ESTHER 1:12 - Sumi Naga CL (Re-edited) Bible (BSI)

¹² Ikemu shokomi no akükau zakütsü süghi keu Kükaliu Vashti no milive. Tipau lo akükau ye axuideve, eno pa ghakighide no pa lolo no iqü ipeghive.

BAIBEL (BSI)

¹² Ikemu kukaliu no ahza lumono ighimove eno tino akukau mlo ighono shikighideve.

ESTHER 1:12 Referans Kwoze

AHOLE 19:12

Akükau loghu ye abongshuu ghügha toi ikemu pa kivi huno atsüni shou atsüzü qipuku ake toike.

1 Peter 3:1

Tihutoi anipunoqo, nongu kimi qhoqhülo, tishianguno khami no Atsa gholu cheghimo namu, atsapi lono kumono pano nipuqow süqesüli vecheo tipaqo züluve nani,

Ephesiami 5:24

Ikehu akukuhou no Khristo qhoqhü ketoi anipuqo ghi thokha lo pano kimi qhoqhü masae.

Ephesiami 5:22

Anipuqo, Ampeu lau toi nongu kimiqo qhoqhü lo.

NAHUM 1:6

Khuu no Pa xukighide zülo puthugho luni kea? Khuu no Pa mlokighide kushu puqhe luni kea? Pa loghu no ami toi ghuqhi, Pa no atuquqo mukhumuno shi kubove tsü.

DANIEL 3:13

Tileno Nebuchadnezzar no axukighide lono Shadrach, Meshach, eno Abednego noqo saighi peniye azah tsü. Ikehu panongu no akükau zülo timi hipaqo saighi.

DANIEL 2:12

Hi ghenguno akükau ye ighono axuideve no Babylon lo alokütsümi kümtsü kütsave lopi azah tsüve.

AHOLE 20:2

Akükau loghu ye abongshuu ghügha toie; khuu no pa xukutho puthuni keno aküxü pühave cheni.

LESHELE 79:5

Ampeu, khitohi kea? No ye alholo amloide anani kea? O nhekushu ye ami toi iqüni keshea?

LESHELE 74:1

O Alhou, No ye kushiye alholo ni hapupove ani kea? Kushiye O tsüni kümtsha-a lo ambeqo shou amloide ani kea?

ZAKINIU 29:20

Ampeu ye titoi kemi kipimi qhitsümo nani, Pa mlo kighide ngo anhekushu no pa shou ikughi nani, kaku hipau lo müsüini keu kümtsü pa shou pukutsü nani, eno atsütsü qholono pa je ikhivetsü nani.

IPEKULU 32:22

Aaron no pi, “I mpeu xukighide tavelo. Nono timiqo ithi anike panongu ye küsakügha shinike kutope anie.

IPEKULU 32:19

Moses no aghazü kupunu ighi no amshiti julho eno ilhe aghi keu ithulu khavi pa xukighide iqü ipeghive, eno pa no pa u lono atulupha tiküma ikhipe naghuto boqha lono vephove.

BOTHUBO 3:16

Totimi vilo Pa no pi, “I no mtsüqheino o punu küsü küghüsüve tsüni; no ye aküsü lono atianuli punu nani. Tishimu nono o kimi jumine nani, eno pa no o shou ayepe nani.”

DANIEL 3:19

Tithiu Nebuchadnezzar ye axuideve, eno Shadrach, Meshach, ngo Abednego noqo launo pa gi kilive. Pa no kuchughei keu miphoki thosülo nguno ghuthu tsüni no alau küiqü penike azah tsüve.

ESTHER 1:11

Kükaliu Vashti pelo akükau zülo kükakütsüqho pusü ighi peniye shi, ti ye timi jeli eno kükapumiqo lau li jukivi piye niye ke, kughengu li ye jukighilepu ke.

ESTHER 1:13

Tileno akükau no alokütsümi khunoqo no aghuloki ithi ache keno panoqo vilo pi (kughengu hi ye ayezah eno xakütha akivishi ithi akemi lau akükau khuaye ke,

ESTHER 7:7

Akükau ye aji sho akeu lono ithu aloghu idesü akighiki ghutu lo wuve, ikemu Haman ye Kükaliu Esther launo pa küxü pükhatsü peniye ngove, kughengu akükau ye pa ghüzave nani pütsae pi pa no ithuluve.