Ephesiami 5:8 - Sumi Naga CL (Re-edited) Bible (BSI)

⁸ kughengu ghuthu lakhi lo nongu ghi aküzü lo ache, ikemu itehi ye Ampeu lau aküvü lo auve akehu aküvü nuliqo toi chechelo.

BAIBEL (BSI)

⁸ kughengu ghuthu lakhiye nonguye akuzulo acheke, ikemu Ampeu wu timi shive akehu nonguye akuvulo akemi toi chechelo.

Sümi Tiqhelimi Bible

⁸ Kughengu ghuthu lakhi lo nongu ye àküzǘ lo acheke, ikemu itehi ye Ampeu lono nongu ye aküvü lomi shivae. Aküvü lo akemi toi xüche lo

Ephesiami 5:8 Referans Kwoze

John 8:12

Jisü no itaghi timiqo vilo pi, “Ni ye ayeghiqha küvüe. Khunono I papeni keno aküzü lo chemo nani ikemu aküxüpu küvü anani.”

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

Apostolmi 26:18

panongu nhethi xükho tsüno no aküzü lono aküvü lo ipeghilu, eno Satan küka lono Alhou lau tsüghü ighilu, tishino panongu pelo axine qhikütsü ithulu no I lau aküpülü akeu vecheo shikimtheve kemi gholo a-a ithulu peni.’

Kolosiami 1:13

Pa no aküzü yekipeqha lono ningu xaphelu no petsüghü sawo Pa qhuu Nu yekipe lo ighike.

John 12:46

Ni ye aküvü shi ayeghi lo ighi, tishianguno khunono I pülüni keno aküzü lo ngomo nani.

Ephesiami 4:18

Pano kükümsü ye aküzü lo ani, eno amlo kümka lono kiumu ithini shimo kehu mbomzü shi Alhou no tsükeu küxü lono kütüta shivae.

John 12:36

Nongu no aküvü aphi lono aküvü shou pülübelo, tishianguno nongu ye aküvü nuliqo shilu nani.” Jisü no hipaqo pive no wuve eno panoqo launo itshüve.

ISAIAH 9:2

Khunono aküzü lo cheche keno aküvü kije ithuluvae; khunono aküzü kutho lo ache keno, aküvü no pano yepüvü luvae.

Ephesiami 2:2

Ti ye hipa yeghi lo küxü la pape, amülhü lo aghawu küka pape, itehi hekibidemi nuli lau mla akeu ghawu pape chenipi

2 Kor. 4:6

Kughengu, “Aküzü lono aküvü vüipeghi lo,” ipikeu Lhou no Jisü Khristo gilo Alhou juküvü kighithi küvü tsünike ghenguno ni mlo lo yepüvü tsüke.

JEREMIYA 13:16

Pa no aküzü süghi mphi züuno, zümoive keu naghutoqo lo nongu pukhu no küpxa mphi lono, eno nongu no aküvü laju akelo Pa no züchiyive tsüno aküzü kutho shivetsü mphi lono, Ampeu o Lhou sheqhelo.

Titus 3:3

Kughengu ghuthu lakhi lo ningu ampi ghi mbomzü, aghelumo kemi, pishikiqhimi, eno ashiaji lo kimne jeli qemi shiche, eno timi kiphikumo, anhekushu lono kütami kimthipu eno lakhi no lakhi mithi keu lono ningu do puwovae.

Luke 16:8

Hekujuu no hitoi amqükini shike ghenguno pa mpeu no akishe tsüe. Kughengu hipa yeghi lomiu no aküvü lo akemi nguno alau amqükini shi pano toi kemi peitha cheni.

ISAIAH 2:5

O Jacob laghami, ighilo, ningu Ampeu küvü lalo checheni nolo!

Ephesiami 6:12

Kughengu ningu ye timi sasü kumono yepemi, atomi, hi aküzü yeghiqha eno atsütsü lo aghaküsa ghawu kükaqo sasü küpüghü ani.

