Ephesiami 4:32 - Sumi Naga CL (Re-edited) Bible (BSI)

³² Lakhino lakhi lau amlo qhaqhilei eno mtshaivü lo, Alhou no Khristo vecheo nongu kipimi qhivetsü ketoi nongu lakhino lakhi kipimi qhitsü kilelo.

BAIBEL (BSI)

³² Eno lakhino lakhi kimiyekile, amlo ighiqhiyi eno kuzakuzuyi shilo, eno Khristo gholo Alhou no nongu kipimi pevetsu ketoi nongu lakhino lakhi kipimi pevetsukilelo.

Sümi Tiqhelimi Bible

³² Lakhi no lakhi lau küpüqhiyi eno kimiyeqhiyi lo, Alhou no Khristo vechewo nongu kipimí qhivetsü ketoi, nongu lakhi no lakhi kipimí qhitsüa lo.

Ephesiami 4:32 Referans Kwoze

Mark 11:25

Kughou nongu no akighini shiniye puthugho keno, khuana shou amlokiqi kumo aghi aye peve tsülo, tishikeu lono nongu Papu kungugha lo küau ghi nongu kipimi qhive tsü nani.”

2 Kor. 2:10

Nongu no timi kipimi pevetsü keno, ni ghi pa kipimi pevetsü ani. Kuchou no I no akipimi pevetsü püaghi aye, I no kiu pevetsü akeno, ti ye Khristo zülono nongu ghenguno ke,

Ephesiami 5:1

Tighenguno Alhou no qhuivü keu nuliqo akehu Alhou kimihi shilo.

Luke 6:35

Ikemu no ghümi kimiye lo, akivi mla lo, ithulu chileni keu kiumu lajumo no püna lo, eno nongu jume ye kije shi nani, nongu ye Shishe Akiqheu tianuli shi nani, kughengu Pa ye amlo lo shikimthikütsü küha kemi eno alhoksami lau ghi kimiyeqhiyi cheni.

Luke 6:37

“Küghathabe kevilo, eno o shou küghathabe monani; akipimi phu kevilo, eno o kipimi phutsü monani; akipimi peve tsülo, eno o kipimi pevetsü nani;

1 Kor. 13:4

Kikimiye ye kheakulu eno amlo ighiqhiyi; kikimiye ye aghichipo chemo, qhezalaki chemo; akuchhoma shichemo;

Luke 17:4

Tsala pa no atsala lakhi lono o lau ghuthu tsüni kutolo axine shive no itaghi tijehi o lau ighi no, ‘I no xaideni,’ ipi aye, no ye pa kipimi qhivetsü masae.”

MATTHEW 6:12

eno ni lau alhoksa shikeqo kipimi nino pevetsü ketoi, ningu kipimi ghi peve tsülo.

LESHELE 145:9

Ampeu ye kümtsü lau aloe, Paw kimiyekini ye Pa no lhokeu kümtsü shou ani.

1 John 2:12

Anuliqo, ni ye nongu lau ye ani, kughengu Khristo je lono nongu xine ye qhive tsüae.

Rommi 12:10

Akibolomi dolo kimiye kile ketoi lakhino lakhi ivükile lo. Gihukileni keu lo nongu paghino alomsü lo.

1 John 1:9

Ikemu ningu no ni xine pipheve aye, Pa ye pükhükulupu eno achipiu kehu ni xineqo qhivetsü no alhoksa kümla kümtsü launo ningu shikimthelu nani.

2 Kor. 2:7

ikehu itehi ye nongu no idewo pa kipimi peve tsüno pa lokughuno tsülo, tikumo aye amloksa no pa mhoqhive nosake.

James 5:11

Julo, khunoqo no puqhekulu keno, tipaqo ye akümghaue pi ningu no kihi cheni. Job no puqhekulu shikeu nongu no chiluvae, eno ashekha lo Ampeu kimji kiu akeno ithuluvae. Pa ye amlo ighiqhiyi eno kimiyekini ke.

2 Kor. 6:6

akimthe, akighithi, kutuukulu, kimiyekini, Aghungu Kimthe, kuchou kikimiye lono

Luke 11:4

eno ni kipimi peve tsülo, kughengu ningu ampi no ni pi kupumi kipimi pevetsü cheni. Eno ghukuju lo ni sailotsü kevilo.”

Luke 1:78

Ni Lhouw kimiyekini ghenguno inaqhe khetsünhe no atsütsü lono ni shou yepüvü ighi ketoi,

ISAIAH 57:1

Amikuchomi no thive keghi khumu amlo lo kümsüpu moe; khunomu vethamla no akelono amlo kütsümi sawuve ke. Kughengu achipiu-mikuchomi ye amhekiqipu lono sawuve;

AHOLE 19:22

Timi no laju chekeu ye iqemokeu kikimiye ke, kimkimi shi akepu ye kumlhomiu pavie.

AHOLE 12:10

Akivimi ye paw pichepighi ghi küpü cheni ikemu kixikilamiw kimiyekini ye ayiküsae.

LESHELE 112:9

Pa no ame lumono kümsano kijetsü cheni; pa no kumlhomi tsüke; pa chipiu mikucho ye alhokuthu acheni; pa kibo ye agigihu lono süqhe cheni.

RUTH 2:20

Tileno Naomi no li mukishiu vilo pi, “Ampeu no pa kümghatsü peniu, Pa ye küxümi lau pina kithimi lau pinamu kikimiye kümla qhive mphie!” Naomi no highi li vilo pi, “Timi hu ye ni bolomi kuchou, ni xachilekuluu lakhi ke.”

2 Peter 1:7

Alhou ithitoi keu gholo aküsami ivükile keu pesü veqalo, eno aküsami ivükile keu gholo kikimiye pesü veqalo.

Apostolmi 28:2

Tile küxümi no paküta keu kimiyekini ningu piye, kughengu tsüghuuve no süthi akehu, panongu no ami shino ningu kümtsü ikhilue.

SAMUEL AKINIU 7:21

O shoqhi ghenguno eno O mlo lo akeu kiqi lono, Nono thime kije hipaqo kümtsü shikeu ye, O qeu pelo ithi peniye shike.

AHOLE 19:11

Kümsükulu no timi pelo asheshi no amloidepe cheni, eno timi kipimi juzüve tsükeu no agigihupu ke.

JEREMIYA 38:12

Ebed-Melekh no Jeremiah vilo pi, “Aphiminiqa pesü o kichiqho lo tsaluvelo.” Jeremiah no tishive.