phephei eno hughai keu chijeboike phi pepusü wuve, eno Susa mishighüna lo akemi no ighamku alovie.

Luke 22:30

Tishikeu lono nongu no I kükaqha lo chusholu eno kükalakhü lo iqa no Israel shiaye chighikini shou küghatha nani.

MATTHEW 27:64

Tighenguno atsala küthü kutolo akumoki jukuto khe penike azah tsülo, tikumo aye pa khopemi no wuno pa kumo pükape wuve no timiqo vilo, ‘Pa ye akithi lono xüthuvae’ ipi nosae, tishive aye akimki ashekhau hi no atüghüu nguno alhoksau shiniae.”

MATTHEW 11:8

Tikumo aye kushiye wu kea? Timi lakhi akümtsha eno amekusho phimini pepu aghikeu keo? Julo, khunoqo no akümtsha phimini pepu cheni keno, panongu ye kükami kilo acheni.

MATTHEW 10:16

“Julo, ambe no tüngtügha dolo ilolu akeshi I no nongu puwu ani, tighenguno apighi toi tsükhüi lo eno miqhedu toi ivünheilo.

ESTHER 1:11

Kükaliu Vashti pelo akükau zülo kükakütsüqho pusü ighi peniye shi, ti ye timi jeli eno kükapumiqo lau li jukivi piye niye ke, kughengu li ye jukighilepu ke.

ESTHER 4:17

Tileno Mordecai ye wuve eno Esther no azah pa tsüke toi kümtsü shive.

ESTHER 2:5

Tilehi Susa kighiki lo Jewmi lakhi ae, pa je ye Mordecai, pa ye Jair nu, Shimei nu, Kish nu eno Benjamin laghami ke,