2 Kor. 3:18

Eno ningu khunoqo agi nhamo no Ampeu juküvü ithulu cheni keno, kümtsü ajuküvü lakhi lono lakhiu kutolo Pa jukimihi lo kilisüve tsü ani. Kughengu hi ye Ampeu khuu Aghungu keno, Pa launo ighi anike.

Luke 1:79

aküzü eno akithi yekükhü lo akeqo lau aküvü tsü nani, eno aloino keu laghi lo ni pukhu kichetsü ghi wu nani.”

2 Kor. 6:14

Pülümokemi sasü kuokhasü pukümtsa kevilo. Kughengu amikucho ye kiu lono ayezah heküxa sasü kütünalu nani kea? Momu aküvü ye kiu lono aküzü sasü kuposhulu nani kea?

1 Kor. 1:30

Pa ghenguno nongu ye Jisü Khristo lau kimepe ani, ni ghenguno Khristo ye Alhou launo ighikeu lokütsü, amikucho, shikimthekütsü, eno xachilekulu ke.

Rommi 2:19

momu no ampi no no ye thebei anhethi kighichemi lapiyeu, aküzü lo küami lau aküvü;

John 1:9

Aküvü kuchou khikhi timi kümtsü yepüvü cheni keno tipau ayeghi lo ighi niye shiae.

MATTHEW 4:16

aküzü lo ache keqo no aküvü kije ithuluvae, eno akithi yekükhü qholo ache keqo ye aküvü no ipeghi no panoqo shou yepüvü luvae.

ISAIAH 49:9

I no akughumi vilo pinani, ‘Ipeghilo,’ aküzü lo akeqo vilo pinani, ‘Ipeghive lo.’ Panongu no ambeqo alaghila lo achu kümza nani; eno qhemghaike-a kümtsü no pano chu kümza-a shinani;

Galatiami 5:25

Ningu no Aghungu lono xü cheghi aye, ningu Aghungu lono checheni nolo.

Rommi 1:21

Kughengu panongu no Alhou ithi anamu Pa ye Alhou kepi agigihu momu shikimthi tsümove, tike kumono pano kükümsü ye ame kühave, eno pano mbomzü mlo huno zümoi kitheve.

ISAIAH 49:6

Pa no pi: “I no O pelo Jacob shiaye xaqhe eno Israelmi püxü püakeqo sachile saghi peniye I qeu shipekeu ye mthülo ke; ikehu I no o pelo shiyeqo lau aküvü ghi shipeni, tishikeu lono Iw xakulupu no ayeghi shekha tolu peni.”

ISAIAH 42:16

eno I no anhechemi sasü panongu no khilemu püla chemo keu laghi lo sawu nani. panongu no ithimo keu laghi lo I no panongu la kichetsü nani; I no panoqo zülo aküzü pesü aküvü shivetsü nani; eno kipekuloi keu yeghiqo külaqavetsü nani. I no thime hipaqo shini cheni, eno Ni ye panongu phevemoe.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

Apostolmi 17:30

Mthake ghuloki loye Alhou no jukümghale ighivae, ikemu itehi ye Pa no aqha kuchopu lo timi kümtsü vilo xaide lopi azah tsü ani,

LESHELE 74:20

Puloshoqhi gihu tsülo, kughengu ayeghi lo aküzü-a kümtsü lo hekiqhi no chhitoi ani.

ISAIAH 50:10

Nongu dolo khuu no Ampeu sümsa cheni eno Pa qeu tsa lucheni kea? Khuu no aküzü lo püla cheni eno aküvü küha keno, pa pelo Ampeu je pükhübe eno pa Lhou pükhülu pelo.

MATTHEW 3:8

Aküxü xaidelu keu michipu shi axathi pithilo.

John 12:35

Tile Jisü no panoqo vilo pi, “Aküvü ye ado hami likhi nongu sasü aniae. Aküvü aphi lono chelulo, tikumo aye aküzü no nongu züthave nosae. Khunono aküzü lo checheni keno pa ye khila wucheni keno mthae.

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

Kolosiami 1:12

Apu khuu no nongu pesü aküvü lo küpülümi mheghi küsaje lupe keno Pa shikimthi tsü peniye ke.